logo

иҷтимоиёт

МАКТАБ БАРОИ КӮДАК. СУХАН ДАР БОРАИ ОИЛАИ СОЛИМ МЕРАВАД

Дар шаҳри Қӯрғонтеппа - маркази маъмурии вилояти Хатлон бо ибтикори шаҳрдорӣ дар мавзӯи “Сабабҳои фурӯпошии оилаҳо” конфронси илмӣ - амалӣ гузаронда шуд. Ба кори он ҳама масъулони 12 шаҳру ноҳияи минтақаи Қӯрғонтеппа даъват гардиданд.
- Кӯдак дар оила донишвару ҳунарманд, худошиносу худшинос, инсондӯсту ватандӯст ба воя мерасад, - зикр кард зимни сухани ифтитоҳӣ раиси шаҳри Қӯрғонтеппа Амируллои Асадулло. - Яъне оилаи хубу солим барои кӯдак ба манзалаи як мактаб аст. Пойдевори ин раванд бояд аз меҳру муҳаббат ва эҳтироми якдигар асос ёбад, то дар муқобили ҳар як ноҷӯрии рӯзгор устувор бошад. Аммо, мутаассифона, ҳолатҳои ба қадри оила нарасидани баъзе ашхос ҳоло ҳам ба мушоҳида мерасанд. Пеши роҳи ин тамоюли номатлубро мо фақат дар якҷоягӣ бо пайдо кардани роҳу равиши таъсиррасон гирифта метавонем.
Дар ин робита иттилоъ дода шуд, ки дар шаҳри Қӯрғонтеппа дар соли 2011 - 111 оила, 2012 – 102, 2013 – 63, 2014 – 80, 2015 – 108 ва дар нуҳ моҳи соли 2016 - 74 оила барҳам хӯрдааст.
Роҳбари дастгоҳи раиси шаҳр Назир Азимзода омилҳои пошхӯрии оилаҳоро ба ин тартиб зикр кард: тайёр набудани ҷавонон ба зиндагии оилавӣ, нагузаштан аз ташхиси тиббӣ, мавҷудияти никоҳи хешутаборӣ, зӯроварӣ дар оила, дахолати падару модар, таъсири муҳити зист, наёфтани фарзанд, адами эҳтиром ба якдигар, никоҳи маҷбурӣ. “Мо – волидон бояд интихоби ҳамсарро ба худи ҷавонон вогузор кунем ва минбаъд низ мустақилияташон диҳем, ки хоҳиши дили моро не, балки хостаҳои хешро дар оила амалӣ намоянд. Баъзан дахолати ноҷои мо масъаларо баръакс чигилтар мекунад ”, - афзуд Н. Азимзода.
- Агар дар оила шӯру хархаша, нофаҳмию ҷудоӣ ҳукмфармо бошад, ин боиси ба воя расидани кӯдакони душвортарбия мегардад, - гуфт сардори раёсати САҲШ - и вилояти Хатлон Зинатбибӣ Сафарзода.  – Ҳол он ки имсол дар ҳудуди вилоят бинобар роҳи созиш пайдо накардани 1340 оила 70 тифли маъсум шодкомию бозиро ба ғаму ҳасрат иваз кардаанд. Таҳқиқ нишон дод, ки синну соли миёнаи ҷудошавандаҳо дар Хатлон аз 18 то 25 аст. Яъне воқеият ин аст, ки маҳз ҳамин қишри ҷомеа, яъне ҷавонон осебпазир мебошанд.
Гулбаҳор Самадова, роҳбари машваратгоҳи тиббии шаҳри Қӯрғонтеппа, бо таассуф изҳор кард, ки бисёр вақт хешовандони арӯс монеи ба ташхиси тиббӣ фаро гирифтани ӯ мешаванд. “Мақсад аз роҳандозии ташхиси тиббӣ ин пешгирӣ аз безурётии эҳтимолӣ ва тавлиди кӯдаки аз ҷиҳати ҷисмонӣ маҳдуд аст. Натиҷаи он ҳам куллан махфӣ нигоҳ дошта мешавад”, - изофа кард вай.
 Ба ақидаи домулло Акрами Соҳибназар бояд арӯси хонадон ҳам босавод бошад. “Муаллими башарият (с) босавод будани занро назар ба мард афзалтар шумурда, фармудааст, ки агар мард босавод бошад, як фарзанд ва агар зан босавод бошад, ҳама фарзандон босавод ба воя мерасанд. Зеро ба болои ҳама кори хона, бори тарбия ҳам асосан бар дӯши модарон аст. Биноан, шариати мо илм омӯхтанро барои ҳар як мусулмон, новобаста аз ҷинсаш, фарз гардондааст”, - зам кард А. Соҳибназар.
Дар интиҳои конфронс Амируллои Асадулло аз масъулони сабти асноди ҳолати шаҳрвандии шаҳру навоҳии минтақаи Қӯрғонтеппа, имом - хатибон, раисони ҷамоатҳои шаҳраку деҳот ва маҳаллаҳо хоҳиш кард, ки пешниҳодҳои ироагардидаро сармашқи кор қарор дода, имкон надиҳанд, то боз хонаи умеди каси дигаре дарҳам резад, тифле аз меҳру навозиши падар ё модар дур гардад.
Зокир ҲАСАН,
“Ҷумҳурият”


Баёни ақида (0)    Санаи нашр: 24.10.2016    №: 211    Мутолиа карданд: 2327

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед