logo

ҳуқуқ

ФИРЕБ. Ё ҲАБДАҲ ПАРВАНДАИ ҶИНОЯТӢ ДАР ҲИМОЯИ ИСТЕЪМОЛКУНАНДАГОН

Прокуратураи генералӣ ҳолати иҷрои қонунҳои Ҷумҳурии Тоҷикистон «Дар бораи ҳимояи ҳуқуқи истеъмолкунандагон», «Дар бораи сертификатсияи маҳсулот ва хизматрасонӣ», «Дар бораи стандартонӣ» ва дигар санадҳои меъёрии ҳуқуқии ба ҳимояи ҳуқуқи истеъмолкунандагон вобаста ба фурӯш баровардани бозичаҳои гуногуни кӯдакона ва воридоти ғайриқонунии онҳоро дар ҶДММ «Корвон», «Саховат», марказҳои савдои «Ашан», «Беби - шоп» «Садбарг» дар давраи соли 2015 ва ҳашт моҳи соли равон мавриди санҷиш ва таҳлил қарор дод.
 
Маълум гашт, ки дар ин давра 196 ширкати тиҷоратӣ ба миқдори 1214, 902 килограмм бозичаҳои гуногуни кӯдаконаро аз Ҷумҳурии Мардумии Чин, Федератсияи Русия, Туркия, Эрон, Амороти Муттаҳидаи Араб, Белгия, Италия, ИМА, Фаронса, Испания, Канада, Олмон, Корея, Нидерланд, Словения, Ӯзбекистон, Полша, Ҳонконг ва Чехия ба минтақаҳои гумрукии кишвар, аз ҷумла вилоятҳои Хатлон 192 055 килограмм, Суғд 323 932 килограмм, шаҳри Душанбе 872 662 килограмм ва шаҳри Турсунзода 22 733 килограмм ворид намудаанд. Аз ин ҳисоб ба буҷет ба маблағи 4 085 788 доллари амрикоӣ пардохтҳои гумрукӣ ситонда шудааст.
Санҷиш муайян намуд, ки дар ҶДММ «Корвон» - и шаҳри Душанбе понздаҳ нуқтаи фурӯши бозичаҳои гуногуни кӯдакона фаъолият менамояд. Ҳангоми санҷиш соҳибкорон вобаста ба бозичаҳои ба фурӯш баровардаашон ҳуҷҷатҳои гумрукӣ ва сертификатҳои мутобиқати сифат пешниҳод карда натавонистанд. Аз ин нуқтаҳои фурӯш намунаи бозичаҳо гирифта шуда, барои ташхис ба Маркази стандартизатсияи ҷумҳуриявӣ ирсол карда шуд, ки мувофиқи хулосаи ташхис бозичаҳои пешниҳоднамуда ба талаботи стандарти давлатӣ ҷавобгӯ набуда, ба саломатии кӯдакон зарар мерасонанд. Санҷиши дар марказҳои савдои «Беби-шоп» ва «Ашан» гузарондашуда бошад, маълум намуд, ки бозичаҳо сертификати мутобиқат дошта, аз расмиёти пурраи гумрукӣ гузаштаанд.
Мутаассифона, бо вуҷуди саъю талошҳои пайвастаи мақомоти гумрук дар самти пешгирии қочоқи молу маҳсулот, ҳолатҳои ба ҷумҳурӣ ворид намудани бозичаҳо, ки ба талаботи стандарти давлатӣ ва бехатарӣ ҷавбгӯ нестанд, ҷой доранд. Чунончи, намояндаи ҶДММ «Лотус - М» Шуҳрат Ризвонов 25 - уми августи соли равон тариқи дидбонгоҳи гумрукии Кулма аз Ҷумҳурии Мардумии Чин бозичаҳои кӯдаконаро ба миқдори умумии 36 804 адад ба қаламрави гумрукии Ҷумҳурии Тоҷикистон бо роҳи қочоқ ворид намудааст. Ҳолати мазкур муайян карда шуда, аз анбори ҷамъияти мазкур, воқеъ дар хиёбони Саъдии Шерозӣ - 6 - и шаҳри Душанбе, 171 қуттиву халта иборат аз бозичаҳои кӯдаконаи «Лӯхтак», «Гитара», «Кубик» (Лего), «Пистолет» ба маблағи 279 000 сомонӣ дарёфт ва мусодира гардиданд. 
Ба ҳамин монанд, шаҳрванд Раҳматулло Саъдуллоев аз Ҷумҳурии Мардумии Чин ба роҳи қочоқ ба миқдори зиёда аз 8 000 килограмм бозичаҳои кӯдаконаро ба ҷумҳурӣ ворид намуда, бе гирифтани сертификати мутобиқат дар мағозаҳои шахсиаш, воқеъ дар ҶДММ «Корвон», ба шаҳрвандон фурӯхтааст. Зимни санҷиш аз мағозаи номбурда 87 номгӯйи бозичаҳои кӯдакона гирифта шуда, ба Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон барои ташхис ва додани хулоса пешниҳод карда шуд. Тибқи хулосаи агентии мазкур 76 намуди он аз рӯи сифат ва бехатарӣ ба талаботи ГОСТ 25779-90 мутобиқ набуда, ба саломатии кӯдакон зараровар мебошанд. Дар маҷмӯъ, ҳамаи бозичаҳои пешниҳодшуда аз рӯи тамғагузорӣ ба талаботи ҳуҷҷатҳои меъёрии амалкунандаи Ҷумҳурии Тоҷикистон мутобиқ нестанд.
Мувофиқи маълумоти омории Агентии стандартизатсия, метрология, сертификатсия ва нозироти савдо қисми зиёди бозичаҳои кӯдаконаи аз Ҷумҳурии Мардумии Чин воридшуда ба талаботи стандарти давлатӣ ҷавоб намедиҳанд. Дар асоси санҷиши гузарондашуда ду ҳолати қочоқ ва ҳабдаҳ ҳолати фурӯши молу маҳсулоти пастсифат ошкор шуда, 17 парвандаи ҷиноятӣ бо моддаи 209 (истеҳсол, нигоҳ доштан, интиқол ё ба соҳибияти каси дигар додани мол ё маҳсулот, иҷрои кор ё хизматрасоние, ки ба талаботи бехатарӣ ҷавоб намедиҳад) Кодекси ҷиноятии Ҷумҳурии Тоҷикистон оғоз гардидааст.
Музаффар ЮСУФӢ,
сардори раёсати назорати иҷрои қонунгузории нақлиёт ва гумруки Прокуратураи генералии Ҷумҳурии Тоҷикистон


Баёни ақида (0)    Санаи нашр: 02.11.2016    №: 218    Мутолиа карданд: 1650

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед