logo

сиёсат

РИСОЛАТ. НАҚШИ ПЕШВОИ МИЛЛАТ ДАР БУНЁДИ ДАВЛАТДОРИИ МИЛЛӢ

Таърих гувоҳ аст, ки таҳаввули бунёдӣ дар ҳаёти сиёсӣ, андешаи миллӣ ва шуури иҷтимоии ҷомеа бо кору пайкори шахсиятҳои барҷаста, ашхосе, ки дар фазилату иродаи сиёсию маънавӣ ва ахлоқии худ ормонҳои таърихии мардумро таҷассум кардаанд, дар пайвастагии бевосита қарор дорад. Ба аксар сокинони сайёра рӯшан аст, ки на ҳама сарварони давлат ба таърих ҳамчун пешвои миллат ворид шудаанд.
 
Як шахсият вақте ба унвони олию ифтихории пешвои миллат сазовор мегардад, ӯ ба дарки рисолатмандӣ ва масъулияти таърихии худ бояд дар сарнавишти ҳаммеҳанон барои як кишвар барномаи комил ва масири устувори пешрафтро эҷод ва василаҳои амалӣ гардидани онро фароҳам оварад. Бемуболиға, яке аз чунин ашхоси таърихии башар ва бунёдгузори давлати тозаистиқлоли миллии Тоҷикистон муҳтарам Эмомалӣ Раҳмон буда, рушду инкишофи тамоми соҳаҳои иқтисодиву иҷтимоӣ, илмию фарҳангӣ, техникию саноатии имрӯзаи кишвари маҳбубамон аз фаъолияти гуногунҷанбаи ин абармарди арсаи сиёсат ибтидо  мегиранд. Зеро маҳз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тавонист, ки халқи парокандаю мардуми ба ҳам душманшударо сарҷамъ намуда, аркони давлатдориро аз нав бунёд ва эҳё намояд.
Саҳми Эмомалӣ Раҳмон дар пешрафт ва шукуфоии ин меҳани  маҳбуб - Тоҷикистон бағоят бузург буда, номи ӯ дар баробари сарварони эътирофшудаи ҷаҳонӣ, ба монанди Ҷорҷ Вашингтон, Авраам Линколн, Мао Тсез Дун, Уинстон Черчилл, Маҳатма Гандӣ, Муҳаммад Алӣ Ҷиноҳ, Шарл де Голл, Махатхир Муҳаммад, Мустафо Камол, Франклин Рузвелт, Ли Куан Ю ва дигар давлатмардони сатҳи байналмилалӣ меистад. Ёдовар шудан аз ин сиёсатмадорони номдор дар таърихи давлату давлатдорӣ тасодуф нест, зеро эшон барои миллату давлати хеш хидматҳои шоистаеро анҷом додаанд. Онҳо на танҳо мақому нақши ҷаҳонии кишвари худро тақвият бахшида, ҷаҳиши стратегиро дар иқтисод, иҷтимоиёт, сиёсат ва фарҳанг барномарезӣ ва амалӣ намудаанд ва дар шароити хеле мураккаб ва тақдирсоз тавонистаанд роҳи саҳеҳ, расидан ба ормонҳои инсониву миллии ҳамватанони худро дарёфта, ҳамчун неруи муттаҳидкунандаи давлату миллат дар густариши идеяҳои ваҳдатофарин ва ояндасоз нақши муассир гузоранд.
Маҳз ҳамин заҳмату талош ва ҷоннисориҳои Эмомалӣ Раҳмонро ба инобат гирифта, ӯро ба унвони олии кишвар - Қаҳрамони Тоҷикистон қадрдонӣ намуданд. Эмомалӣ Раҳмон замоне Раиси Шӯрои Олии Тоҷикистон, яъне роҳбари аввали кишвар баргузида шуд, ки аз эълони истиқлоли Тоҷикистон беш аз як солу ду моҳ гузашта буд. Маълум, ки он замон пояҳои давлатдорӣ фалаҷ гардидаву ҳанӯз кишвари мо истиқлоли комили сиёсиро ба даст наоварда буд ва дар марҳалаи нобудшавӣ қарор дошт. Пешвои миллат Эмомалӣ Раҳмон тавонист, ки кишвари дар вартаи нобудӣ қарордоштаро аз чанголи заҳҳоксиратону аҳриманон раҳонаду халқи куҳанбунёди тоҷикро ба сулҳу дӯстӣ биёрад ва суботу амнияти мардуми кишварро таъмин намояд. Ҳамин хизматҳо ва шуҷоатмандиҳояшонро ба эътибор гирифта, мардуми кишвар Эмомалӣ Раҳмонро Пешвои миллат ва Асосгузори сулҳу ваҳдати миллӣ хонданд. Зеро дар раванди тамаддунофарии башарият ҳар нафаре, дар ҷодае қадамҳои нахустинро мегузорад ва барои амале аввалин шуда иқдом мегирад, ӯро асосгузор ё бунёдгузор меноманд. Маҳз барои Тоҷикистони тозаистиқлол Эмомалӣ Раҳмон аввалин фардест, ки истиқлолияти комили сиёсиро ба вуҷуд оварда, ваҳдати миллиро таъмин намуда, иқтисодиёти пасазҷангиро ба маҷрои дурусти рушд расонд. Аз ин рӯ, Эмомалӣ Раҳмон ҳам ба унвони олии Қаҳрамони Тоҷикистон, ҳам Асосгузори сулҳу ваҳдати миллӣ ва ҳам Асосгузори Тоҷикистони мустақил арзанда ҳаст.
Илова ба хизматҳои мондагори Пешвои миллат дар самти сиёсати дохилӣ, заҳматҳои ӯ дар самти сиёсати хориҷӣ низ назаррасанд. Зеро маҳз ба шарофати заҳматҳои зиёд ва муаррифоти Тоҷикистон дар арсаи байналмилалӣ аз ҷониби Эмомалӣ Раҳмон тамоми тоҷикону форсизабонони олам дар симои Тоҷикистони соҳибистиқлол хонаи умеди худро диданд. Яъне, акнун Тоҷикистон на танҳо ватани тоҷикистониён, балки хонаи умеди тамоми форсизабонони дунё аст.
Ҳамин тариқ, Эмомалӣ Раҳмон яке аз дурахшонтарин шахсиятҳоест, ки ин рисолати муқаддаси ормонӣ дар саропои фитраташ бо шукӯҳи тамом таҷаллӣ ёфтааст. Ӯ Тоҷикистонро дар арсаи ҷаҳон муаррифӣ кард ва ба рағми душманони дохиливу хориҷӣ бо камоли ҷасорат кишварашро дар саросари дунё аз мақоми арҷманде бархӯрдор намуд.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 02.11.2016    №: 218    Мутолиа карданд: 1474

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед