logo

иқтисод

НАВОВАРӢ. СУХАН ДАР БОРАИ ҶАМЪОВАРИИ ПАХТА БЕ ҶАЛБИ ҲАШАРЧИЁН МЕРАВАД

Ноҳияи Зафаробод аз ҷиҳати ҷойгиршавии ҷуғрофӣ сирф кишоварзӣ мебошад. Даромади асосии мардум аз ҳисоби зироаткорӣ буда, наздик ба 30 ҳазор гектарро ташкил медиҳад. Масъалаи асосӣ барои мардуми ноҳия, ин дастрасӣ ба оби полизӣ мебошад, ки тавассути пойгоҳҳои обкашӣ обёрӣ карда мешаванд. 
 
Ҳоло пойгоҳҳои обкашӣ бо сабаби аз солҳои шастум инҷониб мавриди истифода қарор гирифтанашон хеле  фарсудаву корношояманд. Ҷиҳати таъмиру азнавсозии пойгоҳҳо ва дастрасии аҳолӣ ба қисмҳои зарурии он Ҳукумати ҷумҳурӣ ба ноҳия зиёда аз 10 миллион сомонӣ маблағ ҷудо кардааст. Мақомоти иҷроияи ҳокимияти давлатии вилояти Суғд ба хотири ҳаллу фасли ин масъала ҳар сол ба буҷети ноҳия то як миллион сомонӣ маблағ ҷудо месозад. Аз ин ҷост, ки дар ноҳия соҳаи кишоварзӣ ҳамчун соҳаи калидии рушди иқтисодӣ равнақ ёфта, дар самти пахтакорӣ ва истеҳсоли маҳсулоти полизиву сабзавот дастовардҳои назаррас ба чашм мерасанд. Деҳқонони ноҳия дар мавсими имсола бо таъмини муътадили оби полизӣ ба ҳосили фаровони пахта ноил гардиданд, нисбат ба ҳамин, ки давраи соли гузашта қариб 7 ҳазор тонна зиёд аст. Агар соли гузашта дар ноҳия 12 ҳазор тонна пахта ҷамъоварӣ шуда бошад, имсол дар назар аст, ки истеҳсоли он ба 20 ҳазор тонна расонда шавад. Даромади молиявӣ аз ҳисоби пахта чоряк миллион сомониро ташкил хоҳад дод. 
Тавре Зиёзода Сулаймон Ризоӣ, раиси ноҳия иброз медорад, соли сеюм аст, ки дар ноҳия ҷамъоварии ҳосили пахта бидуни ҷалби ҳашарчиён ҷараён мегирад ва аз ин ҳам худи хоҷагиҳо манфиати хуби иқтисодӣ мебардоранд. Аз рӯйи ҳисобу китоби мутахассисон, танҳо аз ҳисоби даст кашидан аз хидмати ҳашарчиён 10 миллион сомонӣ маблағи хароҷоту пардохти чиниш дар ихтиёри худи ноҳия мемонад, ки бешубҳа, дар  ҳалли бисёр масоили иҷтимоӣ мусоидат мекунад. Ин аст, ки то имрӯз аз ҳисоби таҷдиди хоҷагиҳо дар ноҳия 4 ҳазору 766 хоҷагиҳои деҳқонӣ таъсис ёфта, садҳо нафар соҳиби замин ва ҷойи кори доимӣ шуданд. То шаст дарсад коҳиш ёфтани муҳоҷирати меҳнатӣ дар ноҳия низ ба ҳамин ислоҳот вобаста мебошад. Ҳамчунин, бо суръати риояи қатъии технологияи парвариш ва таваҷҷуҳ ба тухмии хушсифат метавон ҳосилнокии ин зироатро боз ҳам афзоиш дод, аз ҳисоби коркарди ниҳоии нахи он фоидаи дилхоҳи иқтисодӣ бардошт. Масалан, агар арзиши як кило пахта дар бозор то 1 доллари амрикоӣ бошад, аз як кило нахи он то 5-6 доллар фоида гирифтан имконпазир аст. Дар сурати коркарди нахи пахта ва то ҳадди ниҳоӣ расондани маҳсулот манфиати молиявии он боз ҳам афзун мегардад. Ба истифода додани корхонаи нассоҷии «Наврӯз» бо дастуру супоришҳои Сарвари давлат соли 2011 маҳз бо ҳамин мақсад буд. Корхонаи мазкур имконият фароҳам овард, ки 120 нафар ҷавони ноҳия соҳиби шуғли муайян гардад. Ба хотири он ки арзиши аслии маҳсулоти корхонаи мазкур поин бошаду маҳсулот дар бозори дохиливу хориҷӣ харидор пайдо кунад, тасмим шудааст, ки соли  2017 дар ноҳия бо ибтикори соҳибкори маҳаллӣ коргоҳи ресандагӣ бунёд гардад. Раиси ноҳия муътақид аст, ки аз ҳисоби рушди соҳаи саноати сабук – ресандагӣ ва бофандагӣ дар ноҳия талаботи макотиби таълимӣ ҷиҳати таъмини либоси мактабӣ пурра қонеъ гардонда мешавад.  Самти дигари рушди саноат ин муътадил фаъолият кардани коргоҳҳои пахтатозакунии ноҳия мебошад, ки истеҳсоли равған ва хӯроки чорворо дар ин замина метавон вусъат бахшид.
Коршиносони соҳаи кишоварзӣ бо мушоҳида ва таҳлилҳо афзалияти рушди соҳаи полизӣ ва сабзавот, аз ҷумла парвариши пиёзро дар ноҳия таъкид доранд. Дар мавсими имсола, дар ноҳия наздик ба 21 ҳазор тонна маҳсулоти полизӣ ва 9 ҳазору 866 тонна сабзавот, аз ин зиёда аз 5 ҳазор тонна пиёз  истеҳсол шудааст, ки дар қиёс ба солҳои қаблӣ ба маротиб зиёд гардидааст.
- Раванди татбиқи «Барномаи рушди иқтисодиву иҷтимоии ноҳия барои солҳои 2015-2020» шароити мусоид фароҳам меорад, ки иқтисодиёти ноҳия боз ҳам рушду нумъӯ ёфта, ба зиндагии шоистаи мардуми ноҳия мусоидат мекунад, - иброз дошт Зиёзода Сулаймон Ризоӣ.
Ҷовиди АШТӢ, «Ҷумҳурият»


Баёни ақида (0)    Санаи нашр: 08.11.2016    №: 221    Мутолиа карданд: 1771

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед