logo

ҳуқуқ

ҲИМОЯИ ҲУҚУҚИ ИСТЕЪМОЛГАР ВА КАФОЛАТИ СИФАТ ҲАДАФИ МОСТ

Танзими назорати давлатии истеҳсоли маҳсулоти воридотивазкунанда ба салоҳияти Агентии «Тоҷикстандарт» вогузор  шудааст. Ҷӯрахон Раҳимзода, сардори раёсати бамеъёрдарории техникӣ ва стандартонии агентии мазкур, дар суҳбат бо хабарнигори рӯзнома  дар ин бора андешаҳояшро чунин баён намуд:
 
- Соҳибкории истеҳсолӣ намуди пешқадамтарин маҳсуб ёфта, дар доираи рақобат  сурат мегирад. Бар асари ин раванди тавлидоти молу маводи барои эҳтиёҷоти истеъмолкунанда зарурӣ, бо истифода аз падидаҳои навтарини илмӣ – техникӣ роҳандозӣ мегардад. Дар даврони соҳибистиқлолии кишвар дар натиҷаи татбиқи нақшаву барномаҳои  Ҳукумати мамлакат ва меҳнати созандаву бунёдкоронаи мардум  афзоиши устувори нишондиҳандаҳои рушди иҷтимоиву иқтисодии ватанро таъмин карда, дар ҳамаи соҳаҳои ҳаёти давлат ва ҷомеа ба дастовардҳои назаррас ноил гардидем.                             
Айни ҳол номгӯйи истеҳсоли маҳсулоти саноатӣ рӯ ба афзоиш дорад. Аз ин лиҳоз, содироти даҳҳо номгӯйи маҳсулоти ашёи хом ба хориҷ коҳиш ёфта, дар дохили кишвар коркард ва истеҳсоли он роҳандозӣ  шудааст. Афзудани истеҳсоли молҳои дар бозори ҷаҳонӣ рақобатпазир ва воридотивазкунанда бахши таркибии сиёсати давлатӣ дар самти рушди иқтисод аст. Тайи 2 -3 соли охир тавассути ба кор даромадани иқтидорҳои бузурги истеҳсолӣ воридоти семент ва масолеҳи дигари бинокорӣ батамом қатъ ва марҳилаи содироти онҳо ба кишварҳои хориҷа шурӯъ гардидааст. Бо бунёди корхонаҳои саноатӣ, ки дар шаҳру ноҳияҳои кишвар, аз ҷумла Душанбе, Хуҷанд, Турсунзода, Ёвон, Данғара фаъолият доранд, рушди босуботи иқтисодӣ таъмин гардида, иқтидори содиротии мамлакат меафзояд.
Аз ҷониби Агентии «Тоҷикстандарт» дар самти мусоидат ба рушди стандартизатсия, сертификатсия ва ташхиси техникаи муосир  корҳои муайян ба сомон расонда шуд. Аз ҷумла, ҷиҳати рушди минбаъдаи низоми миллии стандартизатсия ва сертификатсиякунонӣ, дар ин замина гузариш ба низоми танзими техникӣ, мутобиқ ба талаботи байналмилалӣ, як қатор санадҳои меъёрии ҳуқуқӣ таҳия ва қабул гардиданд. Инчунин, агентӣ ҳамчун мақомоти ваколатдор корҳои омӯзишӣ, фаҳмондадиҳӣ ва сертификатсионии системаи менеҷменти сифатро тибқи талаботи стандартҳои байналмилалӣ дар корхонаҳои ватанӣ ба роҳ мондааст. 
Имрӯз бо ҷалби технологияи муосир ва мутахассисони касбӣ дар бозори истеъмолии кишвар номгӯйи зиёди маҳсулоти ватанӣ ба муомилот бароварда  шуда истодааст, ки аз рӯйи сифат аз маҳсулоти ҳаммонанди дар хориҷ истеҳсолшаванда фарқият надошта, аз ҷиҳати экологӣ бартарият низ доранд. Масалан, маҳсулоти ширӣ, гӯштӣ, анвои маҳсулоти нонию қаннодӣ, масолеҳи сохтмонии гуногун, симноқилҳо, мебелҳои хушсохти замонавӣ ва садҳо номгӯйи маҳсулотро номбар кардан мумкин аст, ки метавонанд талаботи бозори дохилиро таъмин намуда, ба содирот низ пешниҳод шаванд.
Мутаассифона, бо вуҷуди тибқи талабот ба роҳ мондани фаъолияти корбарӣ, воридоти молу маҳсулоти пастсифат аз хориҷи кишвар идома дошта, дар дохил низ истеҳсоли маҳсулоти ғайристандартӣ зиёд ба назар мерасанд. Ҳамчунин, дар муомилоти бозор маҳсулоти истеҳсоли ватание  низ мавҷуданд, ки бе расмиёти сертификаткунонӣ ба истеъмолкунандагон пешниҳод мешаванд. Сабаби норасоиҳо ҳоло ҳам дар сатҳи муайян набудани маърифати ҳуқуқии соҳибкорон мебошад. 
Яке аз омилҳои истеҳсоли маҳсулоти рақобатпазир ва воридотивазкунандаи ватанӣ ин тақвият додани назорат дар бозори истеъмолӣ ва пешгирии воридоти маҳсулоти бесифат аз хориҷи кишвар аст. Танҳо  соли ҷорӣ дар натиҷаи гузарондани назорати давлатӣ дар бозору мағозаҳо ба миқдори 5499,6 тонна маҳсулоти гуногуни ғайристандартӣ, ки аксаран аз хориҷ ворид шудаанд, ба қайд гирифта шуд.  Дар ин замина, кормандони агентӣ тадбирҳои судмандро амалӣ намуда, бо истифода аз имкониятҳо ҳамкориро бо истеҳсолкунандагони ватанӣ боз ҳам тақвият медиҳанд.
Фаровонии бозори истеъмолӣ, афзудани ҳаҷми маҳсулоти воридотивазкунанда ва содироти молҳои рақобатпазир, хушсифату безарар ва  роҳандозии хизматрасонии сатҳи баланд, кафолати сифат ва бехатарии мол, ҳимояи ҳуқуқи истеъмолгар  ҳадафҳои асосии соҳаи стандартонианд. Зеро мутобиқати сифати мол ба стандартҳои байналмилалӣ, яъне доро будан ба сертификати стандарти байналмилалӣ дар шароити муосир кафолати асосии сифати молу хизматрасонист.
Матлубаи АБДУҚАҲҲОР, «Ҷумҳурият»


Баёни ақида (0)    Санаи нашр: 08.11.2016    №: 221    Мутолиа карданд: 1752

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед