logo

ҳуқуқ

СӢ СОЛ БА ЗИНДОН. Ё ОҚИБАТИ ҶИНОЯТ – ҶАЗО

Ин ҳодиса ҳамаро такон дода буд. Наздик ба як сол пеш дар шаҳри Душанбе фоҷиаи қатли кормандони комиссариати ҳарбии ноҳияи Сино, аз ҷониби як шаҳрванд, мардумро ба даҳшат овард.  
 
7 ноябри соли 2015, кормандони комиссариати ҳарбии ноҳияи Синои шаҳри Душанбе, дар ҳайати сардори шуъбаи 4-ум, майор Пӯлод Мирзоев, ёрдамчии калони шуъбаи 2-юм, лейтенанти калон Темурхон Эгамбердиев, прапоршик Ҳамзаалӣ Насибов ва ронандаи комиссариати ҳарбӣ Рустам Саъдуллоев ҳангоми адои вазифаи хизматии хеш, баҳри таъмин намудани Фармони Президенти Ҷумҳурии Тоҷикистон таҳти № 567 аз 14 сентябри соли 2015 “Дар бораи даъват намудани шаҳрвандони ҷинси марди ба синни 18 расида, ба сафи Қувваҳои Мусаллаҳи Ҷумҳурии Тоҷикистон” барои ҳозир намудани даъватшавандагон ба хизмати ҳарбӣ аз ҳудуди бинои комиссариати ҳарбии ноҳияи Синои шаҳри Душанбе, воқеъ дар кӯчаи Мушфиқӣ - 105 баромада, ба самти кӯчаи Тургенев - 16 ҳаракат намуданд. Онҳо пас аз тақсими даъватномаҳо ба суроғаи шаҳрвандон дар роҳ Умедҷони Амрохон ва хеши ӯ Шариф Раҳматовро мебинанд. Бо мақсади фаҳмидани он ки оё онҳо хизмати ҳарбиро адо кардаанд ё не, наздашон рафта, шахсияташонро мепурсанд. Маълум мешавад, ки хизмат накардаанд. Умедҷон ва Шариф бар хилофи талаботи Қонуни Ҷумҳурии Тоҷикистон “Дар бораи уҳдадории умумии ҳарбӣ ва хизмати ҳарбӣ” амал карда, бо мақсади саркашӣ аз адои хизмати ҳарбӣ дар сафи Қувваҳои Мусаллаҳ, ба талаби қонунии кормандони комиссариати ҳарбӣ итоат накарданд. Баръакс, муноқиша намуда, муқовимати рӯирост нишон доданд ва нахуст Шариф Раҳматов бо мушт зарбае ба рӯи Рустам Саъдуллоев зада, ба самти номаълум ғайб зад.
Умедҷони Амрохон бошад, бо истифода аз корде, ки бо худ дошт, ба узвҳои ҳаётан муҳими Ҳамзаалӣ Насибов чанд маротиба зарбаҳои бетартибона зад. Дар ин лаҳза Пӯлод Мирзоев бо мақсади наҷот додани Ҳамзаалӣ ба назди онҳо омад. Умедҷон, ки дигар чашмаш аз хун пур шуда буд, бори дигар бо корд ба узви ҳаётан муҳими бадани Пӯлод Мирзоев зарба зад. Дар натиҷаи хунравии шадид  Пӯлод Мирзоев дар ҷои ҳодиса ба ҳалокат расид. Ташхиси тиббӣ низ қатли иҷбории хизматчии ҳарбиро муайян кард.
Ҳамзаалӣ Насибов дар натиҷаи ҳаракатҳои қасдонаю ҷинояткоронаи Умедҷони Амрохон дар қафаси синааш ҷароҳатҳои вазнини ҷисмонӣ бардошта, ба яке аз беморхонаҳои ноҳияи Сино интиқол дода шуд.  Мутаассифона, пас аз чанд муддат ӯ ҳам аз дунё даргузашт.
Умедҷони Амрохон аз куштори ду нафар корманди комиссариати ҳарбии ноҳияи Сино қонеъ нагашта, ҳаракатҳои ҷинояткоронаи хешро идома медиҳад. Боз ҳам ба кормандони ҳамин комиссариат, яъне ба Рустам Саъдуллоев ва Темурхон Эгамбердиев, ки ин лаҳза кӯшиши ба автомашина бор кардани ҷасади хунолуди Пӯлод Мирзоевро доштанд, ҳамлаи ногаҳонӣ намуда, сараввал бо корд ба узвҳои Рустам Саъдуллоев зада, баъд Темурхон Эгамбердиевро низ сахт захмӣ карда, аз ҷойи ҳодиса фирор кард, вале ба зудӣ дастгир шуд.
Суди шаҳри Душанбе Умедҷони Амрохонро бо моддаҳои 104 қисми 2 бандҳои “а, б” Кодекси ҷиноятии Ҷумҳурии Тоҷикистон ҷазо дар намуди маҳрум сохтан аз озодӣ ба муҳлати 25 (бисту панҷ) сол, бо моддаи 32 қисми 3-104 қисми 2 банди “а, б” Кодекси ҷиноятии Ҷумҳурии Тоҷикистон гунаҳгор дониста, ба муҳлати 18 сол аз озодӣ маҳрум сохт.
Дар асоси моддаи 67 қисми 3 Кодекси ҷиноятии Ҷумҳурии Тоҷикистон ба Умедҷони Амрохон ҷазои ниҳоӣ барои маҷмуи ҷиноятҳо бо роҳи қисман зам кардани ҷазоҳо 30 сол маҳрум сохтан аз озодӣ бо адо намудани 5 соли аввали ҷазо дар маҳбас ва адои боқимондаи ҷазо дар колонияҳои ислоҳии низомаш сахт, таъйин карда шуд. Дар ҳамин ҳол, бо ҳукми суд ба дигар шарикони ин нафари тирароҳ ҷазоҳои сазовори қонунӣ таъйин карда шуд. 
Тоир МӮСОБЕКЗОДА, судяи суди шаҳри Душанбе,
Ҷамила АБДУЛХАЙРЗОДА, корманди дастгоҳи суди шаҳри Душанбе


Баёни ақида (0)    Санаи нашр: 25.10.2016    №: 212    Мутолиа карданд: 1997

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед