logo

сиёсат

НИЗОМИ НАВ ВА НАҚШИ ОН ДАР ТАКМИЛИ КАСБИЯТИ ХИЗМАТЧИЁНИ ДАВЛАТӢ

Ҷумҳурии Тоҷикистон ҳамчун давлати тозаистиқлол дар марҳалаи аввали ташаккули давлати соҳибихтиёр, демократӣ, ҳуқуқбунёд, дунявӣ ва ягона қарор дорад. Рушди минбаъдаи он ба тарбияи кадрҳои сатҳи баланди ахлоқӣ, дунёи пурғановати маънавӣ, фикру ҷисми солим, эҳсоси баланди ватандӯстӣ ва худогоҳии миллидошта вобаста аст.
Сиёсати давлатии кадрҳо бахши таркибии сиёсати дохилии давлат буда, масъалаҳои стратегии он рақобатпазирии кадрҳо ва таъмини ҳамгироии онҳо дар иқтисоди ҷаҳонӣ, татбиқи технологияҳои муосири кадрӣ, таҳияи механизмҳои меъёрии ҳуқуқӣ, молиявӣ, ташкилӣ, ҳавасмандгардонӣ барои меҳнати самаранок ва босифат арзёбӣ мегарданд.
Фишангҳои асосии амалисозии стратегияи сиёсати кадрҳо муайян намудани роҳҳо ва азхуд намудани  усулҳои  ҳалли масъалаҳои муосири сиёсати давлатии Ҷумҳурии Тоҷикистон оид ба кадрҳо дар мақомоти давлатӣ ба ҳисоб рафта, асоси онро масъалаҳои истифодаи самараноки омилҳои инсонӣ ташкил медиҳад. Муҳимияти ин масъала ва роҳу усулҳои таъмини самарабахши идоракунии давлатиро Президенти кишвар дар паёму баромадҳои худ махсус зикр намуда, онро ҳамчун яке аз  самтҳои  афзалиятноки ҳаёти ҷомеа, ҳамеша дар мадди назари аввали давлат ва Ҳукумат қарор медиҳад. Сарвари давлат таъкид мекунад, ки дар вақти интихоб ва ҷобаҷогузории кадрҳо дараҷаи баланди касбӣ, донишҳои васеи муосир, дар сатҳи хуб донистани забони давлатӣ ва забонҳои хориҷӣ, технологияҳои замонавӣ, масъулиятшиносиву ватандӯстӣ, поквиҷдонӣ ва оштинопазирӣ нисбат ба ҳолатҳои коррупсионӣ бояд меъёрҳои асосӣ гарданд.
Президенти кишвар  ба тайёр ва омода намудани кадрҳо таваҷҷуҳи хос зоҳир намуда, дар осори таърихии худ суннатҳои идоракунӣ ва таҷрибаи таърихии халқамонро васеъ инъикос намудааст ва мехоҳад, ки ин таҷриба ҳамчун асоси арзишманд дар ҳаёти имрӯза васеъ истифода шавад. Натиҷаи ҳамин дилсузӣ ва ғамхорӣ аст, ки тайи солҳои истиқлолият дар ҷумҳурӣ мактаби воқеии тарбияи кадрҳои роҳбарикунанда ташаккул ёфт, ки он ба ном ва фаъолияти Сарвари давлат тавъам аст.  Дар ин муддат як зумра кадрҳои болаёқат ба камол расиданд, ки дар мактаби тарбияи кадрҳо обутоби сиёсӣ ёфта, чун арзи сипосу боварӣ ва садоқат ба Президенти мамлакат ба мақомоти вобастагардида бо ҳисси баланди масъулиятшиносӣ роҳбарӣ мекунанд.   Бо назардошти он ки рушди хизмати давлатӣ ҳамчун институти иҷтимоӣ, ҳуқуқӣ ва идоракунии давлатӣ дар ҷои аввал дониста мешавад, ба ин масъала Президенти Ҷумҳурии Тоҷикистон ва Ҳукумати мамлакат аҳамияти махсус медиҳанд.
Дар ин замина Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба беҳтаршавии сифати ҳайати кадрҳои дастгоҳи давлатӣ иқдом намуда, дар самти тайёр кардани кормандон аз рӯи ихтисосҳои нодир ва ояндадор, бо назардошти самтҳои афзалиятноки стратегияи рушди ҷумҳурӣ, таваҷҷуҳи махсус  зоҳир менамоянд. Оид ба масъалаи таъмини самаранокии идоракунии давлатӣ ва рушди технологияҳои кадрӣ дар кишвар дар Паёми Президенти мамлакат  ба Маҷлиси Олии Ҷумҳурии Тоҷикистон, аз 26 апрели соли 2013, омадааст, ки масъалаи тақвияти низоми ҳамоҳангсозии сиёсати рушд бо мақсади таъмин намудани самаранокии идоракунии давлатӣ, аз ҷумлаи масъалаҳои муҳимест, ки дар навбати аввал рушди бомароми иқтисоди миллӣ бо роҳи баланд бардоштани самаранокии низоми идоракунии давлатӣ тавассути таъмин намудани шаффофият, ҳисоботдиҳӣ ва мукаммалсозии коргузории давлатӣ аз он вобаста мебошад. Мусаллам аст, ки идоракунии давлатӣ тавассути хизматчиёни давлатӣ, ки устуворӣ ва  касбият хоси онҳо аст, амалӣ гардида, он ба ҳаёти ҷомеа ҳамчун институти ҳуқуқӣ, иҷтимоӣ, меҳнатӣ, кадрӣ ва давлатӣ ворид шуда, маҷмӯи меъёрҳои ҳуқуқиро дар худ таҷассум менамояд. Дар робита ба ин, ҳадафҳои стратегӣ ва самтҳои афзалиятнок, инчунин иҷрои чорабиниҳои дар стратегияву консепсияҳо ва барномаҳои давлатии дар ин самт  пешбинишуда таҳти назорати қатъӣ қарор доранд.
Яке аз самтҳои муҳим дар татбиқи сиёсати давлатии кадрҳо, ин баланд бардоштани донишу малакаи хизматчиёни давлатӣ мебошад. Ҳамин аст, ки бо Фармони Президенти Ҷумҳурии Тоҷикистон, аз 26 августи соли 2013, № 1502 дар заминаи Донишкадаи такмили ихтисоси хизматчиёни давлатӣ Донишкадаи идоракунии давлатии назди Президенти Ҷумҳурии Тоҷикистон таъсис дода шуд. Имрӯз донишкада дар баробари такмили ихтисоси хизматчиёни давлатӣ, тайёр кардани кадрҳои касбии самти идоракунии давлатиро ба зимма дорад. Барҳақ, Пешвои миллат муҳтарам Эмомалӣ Раҳмон поягузори низоми таҳсили хизматчиёни давлатӣ дар кишвар мебошад.
Г. ИСМОИЛОВА, ассистенти кафедраи идоракунии
захираҳои инсонии Донишкадаи идоракунии
 давлатии назди Президенти Ҷумҳурии Тоҷикистон


Баёни ақида (0)    Санаи нашр: 01.11.2016    №: 217    Мутолиа карданд: 1482

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед