logo

сиёсат

ТОҶИКИСТОН ВА СММ. ҲАМКОРИҲО ТАВСЕА МЕЁБАНД

Дар Маркази иттилоотӣ ва захиравии Созмони Милали Муттаҳид 24 октябр бахшида ба 71 - солагии таъсиси ин созмон ва Рӯзи ҷаҳонии иттилоот барои рушд бо иштироки намояндагони Вазорати корҳои хориҷӣ, ниҳодҳои амалкунандаи СММ дар Тоҷикистон, шарикон ва намояндагони доираҳои илмӣ ҷамъомад баргузор гардид.
 
Лючия Элми, иҷрокунандаи вазифаи ҳамоҳангсози доимии СММ дар Тоҷикистон, аз ҳамкориҳои густурдаи Созмони Милали Муттаҳид бо Ҷумҳурии Тоҷикистон маълумот ироа дошта, зимнан иброз намуд, ки бистусе хазинаю барнома ва ниҳодҳои тахассусии СММ, ки дар Тоҷикистон фаъолият мекунанд, давоми панҷ соли охир дар доираи Барномаи қолабии СММ оид ба кумакрасонӣ ба хотири рушд 390 миллион доллари амрикоӣ маблағгузорӣ намудаанд. Мавсуф зикр кард, ки соли гузашта СММ ва Ҳукумати Ҷумҳурии Тоҷикистон Барномаи нави қолабии СММ - ро барои солҳои 2016 - 2020 ба имзо расонданд. Мувофиқи он Созмони Милали Муттаҳид ба татбиқи ҳадафҳои афзалиятноки Тоҷикистон уҳдадор гашта, бо ин мақсад зиёда аз 365 миллион доллар ихтисос хоҳад дод. Лючия Элми ҳамкории босамари ниҳодҳои Созмони Милали Муттаҳидро бо Ҳукумати мамлакат мусбат арзёбӣ намуда, таъкид кард, ки ҳадафҳои «Стратегияи миллии рушди Ҷумҳурии Тоҷикистон барои давраи то соли 2030» ва «Барномаи миёнамуҳлати рушди Тоҷикистон барои солҳои 2016 - 2020» бо ҳадафҳои СММ дар самти рушди устувор созгор мебошанд.
Ҷумҳурии Тоҷикистон аз рӯзҳои аввали касби Истиқлолияти давлатӣ то ба имрӯз ҳамчун узви комилҳуқуқи Созмони Милали Муттаҳид аз минбари баланди ин ниҳоди бонуфузи ҷаҳонӣ дар ҳалли масоили глобалӣ нақши намоён гузошта истодааст. Сарвари давлат Эмомалӣ Раҳмон моҳи сентябри соли  1993 нахустин бор аз минбари ин созмони бонуфуз сухан ронда, ҷомеаи ҷаҳониро бо нияту нақшаҳои бунёдкорона, ҳадафҳои сиёсии  сулҳҷӯёна, расидан ба ваҳдати миллӣ, инчунин таҳкиму тақвияти  ҳамкориҳо бо ҳама кишварҳои дӯсту сулҳпарвари ҷаҳон ошно намуд. Ҷумҳурии Тоҷикистон бо эътирофи асноди равобити байналмилалӣ, аз ҷумла Оинномаи Созмони Милали Муттаҳид, Санади  хотимавии Ҳелсинки, Баёнияи Париж ва дигар санадҳои ҳуқуқӣ  зербинои  сиёсати  дохилӣ  ва  хориҷии  худро  бунёд намуд ва  эълон дошт, ки инсон ва ҳифзи  ҳуқуқу озодиҳои онро,  сарфи  назар  аз  мансубияти  миллӣ,  мазҳабӣ,  нажодӣ ва ҷинсӣ арзиши олӣ мешуморад. Ба шарофати ҳамин сиёсати дурандешона ҳамкориҳои Тоҷикистон бо СММ ва дигар ниҳодҳои он сол ба сол тавсеа меёбанд. Аз ҷумла, 14 июни соли равон  Ҷумҳурии Тоҷикистон ба узвияти Шӯрои иқтисодӣ ва иҷтимоии Созмони Милали Муттаҳид (ЭКОСОК) пазируфта шуд. Шӯрои иқтисодӣ ва иҷтимоӣ яке аз шаш ташкилоти асосии Созмони Милали Муттаҳид ба шумор рафта, аз соли 1945 дар асоси Низомномаи СММ фаъолият мекунад. Беш аз 70 дарсади захираҳои инсонӣ ва молии ҳамаи сохторҳои СММ дар ихтиёри ҳамин шӯро гузошта шудааст, то уҳдадориҳои худро иҷро намояд. Ҷумҳурии Тоҷикистон Шӯрои иқтисодӣ ва иҷтимоиро минбари асосии  байналмилалӣ барои матраҳ сохтани масоили иҷтимоӣ, иқтисодӣ ва экологӣ дониста, хоҳони тақвияти нақши ин созмон дар ҳамоҳангсозии фаъолиятҳо барои ҳалли масоили фавқуззикр, инчунин  расидан ба ҳамбастагии мутавозини се бахши рушди устувор мебошад.
Айни ҳол даҳ ниҳоди СММ, назири Созмони байналмилалии муҳоҷират, Созмони байналмилалии меҳнат, Хазинаи байналмилалии асъор, Бонки байналмилалии таҷдид ва рушд дар Тоҷикистон намояндагӣ доранд ва дар тавсеаи ҳамкориҳои муштарак саҳми бориз мегузоранд.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 25.10.2016    №: 212    Мутолиа карданд: 2151

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед