logo

иқтисод

ХАДАМОТ. КАМБУДИҲО ОШКОР МЕШАВАНД

Чанд соли охир дар шаҳру ноҳияҳои ҷумҳурӣ бунёди иншоот ва биноҳои баландошёна дар авҷ аст. Тибқи талабот ва меъёрҳои маъмулии сохтмонӣ бунёди ин биноҳо бояд мустаҳкам ва бо сифати баланд анҷом ёбанд. Мақомоте зарур аст, ки аз сифати масолеҳи сохтмонӣ ва ҷавобгӯ будан ба талаботи меъморӣ сар карда, то дуруст будани ҳуҷҷатгузории сохтмонҳо ва поягузорию бунёди босифати биною иншоотро пайваста зери назорат дошта бошад.
Ҳоло ба ин кори муҳиму масъулиятнок Хадамоти назорати давлатии меъморӣ ва сохтмони Кумитаи меъморӣ ва сохтмони назди Ҳукумати ҷумҳурӣ машғул мебошад. Мутахассисони хадамот то 1 октябри соли равон дар 1036 иншооти 65 шаҳру ноҳияи мамлакат тибқи талаботи Кодекси шаҳрсозии ҷумҳурӣ оид ба сифати корҳои сохтмонӣ 2309 санҷиш гузаронда, барои ислоҳи камбудию норасоиҳои ҷойдошта 1106 амрнома додаанд. Дар рафти санҷишҳои аз тарафи нозирон сурат гирифта, 3205 камбудӣ ошкор гардидааст. Аз ҳама хунукназарии бештари сохтмончиён дар сифати конструксияҳои оҳану бетонӣ ошкор шудааст, ки масъулони сохтмон дар 898 ҳолат ба камбудӣ роҳ додаанд. Ба қонуншиканон новобаста аз мақому мансаб қонун муҷозот пешбинӣ кардааст. Бо такя ба талаботи он ба 333 шахсони воқеӣ, ҳуқуқию мансабдор, ки сабабгори ҳуқуқвайронкунии маъмурӣ шудаанд, 362 ҳазору 740 сомонӣ ҷарима таъйин карда, 333 ҳазору 290 сомониаш ба буҷет ворид гардидааст. Чордаҳ қарори дигар ба маблағи 22 ҳазору 600 сомонӣ барои рӯёндани ҷарима ба мақомоти судӣ ирсол шудааст.
Нозирони хадамот дар баробари ҳар моҳ дар иншооти аҳамияти ҷумҳуриявӣ дошта назорати сифати корҳои сохтмониро пеш бурдан иншооти аз ҳисоби Буҷети давлатӣ маблағгузоришавандаро низ бо ҳамкорӣ бо дигар мақомоти давлатӣ мавриди санҷиш қарор медиҳанд. Онҳо ҳангоми ченкунии ҳаҷми кори анҷомдодаи сохтмону васлгарӣ 1 миллиону 360 ҳазор сомонӣ изофанависии маблағро ошкор кардаанд. Ҳамчунин мутахассисони гурӯҳи озмоиши шуъбаи нозирон дар 134 иншооти бунёдшаванда ва 26 корхонаи истеҳсоли масолеҳи сохтмонӣ 160 санҷиш гузаронда, оид ба нуқсонҳои ошкоршуда ба масъулони корхонаҳо 33 амрнома дода, ба 7 шахси ҳуқуқию воқеӣ ва мансабдор барои истифода аз маҳсулоти бе сертификат ва ба талаботи лоиҳа ҷавобгӯ набудани мустаҳкамии конструксияҳои оҳану бетонӣ 12 ҳазор сомонӣ ҷарима таъйин намудаанд.
Дар куҷое кор ҳаст, камбудӣ низ ҳаст, мегӯянд дар урфият. Дар хадамоти мазкур низ то имрӯз аз набудани озмоишгоҳ ва дастгоҳҳои зарурӣ барои санҷиши мустаҳкамии бетон, аз ҷумла хишту арматур, зичии хоки зери биноҳо, қуму шағал, сифати маҳлулҳо барои пардозгарӣ дар сатҳу сифати назорати корҳои сохтмонӣ мушкилиҳо мавҷуд аст. Мушкилии  дигар зарурати дар минтақаҳои ҷумҳурӣ бештар намудани нозирон мебошад. Ҳоло дар 65 шаҳру ноҳияи кишвар ҳамагӣ 24 нозир фаъолият дорад, ки барои пурсамар ва дар сатҳи зарурӣ ба роҳ мондани назорати давлатӣ кофӣ нест. Аз ин рӯ бо мақсади бештар намудани шумораи воҳидҳои кории хадамот лоиҳаи Қарори Ҳукумати ҷумҳурӣ «Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 4 сентябри соли 2014, № 586» ба Ҳукумати Ҷумҳурии Тоҷикистон барои баррасӣ ва тасдиқ пешниҳод карда шудааст.
Кормандони хадамот умед доранд, ки ин масъала ҳалли мусбати худро меёбад ва натиҷаи кори мутахассисон дар ҳама самтҳои фаъолият назаррастар мешавад.
У. МУРОД, «Ҷумҳурият»


Баёни ақида (0)    Санаи нашр: 25.10.2016    №: 212    Мутолиа карданд: 2063

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед