logo

маориф

ҲУНАР ДАР МАҲАЛҲОИ ДУРДАСТ АҲАМИЯТИ БЕШТАР КАСБ МЕКУНАД

Коллеҷи муҳандисии техникии ноҳияи Нуробод бо Қарори Ҳукумати Ҷумҳурии Тоҷикистон аз 2 ноябри соли 2012, дар заминаи омӯзишгоҳи касбӣ - техникии № 54 таъсис ёфта, ҳоло дар тобеияти бевоситаи Вазорати маориф ва илми Ҷумҳурии Тоҷикистон машғул ба фаолият аст.
Тавре, ки Эраҷ Музаффаров, директори муассисаи мазкур, ҳангоми суҳбат ба мо иттилоъ дод, соли 2013 аз ҷониби Президенти Ҷумҳурии Тоҷикистон дар шаҳраки Дарбанд хишти аввали бинои муассиса гузошта шуд.  Ҳоло сохтмони биноҳои таълимӣ, ҷамъиятӣ - маишӣ, толори варзиш ва дигар биноҳои ёрирасони он аз ҷониби Дирексияи иншооти ҳукуматии Дастгоҳи иҷроияи Президенти Ҷумҳурии Тоҷикистон идома дорад.
Соли таҳсили 2014 - 2015  аз ҳисоби муассисаи таҳсилоти миёнаи умумии № 14  ба миқдори 8 синфхона ва кабинети корӣ барои фаъолияти коллеҷи муҳандисии техникии ноҳияи Нуробод ҷудо гардид, ки ин барои беҳтар шудани шароити фаъолияти муассиса таъсири мусбат расонд. Муассиса ҳоло дорои устохонаи коркарди чӯб буда,  утоқҳои лабараторияи автомбил,  дӯзандагӣ ва синфхонаи компютерӣ мебошад.
Муассиса дорои як хобгоҳ буда, он 132 нафар донишҷӯёну касбомӯзонро фаро гирифтааст. Хобгоҳи донишҷӯён соли ҷорӣ дар доираи имкониятҳои мавҷуда аз таъмири ҷорӣ бароварда шуд, вале барои боз ҳам беҳтар намудани шароити зист, аз ҷумла ҷиҳати таъмир ва таъмини хобгоҳ бо таҷҳизоти зарурӣ, муассиса ба маблағи иловагӣ эҳтиёҷ дорад. Дар таълимгоҳ як китобхона амал менамояд. Маъмурияти коллеҷ баҳри ғанӣ гардондани фонди китобхона тадбирҳои судманд роҳандозӣ намуда, саъй дорад, ки синфхонаҳои компютериро бо шабакаи умумиҷаҳонии интернет пайваст намояд, то ки донишҷӯён аз китобҳои электронӣ истифода баранд ва лексияҳои омӯзгорон дар китобхонаи муассиса дар шакли электронӣ пешниҳод шавад.
Таълим дар муассисаи мазкур аз рӯи ихтисосҳои «Сохтмон ва истифодабарии бино ва иншоот», «Сохтмони роҳҳо ва иншооти нақлиётӣ», «Сохтмон, нигоҳдорӣ ва таъмири роҳҳои автомобилгард ва иншооти нақлиётӣ», «Таъминоти барқ», «Таъминоти барқ дар корхонаҳои саноатӣ», «Муҳосибӣ, таҳлил ва назорат» дар заминаи синфҳои 9 ва 11 сурат гирифта, айни ҳол дар 26 гурӯҳи рӯзона 426 нафар донишҷӯ ба таҳсил фаро гирифта шудааст. Сафи довталабон ба ин муассиса низ сол то сол меафзояд. Донишҷӯён аз ҳамаи ноҳияҳои водии Рашт, шаҳрҳои Душанбе, Қӯрғонтеппа ва ноҳияҳои Данғараю Восеъ таҳсил менамоянд.
Ба масъалаи таълими истеҳсолӣ низ дар муассиса диққати ҷиддӣ дода мешавад. Дар гурӯҳҳои омӯзишӣ  таълими истеҳсолӣ тибқи нақшаи таълим ба роҳ монда шудааст. Баҳри самаранок роҳандозӣ намудани фаолият дар ин самт маъмурияти таълимгоҳ  барои сафарбар намудани донишҷӯёну касбомӯзон ба ихтироъкорию  навоварӣ бо устоҳои таълимӣ машварат доир намуда, ба онҳо дастуру супоришҳои мушаххас медиҳад. Роҳбарияти муассиса, ҳамчунин, ба нақша гирифтааст, ки устохонаҳои истеҳсолиро бештар ташкил намояд.
Барои ба таҷрибаомӯзӣ ҷалб намудани шогирдон бо ташкилоту муассисаҳои дахлдор шартнома ба имзо расонида мешавад ва мувофиқи нақшаи таълим донишҷӯён ба таҷрибаомӯзӣ ҷалб мегарданд.
Ҳанӯз дар самаранокии фаъолияти коллеҷи муҳандисии техникии ноҳияи Нуробод баъзе  мушкилот, аз қабили нарасидани утоқҳои таълимӣ, лабараторияҳо, айёниятҳо, нарасидани мизу курсӣ, катҳои хоб, ҷевон, китобҳои таълимӣ аз фанҳои тахассусӣ мавҷуд аст. Баҳри дастрас намудани  40 номгӯи китобҳои дарсӣ барои донишҷӯён ба маркази табъу нашри Вазорати маориф ва илми кишвар  аз тарафи маъмурияти муассиса дархост пешниҳод шудааст.
- Азбаски  коллеҷи муҳандисии техникии мазкур навтаъсис аст,  имконияти якбора бартараф кардани норасоиҳои мавҷударо надорад. Аммо бояд гуфт, ки дар ҷодаи рушди таҳсилоти касбӣ қадамҳои нахустинаш устувор аст.  Итминони комил дорам, ки бо анҷом расидани сохтмони бинои нав ҳамаи ин мушкилот бартараф мегардаду коллеҷи мо дар рушди таҳсилоти касбии ҷавонони минтақа нақши муҳим мебозад, - гуфт дар хотимаи суҳбат Эраҷ Музаффаров.
Худодод ЗАЙНИДДИН,
«Ҷумҳурият»


Баёни ақида (0)    Санаи нашр: 03.11.2016    №: 219    Мутолиа карданд: 7015
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед