logo

ҳуқуқ

ХАТАРҲОИ ҶАҲОНӢ. ҲИФЗИ АРЗИШҲОИ МИЛЛӢ ТАВАҶҶУҲИ БЕШТАР МЕХОҲАД

Дар доираи татбиқи сиёсати давлатии ҷавонон айни замон дар мамлакат барномаҳои вижае амал мекунанд, ки меҳвари асосии онҳоро комолоти насли наврас, баланд бардоштани маърифати илмиву фарҳангӣ ва ҳуқуқӣ ташкил медиҳанд. Роҳбарияти олии кишвар дар шароити ҳассоси ҷаҳони муосир талошҳое ба харҷ медиҳанд, ки ҷавонони имрӯзи мо дар рӯҳияи худшиносиву худогоҳӣ, ватандӯстиву меҳанпарастӣ ба воя расанд ва бо истифода аз шароитҳои мусоиди таълиму тадрис донишҳои замонавиро азбар намоянд.
 
Ҳанӯз соли 2011 ба манзури тарбияи арзишҳои ахлоқиву маънавӣ дар ниҳоди насли наврас Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» таҳия ва қабул гардид, ки то кунун бино ба арзёбии ҷомеашиносон натиҷаҳои мусбат ба бор овардааст. Ҳарчанд дар роҳи татбиқи ин санади меъ-ёрии ҳуқуқӣ то кунун камбудиҳо ҷой дошта, бархе волидон моҳияти аслии онро нодида мегиранд, дар маҷмӯъ як такони тоза дар роҳи расидан ба камолоти насли ояндасози кишвар гардид.
Бояд гуфт, ки дар шароити феълӣ яке аз хатарҳои таҳдидкунанда ба ҳаёти осоиштаи башарӣ ин терроризму ифротгароӣ ва гардиши ғайриқонунии маводи мухаддир аст, ки то кунун ҷони ҳазорҳо сокини сайёраро рабудааст. Мутаассифона, бо вуҷуди муборизаҳои дастаҷамъонаву ҳамоҳангшуда алайҳи ин зуҳуроти номатлубу хатарзо ҳанӯз ҳам таҳдидҳои воқеии терроризм аз миён нарафтааст. Ин ҳақиқат низ пӯшида нест, ки терроризм ва эктремизми сиёсӣ дар шароити авҷ гирифтани рақобатҳои геосиёсӣ гоҳҳо ба сифати абзори бозиҳои абарқудратҳо истифода мешавад, ки мисоли онро метавон дар ҳаводиси кишварҳои Ховари Миёна мушоҳида кард. Аз ин рӯ, дар пасманзари ҳодисаҳои нангини террористиву ҷиноятҳои фаромиллӣ, ки рӯзгори миллатҳои алоҳидаро тира сохтааст, мебояд зиракии сиёсӣ, шинохт ва ҳифзи арзишҳои миллиро беш аз ҳар вақти дигар тақвият дод. Ин ба он хотир аст, ки гурӯҳҳои ифротиву бозингарони саҳнаи сиёсии ҷаҳони муосир натавонанд фазои сулҳу амният ва хушу осудаи моро рахна созанд.
Боиси таассуф аст, ки то кунун бархе аз ҷавонону шаҳрвандони гумроҳи мо низ қурбони дасисаҳои гурӯҳҳои ифротӣ шуда, ноогоҳона ба сафи ҷангиёни ситезаҷӯ, бахусус «Давлати исломӣ» пайвастаанд, ки ба ҷуз оқибати ҳалокатбор чизи дигареро дар пай нахоҳад дошт. Хушбахтона, Ҳукумати Ҷумҳурии Тоҷикистон ҳанӯз чанд соли пеш аз нуфузи «Давлати исломӣ» ва тавсеаи фаъолияти дигар ҷараёнҳои ифротӣ ин хатарҳоро дарк ва ҷавонони дар донишгоҳҳои исломии хориҷи кишвар таҳсилкунандаро ба Ватан бозгардонд, ки як иқдоми санҷидашуда дар роҳи пешгирӣ аз гароиши ҷавонон ба ҳизбу ҳаракатҳои тундрави динӣ шинохта мешавад. Айни замон низ сохторҳои марбутаи давлатӣ ба манзури ҷилавгирӣ аз шомилшавии ҷавонон ба чунин гурӯҳҳо тадбирҳои судмандеро ҳам аз лиҳози қонунгузорӣ ва ҳам корҳои тарғиботӣ рӯйи даст гирифтаанд, ки натиҷаи он ба вуҷуд омадани як рӯҳияи зиддитеррористиву экстремистӣ дар ҷомеа мебошад. Ҷойи таъкид аст, ки дар пасманзари талошҳои давлату Ҳукумат дар ин самт мо ҷавонон низ бояд масъулият эҳсос намуда, дар ҳифзи арзишҳои миллӣ ва неъмати бароямон ҳадяшудаи сулҳу суботи кишвар иқдом намоем.
Ганҷинаи МИРЗО,
донишҷӯйи соли дуюми бахши рӯзноманигории коллеҷи фарҳангии ҷумҳуриявӣ ба номи П. Буйдоқов


Баёни ақида (0)    Санаи нашр: 26.10.2016    №: 213    Мутолиа карданд: 1894

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД


Дар сомонаҳои дигари Тоҷикистон хонед