logo

иҷтимоиёт

МЕДАЛИ ТИЛЛО НӮШОБАҲОИ «ЗОДА» - РО МАШҲУР КАРД

Дохилшавии ҷумҳурӣ ба Созмони умумиҷаҳонии савдо, бешубҳа, ба дараҷаи стандартҳои байналмилалӣ истеҳсол, ороиш  ва банду баст намудани маҳсулотро тақозо менамояд.  Қадамҳои устувори соҳибкорони ватанӣ дар ин самт солҳои охир ба фаъолияти минбаъдаи босубот эътимод мебахшанд.
 
Дар марҳилаи аввал муаррифии молу маҳсулоти Тоҷикистон дар хориҷи кишвар асосан дар мисоли маҳсулоти тайёри соҳаи саноати сабук - аз қабили ресмону либосҳо муштарак бо ширкатҳои хориҷӣ ҷараён мегирифт. Ҳоло бошад,  тавлидгарони ватанӣ мустақилона, бо маҳсулоти тайёри сифатан аълову ҷавобгӯйи меъёрҳои ҷаҳонӣ худро мешиносонанд. Ҳаҷми содирот тамоили афзоиш  пайдо кардааст. Дар баробари ширкатҳои саноатии рушдкардаи шаҳрҳои Душанбеву Хуҷанд, Қӯрғонтеппа, Исфараву Истаравшан акнун  соҳибкорони навоҳӣ низ талош доранд дар намоишу чорабиниҳои байналмилалӣ маҳсулоти хешро муаррифӣ кунанду дар содироти маҳсулоти худ ба кишварҳои хориҷии дуру наздик низ комёб шаванд.
ҶДММ «Зода»-и ноҳияи Бобоҷон Ғафуров бо иштирок дар намоиши  25-уми байналмилалии маҳсулоти ғизоӣ, ки моҳи гузашта дар шаҳри Маскав таҳти унвони «World Food Moscow  -2016» бо иштироки 65 давлат доир шуд,  барои истеҳсоли нӯшобаҳои зардолуоб ва настаран (хуч) соҳиби медали тилло гашт.
Тоҷикистонро дар ин намоишгоҳи байналмилалӣ 5 корхонаи саноати хӯроквории вилояти Суғд намояндагӣ кард ва маҳсулоти онҳо аз тарафи  мутахассисони ширкатҳои хориҷӣ баҳои баландро сазовор  шуданд.
- Бартарии асосии маҳсулоти мо он аст, ки табиӣ буда, дар таркибашон ягон иловагиҳои кимиёӣ надоранд, - гуфт Рустам Абдуллозода, сарвари ҶДММ «Зода». - Намояндагони ширкатҳои номии ҷаҳонӣ ба корхона ва маҳсулоти мо мароқи ҷиддӣ зоҳир карда, оид ба роҳандозии ҳамкорӣ пешниҳодҳои ҷолиб намуданд.
Аҳли оилаи Абдуллозодаҳо соли 2000-ум корхонаи худро бо номи «Зода»  таъсис дода, дар марҳилаи аввал ба тиҷорат - хариду фурӯши маҳсулоти ғаллагиву нафтӣ машғул буданд. Баъдтар қарор доданд, ки дар шаҳри Хуҷанд коргоҳи хурди истеҳсоли нӯшобаҳо аз хучро боз кунанд.
- Пас аз машварату маслиҳатҳо ба хулоса омадем, ки чаро аз самари табиати зебои диёр, ки садҳо меваҳои хушрангу бомазза ва гиёҳҳои  табобатӣ дорад, баҳраманд нашавем, - мегӯяд Рустам Абдуллозода. Дар марҳилаи аввал нӯшобаҳоро аз зардолу ва хуч бо усули бобоӣ -   дар об ҷӯшондан тайёр ва пешкаши мардум карданд. Муштариён нӯшобаро хуб пазируфтанд, талабот ба маҳсулоти аз лиҳози экологӣ тоза ва табииву ҳамзамон табобатбахш дар муддати хеле кӯтоҳ зиёд гашт. Солҳои охир - вақте «Зода» баъди ворид кардани хатҳои нави технологии истеҳсоли Чин тавлиди маҳсулотро ба роҳ монд,  корхона бо нӯшобаҳои хучу зардолу дар озмуни ҷумҳуриявии «Маҳсулоти беҳтарин ва хизматрасонии беҳтарин»-и сол дар шаҳри Душанбе ва дар намоиши байналхалқӣ дар шаҳри Бишкек барандаи ҷоизаҳо  гардид. Шумораи муштариён боз ҳам афзуд. Ҷиҳати тавсеа додани истеҳсолот корхона пурра ба ноҳияи Бобоҷон Ғафуров кӯчида, то имрӯз ин ҷо фаъолият дорад.  
Ҷовиди АШТӢ, «Ҷумҳурият»


Баёни ақида (0)    Санаи нашр: 01.11.2016    №: 217    Мутолиа карданд: 2094

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед