logo

иқтисод

НӮШОР РУШД МЕЁБАД

- Дар Ҷамоати деҳоти Нӯшор - калонтарин деҳоти ноҳияи Тоҷикобод соҳаҳои гуногуни хоҷагии халқ хеле пеш рафтаанд. Заминҳои дашту васеи корам, боғҳои навбунёдгардидаи серҳосили деҳот дили ҳар бинандаро мафтун мекунанд. Бинои наву замонавии дуошёнаи маъмурии ҷамоати деҳот дар як гӯшаи хушбоду ҳаво қомат афрохта, ба ҳусни ин мавзеъ зебогии  хос мебахшад.
 
Шуғли асосии сокинони ин маҳал мисли дигар мардуми навоҳии кӯҳистон кишоварзист. Дар ҳудуди деҳот 3 хоҷагии коллективӣ ва 527 хоҷагии деҳқонии инфиродӣ фаъолият менамояд. Имсол дар майдони 65 гектар картошка, 116 гектар ғалладонаи тирамоҳӣ, 76 гектар гандум ва ҷави баҳорӣ, 8 гектар сабзавот ва 4 гектар лӯбиёӣ кишт, намуда, ҳосили хуб гирифтанд.  Кишоварзон аз ҳар гектар 250 - сентнерӣ картошка ва 32 - сентнерӣ  ғалла, ба даст овардаанд. Соли ҷорӣ дар майдони 5 гектар боғи нав бунёд гардид. Ҷамъи умумии майдони боғот дар ҳудуди ҷамоат 78 гектарро ташкил дода, аз ҳар гектар беш аз 70 - сентнерӣ мева ҷамъоварӣ мешавад.
Чорводорӣ  ва занбӯриасалпарварӣ низ аз шуғли асосии сокинони деҳоти Нӯшоранд. Саршумори чорво ва оилаи занбӯри асал меафзояд. Барои пешгирӣ намудани касалиҳои гуногуни чорво пайваста чораҳои байторӣ андешида мешаванд.
Корҳои ободонию созандагӣ дар асоси Барномаи рушди иқтисодию иҷтимоии ноҳияи Тоҷикобод барои солҳои 2013-2017 роҳандозӣ гардида, ба шарофати таҷлили Ҷашни 25 - солагии Истиқлолияти давлатии Ҷумҳурии Тоҷикистон вусъати тоза гирифтанд. Тайи ду соли охир (солҳои 2015-2016) аз ҳисоби маблағҳои мақомоти иҷроияи маҳаллии ҳокимияти давлатӣ бинои дуошёнаи маъмурии ҷамоати деҳот иборат аз 16 кабинети корӣ, 8 синфхонаи иловагӣ барои 240 ҷойи нишаст дар деҳаи Сари Пул, мактаби таҳсилоти ибтидоӣ дар деҳаи Навобод, аз ҳисоби маблағгузории ташкилоти хориҷӣ  ду бинои  бунгоҳи саломатӣ дар деҳаҳои Сари Пул  ва Файзбор, хатти оби нӯшокӣ дар ҷониби деҳаҳои Навобод (дар масофаи 7 километр), Файзбор (18 километр) ва Чашмасорон (4 километр) ва аз соҳибкорон дар деҳаи Нӯшори Боло корхонаи коркарди чӯбу тахта, корхонаи истеҳсоли хишт, корхонаи коркарди тунука ва дигар масолеҳи сохтмонӣ мавриди баҳрабардорӣ қарор гирифтанд.
Барқарорсозии канали Сари Пул ба маблағи 268 ҳазор сомонӣ ёрии Барномаи рушди Созмони Милали Муттаҳид барои рушди соҳаи кишоварзӣ шароити беҳтар фароҳам овард. Бо барқарорсозии ин канал зиёда аз 300 гектар замини кишоварзӣ бо оби полизӣ таъмин гардид.
Ба масъалаи таълиму тарбияи насли наврас диққати ҷиддӣ дода мешавад. Бо мақсади дар амал татбиқ намудани Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» дар назди ҷамоат комиссияи махсус амал намуда, пайваста рейду санҷишҳо мегузаронад, бо падару модарон ва наврасону ҷавонон вохӯриҳо менамояд.
Даъвати ҷавонон ба хизмати ҳарбӣ аз масъалаҳоест, ки роҳбарияти ҷамоат ва фаъолон ба он диққати ҷиддӣ медиҳанд. Натиҷаи ҳамин аст, ки ин ҷамоат ҳамасола  яке аз аввалинҳо шуда дар ноҳия нақшаи даъвати ҷавононро ба хизмати ҳарбӣ иҷро мекунад.  Аксари ҷавонон ихтиёран мехоҳанд дар сафи Қувваҳои Мусаллаҳи кишвар қарзи фарзандии худро адо намоянд.
Таъмини талаботи Қонуни Ҷумҳурии Тоҷикистон "Дар бораи танзими анъана ва ҷашну маросимҳои миллӣ дар Ҷумҳурии Тоҷикистон" устувор роҳандозӣ гардидааст. Бо саъю талош Комиссияи ҷамъиятии назди ҷамоат дар ин самт  корҳои фаҳмондадиҳӣ ва пешгирии қонуншиканиҳо роҳандозӣ гардида, намояндагони комиссия барои камхарҷ гузаштани маросиму чорабиниҳо назорат мебаранд.  Хайриддин Исоев, сармутахассиси дастгоҳи раиси ҷамоат, зимни суҳбат иттилоъ дод, ки дар давоми як сол кӯшиши 3 нафар шаҳрвандоне, ки мехостанд духтарони ноболиғи худро ба шавҳар диҳанд, пешгирӣ гардид.
Шиносоӣ бо  вазъи корҳои ободонию созандагии Ҷамоати деҳоти Нӯшор барои мо хеле хуш омад. Шукри соҳибистиқлолии кишвар, ки дар як деҳоти дурдаст соҳаҳои иқтисодию иҷтимоӣ дар муддати кӯтоҳе ин қадар рушд кардаанд. Танҳо дар давоми ду сол 13 иншооти бузург ва муҳим мавриди баҳрабардорӣ қарор гирифтаанд. 
- Мардуми деҳоти мо, воқеан ҳам, меҳнатқаринанд. Шукр, ки дар даврони созандагию бунёдкорӣ зиндагӣ дорем ва мо, ҷавонони даврони соҳибистиқлолӣ, пайравони Пешвои миллатему маромамон созандагист. Бовар дорам, ки бо роҳнамоии Асосгузори сулҳу ваҳдати миллӣ - Пешвои миллат, муҳтарам Эмомалӣ Раҳмон  зиндагиамон дар фазои сулҳу ваҳдат боз ҳам беҳтару гуворотар мешавад, - гуфт дар хотимаи суҳбат  Хайрулло Миршоев, раиси ин ҷамоат.
Худодод ЗАЙНИДДИН,
"Ҷумҳурият"


Баёни ақида (0)    Санаи нашр: 02.11.2016    №: 218    Мутолиа карданд: 2008

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед