logo

фарҳанг

ШОИРИ ШЕЪРАШ ЛИВО

5 ноябр бо ибтикори мақомоти иҷроияи маҳаллии ҳокимияти давлатии ноҳияи Восеъ ва бо ширкати аҳли адаби ҷумҳурӣ дар ноҳияи мазкур 75 – солагии шоир ва рӯзноманигори варзидаи тоҷик Ғоиб Сафарзода ҷашн гирифта шуд. 
Дар вазъияти тантанавӣ дари китобхона ва осорхонаи Ғоиб Сафарзода ба рӯйи дӯстдорони адаб во шуд. Дар китобхона асарҳои офаридаи шоир, китобҳои ба ӯ тақдимнамудаи дӯстону рафиқон ва асарҳои бадеии солҳои шӯравию замони истиқлол офаридаи адибону олимони тоҷик ҷой дода шудаанд. Дар осорхона бошад, дастнавис, сурат, либос ва ашёҳои зиёде ба намоиш гузошта шудаанд, ки аз рӯзгор ва осори шоир ҳикоят менамоянд.  
Дар доираи чорабинии мазкур, ҳамчунин, парда аз рӯйи нимпайкараи шоир, ки дар мактаб - интернати ноҳиявии ба номи Ғоиб Сафарзода қомат афрохтааст, бардошта шуд. Маҷлиси тантанавӣ бахшида ба 75 – солагии шоир низ дар ҳамин мактаб – интернат баргузор гардид. 
Раиси ноҳияи Восеъ Мӯсо Ғафурзода бо ҳисси шукргузорӣ аз сулҳу субот ва арҷгузорӣ ба сиёсати бунёдкоронаи Сарвари давлат аз корҳои анҷомдодаи мақомоти иҷроияи маҳаллии ҳокимияти давлатии ноҳия доир ба гиромидошти фарзандони сарсупурдаи миллат сухан ронда, зикр намуд, ки «ганҷинаи миллат фарзандони бонангу номуси он мебошанд. Яке аз чунин фарзонафарзандони миллат Ғоиб Сафарзода мебошад, ки дар рушди маънавиёти ҷомеа ва гиромидошти арзишҳои фарҳангиву маънавии он саҳми босазо гузоштааст». 
Нависандаи халқии Тоҷикистон Абдулҳамид Самад аз номи раёсати Иттифоқи нависандагони Тоҷикистон ба мақомоти иҷроияи маҳаллии ҳокимияти давлатӣ ва ҳамдиёрони  шоир барои корҳои шоёнашон ҷиҳати гиромидошти хотираи неки шоири ширинкалом миннатдорӣ баён намуда, мавқеи Ғоиб Сафарзодаро дар назми тоҷик хеле муҳим арзёбӣ кард. «Як шамъ метавонад садҳо шамъи дигарро рӯшан намояд, - гуфт зимни суханронии хеш А. Самад. – Ҳамин гуна вазифаро дар ҳаёти фарҳангиву адабии мо Ғоиб Сафарзода иҷро намудааст». 
Шоири халқии Тоҷикистон Ҳақназар Ғоиб аз салосати сухан ва балоғати маъниҳои офаридаи шоир сухан ронда, навгониҳои дар шеъри муосири тоҷик вориднамудаи ӯро мавриди баррасӣ қарор дод. 
Дар фароварди маҳфил ҳунармандони ноҳия ба меҳмонон ва ширкатдорони чорабинӣ гулдастаи мусиқиеро, ки аз ашъори шоир мураттаб гардида буд, пешкаш намуданд. Дар доираи чорабинӣ вохӯрӣ ва суҳбатҳои гарму ширин бо адибони тоҷик сурат гирифтанд. 
М. ТАБАРӢ, «Ҷумҳурият»


Баёни ақида (0)    Санаи нашр: 08.11.2016    №: 221    Мутолиа карданд: 2075

19.11.2018


Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд


Дар сомонаҳои дигари Тоҷикистон хонед