logo

сиёсат

КОНСТИТУТСИЯ ВА МАНФИАТҲОИ МИЛЛӢ

Конститутсияи Ҷумҳурии Тоҷикистон дар шароити хеле душвори сиёсиву иқтисодӣ ва нобасомониву қонуншиканиҳо бо ҷалби ҳуқуқшиносони шинохта, олимон ва мутахассисони варзида таҳия ва 6 ноябри соли 1994 бо роҳи  раъйпурсии умумихалқӣ қабул гардид. Ба ҷонибдории он аз 94,4 фоизи иштироккунандагон 87,59 фоиз раъй дода, моҳиятан роҳи тараққиёти ояндаи худро муайян карданд. Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар яке аз суханрониҳояшон иброз доштанд, ки: «Халқи тоҷик, бо вуҷуди вазъи душвори сиёсиву иқтисодӣ ва  нобасомониву мушкилиҳои солҳои аввали истиқлолият, бо камоли масъулияти шаҳрвандӣ, дарки қарзи ватандорӣ ва такя ба арзишу  муқаддасоти таърихиву  фарҳангии худ, нахустин Конститутсияи давлати соҳибистиқлоли худро қабул карда, орзую ормонҳои чандинасраи ниёгони хешро амалӣ намуд».
Бахусус дар даврони соҳибистиқлолӣ барои таҳкими ҳокимияти судӣ тадбирҳои амалӣ андешида шуданд.  Давра ба давра татбиқ шудани  ислоҳоти судӣ - ҳуқуқӣ ва дар доираи он таҳкиму такмил бахшидан ба сохтор ва фаъ-олияти мақомоти судӣ, мустаҳкам намудани асосҳои моддиву техникии онҳо ва беҳтар кардани вазъи ҳуқуқиву иҷтимоии судяҳо аз ҷумлаи ин тадбирҳо ба шумор мераванд. Дар иртибот ба ин, Конститутсияи Ҷумҳурии Тоҷикистон ҳокимияти судиро ҳамчун шохаи мустақили ҳокимият эътироф намудааст, ки дар таҳкими қонуният, таъмини адолати судӣ, бунёди ҷомеаи демократию ҳуқуқбунёд нақши муҳим мебозад.
Ба Конститутсияи Ҷумҳурии Тоҷикистон, бо назардошти дар ҳаёти сиёсию иқтисодӣ ва иҷтимоию ҳуқуқии кишвар ба амал омадани дигаргуниҳои куллӣ, бо роҳи раъйпурсии умумихалқӣ се маротиба тағйиру иловаҳо ворид гардиданд. Тавассути ин ислоҳоти конститутсионӣ мақом ва мавқеи ҳокимияти судӣ  мушаххастар гардид. Тағйиру иловаҳои 22 майи соли 2016 воридшуда ҳамчун идомаи мантиқии ислоҳоти ҳуқуқӣ, сиёсию иҷтимоӣ, ба марҳалаи муосири рушд ворид шудани давлат ва ҷомеа вобаста буда, ба мустаҳкам намудани асосҳои сохтори конститутсионӣ, таҳкими мақоми конститутсионии шаҳрвандӣ, ҳокимияти қонунгузор, иҷроия, судӣ ва ташаккули мақомоти худидоракунии маҳаллӣ равона гардидаанд. Бешак, онҳо ба рушди бемайлони соҳаҳои сиёсӣ, иқтисодӣ, иҷтимоӣ ва фарҳангии ҷомеа мусоидат хоҳанд кард.
Бо назардошти он ки Конститутсия ифодагари манфиатҳои олии миллат мебошад, ҳар як фарди худшиносу худогоҳ, ватандӯсту меҳанпараст бояд меъёрҳои онро эҳтиром, риоя ва иҷро намояд. Маҳз дар ҳамин сурат мо метавонем ба ҳадафи олии худ - эъмори давлати демократӣ ва ҳуқуқбунёд муваффақ шавем.
Сайфиддин КАМОЛЗОДА,
раиси Суди шаҳри Ваҳдат


Баёни ақида (0)    Санаи нашр: 01.11.2016    №: 217    Мутолиа карданд: 1612

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед