logo

ҳуқуқ

МАРЗБОНОНИ ТОҶИК ҶОНИ ҲАЗОРОН НАФАРРО АЗ ХАТАРИ МУХАДДИРОТ ҲИФЗ КАРДАНД

Марзбонони тоҷик дар натиҷаи як амалиёти бобарор аз қоҷоқчиёни мусаллаҳи афғон 15 килограмм маводи мухаддири бангдона, як адад яроқи оташфишони АКМ 47, 56 адад тир ва воситаи алоқа дарёфт ва мусодира карданд.
Бино ба иттилои маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, кӯшиши убури ғайриқонунии марз аз ҷониби қочоқчиён шоми 22 октябр дар минтақаи тобеияти дидбонгоҳи сарҳадии «Сипар» - и Отряди сарҳадии «Панҷ» пешгирӣ шуд. Зимни убури ғайриқонунии марзи давлатӣ, ки дар асоси маълумоти фаврӣ муайян шудааст, қоҷоқчиён ба амри марзбонони тоҷик итоат накарданд, ки мунҷар ба даргирии мусаллаҳона гардид. Дар натиҷаи муқовимати хизматчиёни ҳарбии Қӯшунҳои сарҳадӣ марзшиканон ақибнишинӣ карда, ба ҷониби Ҷумҳурии Исломии Афғонистон фирор намуданд.
Ин дар ҳолест, ки танҳо дар 9 моҳи соли ҷорӣ марзбонони тоҷик 22 маротиба бо қочоқчиёни маводи мухаддир вориди даргирӣ шуда, 12 қочоқбарро безарар, 6 нафарро захмӣ ва 15 тани дигарро дастгир карданд. Ба гуфтаи Муҳаммад Улуғхоҷаев, масъули маркази матбуоти Қӯшунҳои сарҳадӣ, дар ин давра аз ҷониби ҷузъу томҳои Қӯшунҳои сарҳадии КДАМ дар ҳамдастӣ бо дигар сохторҳои низомиву қудратии кишвар аз қочоқчиён беш аз 803 килограмм маводи мухаддир мусодира шудааст, ки он дар сурати пешгирӣ нашудан, метавонист ба ҷони ҳазорон нафар хатар эҷод кунад. Зимнан, дар натиҷаи ҳушёрӣ ва чусту чолокии сарҳадбонон дар ин давра аз қочоқчиён 23 адад яроқи оташфишон, 747 дона тирҳои қутрашон гуногун, 3 адад норинҷаки дастӣ, 296 килограмм маводи тарканда ёфта гирифта шуд.
Ба иттилои манбаъ, дар зарфи 9 моҳи соли ҷорӣ беш аз 300 нафар вайронкунандагони низоми сарҳадӣ боздошт гардида, 11 маротиба кӯшиши убури ғайриқонунии сарҳади давлатӣ ҷилавгирӣ шуд. Аз қочоқчиёни молҳои ниёзи мардум бошад, 84 тонна сӯзишвории дизелӣ, 30 тонна гази моеъ, 11 тонна ангиштсанг, 15 тонна пиёз ва ғайра дарёфт гардида, аз ин ҳисоб зиёда аз 137 000 сомонӣ ҷарима ба фоидаи давлат ситонда шуд.
Қобили зикр аст, ки дар ин давра бо дастгирии Асосгузори сулҳу ваҳдати миллӣ - Пешвои миллат, Сарфармондеҳи Олии Қувваҳои Мусаллаҳ Эмомалӣ Раҳмон аз тарафи Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон ҳафт дидбонгоҳи нави замонавӣ бунёд гардид. Дидбонгоҳҳои сарҳадӣ аз утоқҳои корӣ, хобгоҳи афсарону сарбозон, синфхонаҳои таълимӣ ва компютерӣ, китобхона, хонаи фароғатӣ, ҳаммоми замонавӣ, анборҳои нигоҳдории маводи ғизоӣ ва майдончаҳои варзишӣ иборат мебошанд, ки барои таҳкими фаъолияти марзбонӣ мусоидат менамоянд.
Фирӯз ҶУМЪАЕВ, “Ҷумҳурият”


Баёни ақида (0)    Санаи нашр: 25.10.2016    №: 212    Мутолиа карданд: 2006

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед