logo

ҳуқуқ

ҲАР КУҶОЕСТ НАЗМУ ТАРТИБ ПОЙДОР...

Солҳои аввали Истиқлолияти давлатӣ, ки дар мамлакати мо ҷанги шаҳрвандӣ сар зад, мақомоти милитсия ба вазъияти мураккаби сиёсӣ - ҷамъиятӣ рӯ ба рӯ шуд. Кормандони ин ниҳод то солҳои 1995 - 1997 бевосита дар амалиёти ҷангӣ ба муқобили дастаҳои мусаллаҳи ғайриқонунӣ иштирок мекарданд.
 
Ҷинояту ҷинояткорӣ дар ҳама давру замон мавҷуд буд ва боқӣ мемонад. Аммо мушкилоти хосаи он солҳо ба дасти одамони тасодуфӣ афтодани силоҳи оташфишон, либоси ҳарбӣ ва дигар лавозимоти ҷангӣ буд. Он ҷо, ки ҳарф ва зӯри силоҳ бошад, ҳатман дар он ҷо ҷиноятҳои махсусан вазнин, ба монанди куштор, ғоратгарӣ, одамрабоӣ, гаравгонгирӣ, таҷовуз ба номус содир мешаванд.
Мавриди зикр аст, ки дар баробари пайдо шудани шумораи зиёди силоҳи оташфишону маводи таркандаи ҷангӣ мушкилоти дигаре, ки мо - кормандони мақомоти корҳои дохилӣ ба он дучор омада будем, ин ба шаҳри Душанбе ворид шудани ҳазорон - ҳазор одамони бехонумон аз ноҳияҳои Вахшу Бохтар, шаҳри Қӯрғонтеппа, ноҳияҳои атрофи пойтахт - Ҳисору Рӯдакӣ, Ваҳдат ва дигар минтақаҳои кишвар буд. Тамоми хобгоҳҳои омӯзишгоҳҳои касбӣ-техникӣ, инчунин меҳмонхонаҳо, хусусан меҳмонхонаи «Душанбе» пур аз гурезаҳои иҷборӣ буданд. Бо зиёд шудани аҳолӣ на танҳо шумораи ҷиноятҳо, балки таркиби ҷиноятҳо, хусусан ҷиноятҳои ахлоқӣ даҳҳо маротиба зиёд гардиданд. 
Кормандони милитсия дар баробари иштирок дар амалиёти ҷангӣ, ҳамчунин тибқи рисолати аслии худ  барои таъмини амнияту осоиштагии ҷомеа сафарбар шуда буданд. Дар пойтахти мамлакат гурӯҳҳои ҷиноятпеша, ки мехостанд миёни сокинон тарсу ваҳшат афкананд, асосан дар қисмати шарқии Душанбе мавқеъ доштанд. Кормандони мақомоти корҳои дохилӣ, дар як саф бо кормандони дигар ниҳодҳои қудратӣ ва ҳифзи ҳуқуқ, новобаста аз мушкилоти мавҷуда, ба хотири осоиштагии имрӯзаи ҷомеа ҷонбозиҳо карда, ба муқобили ин дастаҳо мубориза мебурданд. Дар шуъбаҳои корҳои дохилии ноҳияҳои Душанбе то 70 нафар корманд фаъолият дошт, ки қисме аз онҳо корҳои техникиву ташкилиро иҷро мекарданд. Бо сабабҳои мушкилоти молиявӣ - иқтисодӣ кормандони милитсия маош намегирифтанд, аз ягон имтиёз бархӯрдор набуданд. 
Бо вуҷуди ҳамаи мушкилот, кормандони милитсия ба торумор шудани гурӯҳҳои мусаллаҳ, аз байн рафтани дастаҳои ҷиноятпеша, таъмини амнияту осоиштагӣ ягон лаҳза шубҳа надоштанд. Дарк мекардем, ки мақомоти ҳифзи ҳуқуқ дар мубориза ба муқобили ҷинояту ҷинояткорӣ ғолиб омада, суботи кишварро таъмин мекунанд, зеро бо чашми сар медидем, ки ҳар вақте корманди мақомоти ҳифзи ҳуқуқ бо либоси низомӣ дар кӯча пайдо мешуд, ҳатман рафтуомади одамон фаъол мегашт. Ва, агар ба саҳни бозор корманди милитсия бо либоси расмӣ мерасид, дар он ҷо хариду фурӯш авҷ мегирифт. Яъне, сокинон ба кормандони милитсия бо чашми умед нигоҳ мекарданд. Ҳамин буд, ки дар решакан кардани ҷиноятҳо ва аз байн бурдани ҷинояткорон одамони касбу кори гуногун ҷони худро дар хатар монда, ба мақомоти корҳои дохилӣ ёрии беғаразона мерасонданд.
Шартан фаъолияти мақомоти ҳифзи ҳуқуқро дар замони соҳибистиқлолии Ватан, ки 25 - солагии онро бо шукӯҳу шаҳомати хоса ҷашн гирифтем, метавон ба се давра ҷудо кард: солҳои 1992-1997, 1997-2002 ва солҳои то 2010. Агар дар давраи аввал кормандони милитсия ба хомӯш кардани ҷанги шаҳрвандӣ сафарбар шуда бошанд, дар давраи дуюм барои аз байн бурдани гурӯҳҳои муташаккили ҷиноятӣ хизмат карданд.
Ҳарчанд солҳои минбаъда нисбатан орому осуда буданд, вале баъзан дар ин ё он минтақаи мамлакат муқовиматҳои мусаллаҳонаи гурӯҳҳои ҷиноятпеша ба амал меомаданд. Воқеан ҳам ба чашми душманони миллату давлати тоҷик амну осоиштагӣ ва суботи ҷомеа мисли хор мерасид. Ин бадхоҳону душманон мисли ҳайвони захмхӯрда то ба охир кӯшиш мекарданд суботро аз байн баранд, фазои софи Тоҷикистонро бо бӯи тиру хун олуда созанд, ки намунаи ин гуна душманӣ ҳодисаҳои моҳи сентябри соли гузашта мебошад. Мутаассифона, дар ин набардҳо барои таъмини истиқлолият ва озодии Ватан садҳо ҷавонмардони ватандӯст ҷони худро аз даст доданд. Маҳз ҷоннисории ин фарзандони баору номуси Ватан буд, ки ҳоло мақомоти милитсия дар пайвастагӣ ва яксафӣ бо халқи Тоҷикистон дар роҳи ислоҳоти ҷиддӣ барои ташаккулу рушди минбаъда қарор доранд. 
Саид ҶУРАХОНЗОДА, 
собиқадори мақомоти 
корҳои дохилӣ, генерал - майори милитсия


Баёни ақида (0)    Санаи нашр: 10.11.2016    №: 223    Мутолиа карданд: 2088

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон


Дар сомонаҳои дигари Тоҷикистон хонед