logo

сиёсат

ҲАДАФҲОИ МУҒРИЗОНА. Ё САҲА АЗ МУХОЛИФОНИ ТОҶИК ЧӢ МЕХОСТ?

Ба ҷаҳониён маълум аст, ки Ҳукумати Ҷумҳурии Тоҷикистон таҳти сарварии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба хотири хотима бахшидан ба ҷанги хонумонсӯзи шаҳрвандӣ, баргардондани фирориҳои иҷборӣ ба ҷойи зисташон, таъмини истиқрор ва амнияти ҳамагонӣ, барқарор кардани иқтисодиёти батамом фалаҷгардида, ҳарчи зудтар фароҳам овардани шароитҳои мусоид барои кору зиндагии аҳолӣ тамоми тадбирҳои имконпазирро истифода кард. Кунун дар шароити сулҳу субот ва ваҳдати миллӣ ҳизбҳои  сиёсӣ ифодагар ва ҳифзкунандаи манфиатҳои қишрҳои алоҳидаи шаҳрвандон буда, яке аз  рукнҳои асосии ҷомеаи демократӣ ва мутамаддин мебошанд.
Маълум аст, ки дар мамлакат тамоми шароит барои  фаъолият ва рушди бемонеаи аҳзоби сиёсӣ муҳайё карда шудаанд. Ҳар як шаҳрванди Ҷумҳурии Тоҷикистон тибқи қонунҳои амалкунанда ҳуқуқ дорад, ки ҳизби сиёсӣ таъсис диҳад, ба онҳо аъзо шавад ва ё аз онҳо барояд. Ин ҳуқуқҳоро моддаи 28 Конститутсияи Ҷумҳурии Тоҷикистон кафолат додааст.  Яъне, ягон маҳдудият барои фаъолияти ҳизбҳои сиёсӣ дар Тоҷикистон вуҷуд надорад. Вале дар сурати хилофи Конститутсия ва қонунҳои амалкунанда фаъолият бурдан ва амалҳои худро бар зидди сохти конститутсионӣ равона кардан, фаъолияти ҳизби сиёсӣ аз ҷониби Суди Олӣ қатъ мегардад, ки ин таҷриба  дар тамоми давлатҳои мутамаддин истифода  мешавад.
Лекин ба назар мерасад, ки бо вуҷуди ҳамаи ин озодиҳо ва шароити мусоид шахсоне ва ҳизбҳое ҳастанд, ки барои иҷрои ҳадафҳои муғризона ва нақшаҳои нопоки худ амалҳои ғайриқонуниро ба сомон расондаанд. Яке аз чунин ҳизбҳо собиқ Ҳизби наҳзати исломии Тоҷикистон мебошад, ки кӯшиши  халалдор кардани амнияти миллӣ ва суботу оромии ҷомеаро дошт.
Пас аз бартараф кардани ҳодисаҳои моҳи сентябри соли 2015 дар кишвар рухдода, аз тарафи мақомоти ҳифзи ҳуқуқ муайян шуд, ки мақсади асосии фаъолияти ин ҳизб на хизмат ба дину диёнат, миллату давлат ва пос доштани арзишҳои миллӣ, балки сарнагун ва тағйири сохти конститутсионии Ҷумҳурии Тоҷикистон, халалдор намудани амният ва хизмат ба хоҷагони хориҷӣ мебошад. Бо назардошти ҳолатҳои зикргардида Суди Олӣ  аризаи Прокурори генералии Ҷумҳурии Тоҷикистонро қонеъ намуда, дар асоси  моддаи 4-и Қонуни Ҷумҳурии Тоҷикистон «Дар бораи ҳизбҳои сиёсӣ» Ҳизби наҳзати исломии Тоҷикистонро ҳамчун ташкилоти ифротгароӣ (экстремистӣ) – террористӣ эътироф намуда, фаъолияти онро қатъ кард.
Бо вуҷуди ин, пайравони ҳизби мамнуъшуда бо истифода аз дастгирии баъзе қувваҳои беруна, махсусан  созмонҳои байналмилалӣ, ки худро ҳомии ҳуқуқи инсон ва тарафдори сулҳу субот ва амнияти ҷаҳонӣ эълон кардаанд, кӯшиш ба харҷ дода истодаанд, ки амнияту суботро дар Тоҷикистон халалдор созанд.  Аз чӣ сабаб бошад, ки ташкилоте чун Созмони амният ва ҳамкорӣ дар Аврупо дар як нишасти вижа  оид ба ҳуқуқи инсон дар шаҳри Варшава намояндагони ин ҳизби экстремистию террористиро даъват кардааст. Ин иқдом, пеш аз ҳама,  мухолифи усулҳои худи Созмони амният ва ҳамкорӣ дар Аврупо буда, нуфузи онро коста мегардонад.
Созмонҳои минтақавӣ ва ҷаҳонӣ бояд бидонанд, ки Ҳизби мамнуъи наҳзати исломӣ мисли дигар ҷараёнҳои ифротӣ на фақат барои Тоҷикистон, балки барои дигар кишварҳо низ хатар дорад.  Зеро ин ҳизб бо дастгирии хоҷагони хориҷии худ мехоҳад вазъро дар минтақа ноором созад. Аз ин рӯ, набояд созмонҳои ҷаҳонӣ тарғибгари чунин гурӯҳҳои ифротӣ бошанд, зеро ҳодисаҳои 11 сентябри соли 2001 дар Ню - Йорк ҳеҷ гоҳ аз хотири ҷомеаи инсонӣ дур намешаванд, ки аз ҷониби гурӯҳҳои тундрав амалӣ гардиданд.
Бояд донист, ки ҳизбу ҳаракатҳои экстремистию террористӣ, новобаста ба марзу бум, барои пиёда кардани ҳадафҳои нопоки худ такягоҳ ҷустуҷӯ мекунанд. Гузашти ҳамоиш дар Варшава бори дигар собит намуд, ки Ҳизби мамнуъи наҳзати исломӣ таҳаммулгароӣ ва фарҳанги зарурии сиёсиро надорад ва барои ба даст овардани ҳадафҳои худ, омода аст, ҳама чизро қурбон кунад.
Имрӯз ҳар як шаҳрванди Тоҷикистон бояд ҳушёриро аз даст надода, ба бозиҳои сиёсие, ки душманони миллат бо хоҷагони хориҷии худ ташкил карда истодаанд, дода нашаванд. Ҳайати профессорону устодон, кормандон ва донишҷӯёни Донишкадаи молия ва иқтисоди Тоҷикистон ин амали САҲА - ро маҳкум карда, иброз медоранд, ки ҳеҷ гоҳ ба ин бозиҳои сиёсӣ дода намешаванд ва ҷонибдори сулҳу субот дар тамоми минтақа ва ҷаҳон мебошанд. 
Ҳайати устодону донишҷӯёни
Донишкадаи молия ва иқтисоди Тоҷикистон


Баёни ақида (0)    Санаи нашр: 24.10.2016    №: 211    Мутолиа карданд: 2032

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед