logo

иқтисод

СОҲИБКОРОН. САҲМИ ОНҲО ДАР ОБОДИИ БАДАХШОН БЕШТАР МЕГАРДАД

Солҳои охир бо мақсади ба танзим даровардани раванди ҳамкорӣ бо соҳибкорони бурунмарзӣ дар кишвар корҳои зиёде ба анҷом расонда шуданд.
 
Бино ба иттилои Мулкамон Каниев, сардори шуъбаи хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар ВМКБ, феълан танҳо дар Федератсияи Русия 15 диаспора, ташкилотҳои ҷамъиятӣ ва марказҳои фарҳангии тоҷикон фаъолият мекунанд.
Мулкамон Каниев мегӯяд, ки робитаи доимии соҳибкорони бурунмарзӣ ба саҳми бештари онҳо дар рушди кишвар мусоидат мекунад. Аз тарафи ҳамин гурӯҳи соҳибкорон якчанд иншооти иҷтимоӣ - иқтисодии вилоят маблағгузорӣ гардиданд.
Бо ҷалби 4500 доллари амрикоии соҳибкорон дар Ҷамоати деҳоти Барвоз майдончаи варзишӣ сохта шуд. Ҳамчунин, таъмири якчанд майдончаҳои варзишӣ дар ин ҷамоат, навсозии як қисми роҳҳои маҳаллӣ ва дигар корҳои ободониву созандагӣ намунаи корҳои анҷомдодаи соҳибкорон мебошад.
Чунин амали ватандӯстонаи онҳо дар дигар ноҳияҳои вилоят низ вусъати тоза гирифтааст. Худоёр Давлатов, соҳибкор аз ноҳияи Ванҷ, харидории қубури обгузарро ба маблағи 10 ҳазор доллар, Шеров Саломат таъмири 2 синфхонаи мактаби деҳаи Ровандро 10 ҳазор сомонӣ, Тоҷиддин Замонов барои ободонии деҳааш 1200 доллар, Нурулло Қурбонов таъмири роҳи мошингарди деҳаи Тихоҳро 4 ҳазор доллар, Нуралӣ Назаралиев ва Баҳор  Мирзоев соҳилмустаҳкамкунии рӯдхонаи Ҷамоати деҳоти Ҷовидон 50 ҳазор рубли русӣ маблағгузорӣ намудаанд. Дар ин қатор даҳҳо нафари дигар низ шомиланд, ки дар ободонии маҳали худ саҳм гузоштаанд.
 Дар ноҳияи Дарвоз аз тарафи соҳибкор Абдулҳаким Ризоев барои кашидани хати оби нӯшокӣ ва дигар корҳои ободонии деҳаҳои Зинг ва Рӯзвайи Ҷамоати деҳоти Қалъаи Хумб 7500 сомонӣ кумак ҷудо гардид.
Ба 80 хоҷагии зарардида аз офати табиӣ дар деҳаи Барсеми ноҳияи Шуғнон аз тарафи як гурӯҳ соҳибкорон ба монанди Хилват Шаболов, Алимамад Алимамадов, Акобиршо Саидмамадов, Гулрӯз Шониёзов ва Ғарибшоҳ Шаҳбозов кумак расонда шуд.
 Дар ноҳияи Рӯшон низ бо кумаки молиявии гурӯҳе аз соҳибкорон толори варзишии деҳаи Баррушон таъмир гардида, барои мактаби деҳа 11 адад компютер харидорӣ гардид. Барои осебдидагон аз офати табиӣ 64 ҳазор рубли русӣ кумак расонда шуд. Соҳибкорони ноҳия ҳамчунин барои сохтмони мактаби деҳаи Рухчи Ҷамоати деҳоти Савноб, ки дар натиҷаи заминларзаи моҳи декабри соли 2015 пурра хароб гардида буд, тақрибан 240 ҳазор сомонӣ кумак расонданд.
Шодихон Ҷамшед, раиси ВМКБ, ҳамкории мақомотҳои маҳаллии ҳокимияти давлатиро дар ин самт ҳанӯз ғайрикифоя арзёбӣ кард. Ба гуфтаи ӯ, гарчанде дар ин самт корҳои зиёд анҷом дода шуданд, вале ин самараи фаъолияти шуъбаи хадамоти муҳоҷират ва мақомотҳои иҷроияи маҳаллии ҳокимияти давлатӣ нест. Зеро бисёре аз корҳои анҷомдода маҳз бо ташаббуси худи соҳибкорон сурат гирифтааст. Дар ин самт имкониятҳо ҳанӯз зиёданд, ки баҳри амалигардонии онҳо бояд мақомоти маҳаллӣ чораҷӯӣ намоянд. Робитаи доимӣ бо соҳибкорони бурунмарзӣ ва диаспораҳои тоҷикон дар кишварҳои хориҷа муттаҳид менамоянд, беш аз пеш густариш додан зарур аст. Бо мақсади шиносоӣ бо шароити зисту зиндагонӣ ва кори соҳибкорон ба ин минтақаҳо гурӯҳҳои корӣ дар ҳайати рӯзноманигорон ва коршиносон, кормандони масъули соҳа фиристода, робитаро бо диаспораи тоҷикони Русия густариш бояд дод.
Раиси вилоят бо мақсади ҷалби соҳибкорони бурунмарзӣ дар рушди соҳаҳои хоҷагии вилоят тарҳрезии барномаи махсусро зарур шуморид. Таъкид намуд, ки барои онҳо ва тоҷикони муқими хориҷи кишвар фароҳам овардани шароити корӣ зарур аст, то битавонанд дар кишвари худ корхонаҳои истеҳсолӣ, марказҳои хизматрасонӣ ва хонаҳои истиқоматӣ бунёд намоянд.
Раҳмони ГУЛЗОР,
“Ҷумҳурият”


Баёни ақида (0)    Санаи нашр: 03.11.2016    №: 219    Мутолиа карданд: 2131

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед