logo

фарҳанг

НИЯТИ НЕК НИМИ ДАВЛАТ

Назар Қосимов зодаи деҳаи хушманзари Шаҳбачаи ноҳияи Муъминобод буда, ҳоло дар шаҳри бостонии Хуҷанд зиндагӣ ва фаъолият менамояд. Дар замони шӯравӣ бо ҳамсараш фурӯшандаи мағозаи давлатӣ буданд. Баъд аз пошхӯрии Иттиҳоди Шӯравӣ ва гузаштан ба иқтисоди бозорӣ ба тиҷорат машғул шуданд. Айни замон Назар Қосимов  яке аз тоҷирони муваффақи вилояти Суғд ба шумор меравад. 

Ҳеҷ гоҳ ӯ аз деҳаи азизаш дур шуда натавонист. Ҳар сари чанд вақт ба зодгоҳаш меояд. Зимни суҳбат бо дӯстон дарёфт, ки аҳли деҳа бо мушкилоти зиёде даргиранд. Пеш аз ҳама, хати фарсудаи интиқоли барқ сабаб мешуд, ки зуд – зуд барқ  қатъ шавад. 
Нахуст тоҷир ба кашидани хати нави интиқоли барқ даст зад. Рӯзе, ки корҳои сохтмонӣ анҷом пазируфтанд, ҳеҷ аз ёдаш намеравад. Мардум ҳама аз ин амали хайри ҳамдиёрашон эҳсоси хурсандӣ намуда, дар ҳаққи ӯ ва наздиконаш дуои нек мекарданд. 
Ҳамчунин, аҳли деҳ аз кашондани оби нӯшокӣ мушкилӣ мекашиданд. Чунки чашмаи дар баландии деҳа ҷойгиршуда ин корро мушкилтар менамуд. Соҳибкор аз ҳисоби маблағҳои худӣ ва дар ҳамбастагӣ бо аҳли деҳа лӯла гузаронда, оби чашмаро ба поин фаровард. Бо ин роҳ мушкилӣ рафъ гардида, дастрасии мардум ба оби ошомиданӣ таъмин гардид. 
Яке аз мушкилоти асосии деҳоти кишвар роҳҳои ноободи он мебошад. Ин мушкилиро Н. Қосимов низ ҳини ҳар сафараш эҳсос мекард. Баҳри ислоҳи он Қосимов роҳҳои деҳаро таъмир намуд. 
Ҳамеша кӯшиш менамояд, ки сатҳи маърифатнокии мардум боло рафта, ҷавонон пайи илму маърифат гарданд. Бо ин мақсад бинои нави мактабро иборат аз ҳашт синфхона сохта, онро бо таҷҳизоти зарурӣ, аз ҷумла 6 бастаи компютерӣ муҷаҳҳаз гардонд. 
Дар деҳот бунгоҳҳои тиббӣ аҳамияти хоса доранд. То гузарондани ташхис ва гирифтани табобати зарурӣ ёрии аввалини тиббии расондаи кормандони он хеле муҳим аст. Бо ибтикори Назар Қосимов дар деҳаи Шаҳбача бунгоҳи тиббӣ низ сохта шуд. Он аз се дафтари корӣ иборат буда, дар он панҷ нафар табиб дар ҳифзи саломатии мардум камари ҳиммат бастаанд. Акнун мардум барои ташхису табобат ба маркази маъмурии ноҳияи Муъминободу шаҳри Кӯлоб намераванд. Барои бунёди бунгоҳ ва дастрас намудани таҷҳизоти зарурӣ соҳибкор зиёда аз 1 миллион сомонӣ сарф намуд. 
Ӯ ният дорад, ки дар ду гектар замин боғи наздимактабӣ бунёд намояду бинои боғчаи кӯдаконаро барои 50 нафар тарбиятгиранда сохта ба истифода супорад. 
Назар Қосимов шаҳрҳои ободу сарсабзи зиёдеро дидааст. Ҳар дафъа бо дидани сарсабзиҳои кишварҳои дигар зодгоҳаш ба ёдаш меояд. Ӯ кӯшиш менамояд, ки деҳааш ба шаҳрак монанд ва дар он тамоми шароити зарурӣ муҳайё бошад.
Нурулло ҲАСАНОВ, ноҳияи Муъминобод


Баёни ақида (0)    Санаи нашр: 09.11.2016    №: 222    Мутолиа карданд: 2135

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед