logo

иқтисод

ХАТЛОН. ЧАРО ТАЛАБОТИ ҚАРОРИ ҲУКУМАТРО НОДИДА МЕГИРЕМ?

Безараргардонии лампаҳои симобдори азкормонда маблағи ҳангуфт тақозо намекунад. Бо вуҷуди ин, аз рӯзи мавриди истифодаи умум қарор гирифтани онҳо, дар вилояти Хатлон чунин тадбир асло роҳандозӣ нагардидааст.  
Шумораи чунин лампаҳо, ки дастикам 5 сол боз аз аҳолӣ ва ташкилоту идораҳо ҷамъоварӣ мешаванд, дар анборҳои муваққатии ҳудуди вилоят ба камобеш 205 ҳазор расидаанд. Бо ин амали хеш масъулон муқаррароти Қарори Ҳукумати Ҷумҳурии Тоҷикистон «Дар бораи тадбирҳо оид ба ташкил намудани системаи безараргардонии ҷамъоварӣ, нигоҳдорӣ, интиқол ва коркарди лампаҳои симобдор», аз 3 марти соли 2011, рақами 97 - ро сарфи назар мекунанд. Мақсад аз тасвиби ин қарор эмин нигоҳ доштани саломатии шаҳрвандон ва ҳам дар замони буҳрони энергетикӣ 5 баробар бештар сарфа кардани қувваи барқ аст. Азбаски симоб метали бухоршаванда аст, пас аз дохили узвҳои нафаскашӣ шудан оҳиста-оҳиста метавонад оқибатҳои сангин ба бор орад. 
Дар асоси қарори болозикр ва қарори раиси вилояти Хатлон аз 18 майи соли 2011 мебоист баҳри безараргардонии лампаҳои корношоям яктоӣ дастгоҳ дар минтақаҳои Қӯрғонтеппаю Кӯлоб насб мегардид. Лек то ҳол маълум нест, ки чунин дастгоҳ кай харида мешавад, ҳарчанд ғарами ин навъ лампаҳо дар 945 нуқтаи нигоҳдории вилоят дигар нағунҷида истодааст.
Дар ин қарор возеҳ навишта шудааст, ки мақомоти иҷроияи маҳаллии ҳокимияти давлатии шаҳру ноҳияҳо муваззаф гардидаанд, то ҷиҳати коркарди лампаҳои симобдор ва интиқоли лампаҳои каммасрафи барқии люминессентӣ ва дигар лампаҳои симобдори аз истифода баромада маблағҳои муайян ҷудо намоянд. Аммо, мутаассифона, дар истинод ба Раёсати ҳифзи муҳити зисти вилоят, аз 25 шаҳру навоҳии вилояти Хатлон то кунун ҳамагӣ 16 шаҳру ноҳия бо ин мақсад андаке маблағи ночиз ихтисос додаанду бас. Ин маблағҳо, ба қавли мутасаддиёну мутахассисон, фақат барои харидани маҳлулҳои безараргардонӣ, ҷиҳозондани нуқтаҳои нигоҳдорӣ бо лавҳаҳои огоҳкунанда, насби бодбезакҳои барқӣ, сохтани рафҳои махсусу қуттиҳои интиқолдиҳӣ, харидани қуттиҳои сарпӯшида ва бар ивази як дона лампаи корношоям ба шаҳрванд додани як ё якчанд лампаи нав кифоят намекунад. 
Иқтисодчии намояндагии КВД “Хоҷагии манзилию коммуналӣ” - и  Ҷумҳурии  Тоҷикистон дар вилояти Хатлон  Дилшод  Раҳимов мегӯяд, ки  бо ин мақсад дар зарфи 5 сол ба корхонаҳои  шаҳриву ноҳиявии онҳо ҳамагӣ 32 ҳазору 45 сомонӣ ҷудо гардидааст. “Аз ҳама бештар шаҳрҳои Сарбанду Қӯрғонтеппа маблағ ҷудо намудаанд. Шаҳру навоҳии Вахш, Шаҳритуз, Абдураҳмони Ҷомӣ, Н. Хусрав, Кӯлоб, Восеъ, Данғара, Темурмалик, Муъминобод ва Балҷувон ҳанӯз як дирам ҳам ихтисос надодаанд”, - афзуд ӯ.
Чуноне мо мушоҳида кардем, дар аксар шаҳру ноҳияҳои вилоят бинобар набудани ҷойи махсус лампаҳои симобдори шикаставу азкорбаромадаро ҳамроҳи дигар анҷомҳо – китобу коғаз, компютеру принтер, бухорию ҳавополо ва ҳоказо якҷо нигоҳ медоранд, ки ин, албатта ба саломатии худи масъулон беасар нахоҳад монд. 
Сармуҳандиси КВД “Хоҷагии манзилию коммуналӣ”-и шаҳри Сарбанд Искандар Мингяров иқрор шуд, ки ҳарчанд анбори нигаҳдории лампаҳои корношоямашон ба талабот ҷавобгӯ нест, вале то ҳол илоҷи ҳалли мушкилро наёфта истодаанд. 
Ҳамтои ӯ аз КФД “Хоҷагии манзилию коммуналӣ” - и ноҳияи Хуросон Абӯсаид Набиев низ аз камбуди молиявиашон изҳори нигаронӣ кард. “Мо то моҳи сентябри соли равон 3 ҳазору 677 лампаи корношоям ҷамъ овардем. Ва то имрӯз дар тӯли 5 сол ягон донаи онҳо безарар гардонда нашудааст. Бо мақсади фақат ҳамин миқдорро бехавф сохтан ба мо тақрибан 3 ҳазор сомонӣ лозим аст. Лекин аз буҷети ноҳия боре  800 сомонӣ ҷудо шуда буд”, - изофа кард сармуҳандис.
Зимни суҳбат бо мо раисони чанде аз навоҳии вилоят гуфтанд, ки барои безараргардонии лампаҳои симобдори азистифодамонда аз ҳисоби буҷетҳои маҳаллӣ маблағ ҷудо  карда наметавонанд. 
Раиси ноҳияи Қубодиён Саидумрон Абдураҳмонзода изҳор дошт, ки беш аз 50 дарсади қисмати хароҷотии буҷети ноҳия аз ҳисоби маблағҳои мутамарказ таъмин мегардад. “Барои ҳамин, мо масъалаи мазкурро ҳал карда наметавонем. Баъдан, КФД “Хоҷагии манзилию коммуналӣ” - и ноҳия худмаблағгузор аст. Яъне метавонад, ки ин масъаларо мустақиман дида барояд”, - илова кард вай.
Ба гуфтаи раиси ноҳияи Ҷайҳун Фотеҳ Аминзода, вазъи ҷамъоварию безараргардонии лампаҳои каммасрафи корношоям ӯро қонеъ намекунад. “Аммо дар ноҳияи мо қисми даромади буҷет бо машаққат иҷро мешавад. Аз ин рӯ, фақат барои пардохти музди меҳнат маблағ меёбему тамом”, - афзуд раиси ноҳияи Ҷайҳун. 
Мусаллам аст, ки мушкили безараргардонии лампаҳои симобдори аз истифодабаромада набояд саҳл гирифта шавад. Манзурам, дар сурати наандешидани тадбир онҳо метавонанд ба партовгоҳи маишӣ баргарданд. Ва ҳам муддати дароз бидуни наандешидани тадбир, ҳар як кадоми ин лампа метавонад ба заҳри оҳистакор табдил ёбад. Дар миён масъалаи ҳифзи саломатии шаҳрвандон ва муҳити зист истодааст. Масъулонро мебояд ҷанбаи иқтисодии ин ноҷӯриро сарҳангом ҳал намоянд. Дар акси ҳол ҳаҷми зарар метавонад то ба ҳадди тасаввурношаванда рафта расад.
Зокир ҲАСАН, “Ҷумҳурият”


Баёни ақида (0)    Санаи нашр: 09.11.2016    №: 222    Мутолиа карданд: 1658

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед