logo

ҳуқуқ

ҲОМИЁН. МИЛИТСИЯИ ТОҶИК 25 - СОЛА ШУД

РАҲИМЗОДА Рамазон,
вазири корҳои дохилии Ҷумҳурии Тоҷикистон, 
генерал – лейтенанти милитсия
 
 
Вазорати корҳои дохилӣ аз бузургтарин мақомоти ҳифзи ҳуқуқи кишвар мебошад, ки ба зиммаи он доираи васеи вазифаҳо, аз таъмини тартиботи ҷамъиятӣ ва мубориза бо ҷинояткорӣ сар карда, то риояи қоидаҳои ҳаракат дар роҳ ва мубориза бар зидди сӯхтор вогузор карда шудааст 
Эмомалӣ РАҲМОН
 
Мақомоти корҳои дохилӣ дар даврони Истиқлолияти давлатӣ бо дастгирӣ ва ғамхории бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ  Раҳмон ба як ниҳоди муқтадир, боэътимод, кафили амнияти дохилии  кишвар ва фаъолтарин сохтори қудратии давлат табдил ёфт. 
Дар ин давра дар назди вазорат як қатор сохторҳои нав, назири Академияи Вазорати корҳои дохилӣ, раёсатҳои қӯшунҳои дохилӣ, мубориза бар зидди гардиши ғайриқонунии маводи мухаддир, ҷиноятҳои муташаккил, амнияти дохилӣ, ҳамкориҳои байналмилалӣ, Сарситоди ҳамоҳангсозии воҳидҳои таъйиноти махсус, воҳиди махсус оид ба таъмини бехатарӣ дар самтҳои ҳаракати Сарвари давлат ва меҳмонони олиқадр, Бюрои марказии миллии Интерпол, Маркази хадамоти кинологӣ, Хадамоти пешгирии ҳуқуқвайронкунӣ байни ноболиғон ва ҷавонон, Маркази низоми худкори идоракунӣ дар соҳаи нақлиёт «Шаҳри бехатар» таъсис дода шуданд. Бо таъсиси ин сохторҳо ва зиёд гардидани воҳидҳои корӣ мақомоти корҳои дохилӣ ба як сохтори пурқудрат табдил ёфта, масъулияти асосӣ, ҳифзи тартиботи ҷамъиятӣ, таъмини суботу оромӣ ва пешгирии ҷинояткориро метавонад пурра ва мустақилона иҷро намояд. 
Ҳайати шахсии вазорат дар барқарор кардани сохти конститутсионӣ, муборизаи беамон алайҳи душманон ва бадхоҳони миллат, гурӯҳҳои муташаккили мусаллаҳи ҷинояткор, террористиву экстремистӣ аз худ маҳорату малакаи баланди касбӣ нишон дод. Маҳз натиҷаи сиёсати оқилонаву хирадмандонаи Сарвари муаззами кишвар,  матонату устуворӣ, шуҷоату мардонагӣ ва дарки баланди масъулиятшиносии кормандони милитсия ва дигар сохторҳои қудратӣ буд, ки муноқишаҳои дохилӣ хотима ёфта, тинҷиву осудагӣ ва амнияти шаҳрвандон барқарор, сокинони  мамлакат дар фазои дӯстиву рафоқат ва суботу оромӣ ба сар мебаранд. 
Фармони Президенти Тоҷикистон «Дар бораи баланд бардоштани нақши нозирони минтақавии милитсия дар таъмини тартиботи ҷамъиятӣ ва тавсеаи ҳамкории онҳо бо аҳолӣ» таҳкимбахши ҳамкории кормандони ғайриштатӣ бо кормандони мақомоти корҳои дохилӣ гардид. Бо назардошти шароити имрӯза самтҳои асосии ҳамкориҳо ба танзим дароварда шуд ва ҷамъбасти фаъолияти Вазорати корҳои дохилӣ нишон дод, ки ҳоло зиёда аз 15 000  нафар кормандони ғайриштатӣ зимни ҳамкорӣ бо мақомот дар таъмини тартиботи ҷамъиятӣ ва амният фаъолона иштирок карда истодаанд. Омӯзиш ва таҳлили фаъолияти кормандони ғайриштатӣ бо нозирони минтақавӣ нишон дод, ки онҳо барои иштирок дар таъминоти тартиботи ҷамъиятӣ ҳавасманд мебошанд. Имрӯзҳо якҷо бо 955 нафар нозири минтақавии милитсия беш аз 4900 нафар корманди ғайриштатӣ дар таъмини амнияти мардум ва риояи тартиботи ҷамъиятӣ фаъолона саҳм мегиранд.
 
Бо иқдоми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ  Раҳмон ва Ҳукумати мамлакат дар мақомоти корҳои дохилӣ ислоҳоти милитсия оғоз гардид. Бо мақсади ҳамкории зич бо аҳолӣ ва таъмини шаффофият дар фаъолияти кормандони милитсия Стратегияи ислоҳоти милитсия барои солҳои 2013-2020 ва Барномаи ислоҳоти (рушди) милитсия барои солҳои 2014-2020  қабул гашт. Бо Қарори Ҳукумати Ҷумҳурии Тоҷикистон, аз 31 июли соли 2014 ва фармони вазири корҳои дохилӣ, аз 6 августи соли 2014, воҳиди штатии Ҳамоҳангсози миллӣ оид ба ислоҳоти милитсия дар Вазорати корҳои дохилӣ таъсис ёфт. Вазифаҳои асосии ин ниҳод аз амалӣ намудани Барномаи ислоҳоти милитсия, таҳия ва татбиқи лоиҳаҳои санадҳои меъёрии ҳуқуқие, ки дар самти ислоҳот пешбинӣ шудаанд, инчунин, роҳандозии ҳамкориҳои мутақобилаи субъектони ҳамиҷрочиёни барнома - вазорату идораҳои дахлдор, ҷомеаи шаҳрвандӣ ва аҳолӣ, дафтари Созмони амният ва ҳамкорӣ дар Аврупо, фаъолияти якҷояи онҳо дар ҳалли масъалаҳои ислоҳоти милитсия иборат мебошад.
Яке аз ҳадафҳои стратегии ислоҳот дар сатҳи қонун ва мутобиқ ба меъёрҳои байналмилалӣ ба танзим даровардани фаъолияти милитсия мебошад.  Дар ин росто, бо дастгирии роҳбарияти вазорат лоиҳаи Қонуни Ҷумҳурии Тоҷикистон «Дар бораи политсия» дар доираи гурӯҳи кории дохилиидоравӣ, шӯроҳои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия, ҷалби коршиносони байналмилалӣ ва миллӣ мавриди коркард ва такмили ҳамаҷониба қарор дода шуд. Ҷиҳати татбиқи Барномаи ислоҳоти (рушди) милитсия бо ҷалби намояндагони ташкилотҳои давлатӣ ва ҷамъиятӣ, инчунин фаъолони ҷомеа Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилӣ ва раёсатҳои минтақавии он дар ВМКБ, Суғд, Хатлон, шаҳрҳои Кӯлоб, Қӯрғонтеппа, Душанбе, ноҳия ва минтақаи Рашт таъсис дода шуданд. Дар ин давра як қатор санадҳои меъёрии ҳуқуқӣ, аз қабили лоиҳаҳои Қонуни Ҷумҳурии Тоҷикистон «Дар бораи политсия», Низомномаи Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия, Кодекси одоби кормандони политсия ва Низомномаи Шӯрои ҷамъиятӣ оид ба мусоидати ҷомеаи шаҳрвандӣ дар таъмини тартиботи ҷамъиятӣ таҳия ва коркард гардида, барои баррасии ҷомеа дар сомонаи вазорат ҷойгир карда шуданд.
Ҳадафи дигар ва асосии ислоҳоти милитсия, ин такмили қонунгузории ҷумҳурӣ дар самти танзимкунандаи фаъолияти милитсия арзёбӣ гардидааст. Дар ин радиф, ҷиҳати таҳияи лоиҳаи Қонуни Ҷумҳурии Тоҷикистон «Дар бораи низоми бақайдгирии электронии ҷиноят ва ҳуқуқвайронкуниҳо» бо фармони вазири корҳои дохилӣ гурӯҳи кории байниидоравӣ таъсис дода шуд, ки айни замон самаранок фаъолият намуда истодааст. 
Бо мақсади решакан кардани ҷиноят ва роҳ надодан ба амалу кирдорҳои вазнини ҷинояткорона аз ҷониби кормандони Раёсати мубориза бар зидди ҷиноятҳои муташаккил  даҳҳо гурӯҳи ҷиноятӣ, аз ҷумла гурӯҳҳои ғайриқонунии мусаллаҳи Саидмухтор Ёров, Раҳмон Сангинов ва Мансур Муаккалов (ноҳияи Рӯдакӣ), Иброҳимов Ёрибек бо тахаллуси «Шайх» (ноҳияи Тоҷикобод), гурӯҳҳои иттиҳоди ҷиноятии Ҳаракати исломии Ӯзбекистон, пешвоён ва аъзои ҷараёни экстремистии «Ҳизб-ут-Таҳрир», «Шамшери ислом», «Ансоруллоҳ», узви қувваҳои зиддиконститутсионии полковники исёнгар Маҳмуд Худойбердиев, Абдуҳалим, ки ҷинояти вазнин ва махсусан вазнин содир намудаанд, ошкор ва безарар гардонда шуданд.   
Бо назардошти торафт мураккаб гардидани вазъи ҷаҳони муосир, густариш пайдо кардани зуҳуроти ниҳоят хатарноки асри нав - терроризму экстремизм фаъолияти оперативӣ - хизматии раёсат ба куллӣ тағйир ёфта, вазифаҳои асосӣ ба муқовимат бар зидди ин мушкилоти глобалии ҷомеа равона шудааст. Бо мақсади мубориза бар зидди экстремизм ва терроризм, дар сохтори Раёсати мубориза бар зидди ҷиноятҳои муташаккил Маркази муқобилиятсозӣ бар зидди экстремизм таъсис дода шуд. Ин раёсат дар сохтори Вазорати корҳои дохилӣ яке аз субъектҳои асосии мубориза бар зидди терроризм ва экстремизм ба ҳисоб рафта, ҳамчун ҳамоҳангсоз фаъолияти мақомоти корҳои дохилиро  дар самти мубориза бар зидди ҷиноятҳои хусусияти террористӣ ва экстремистидошта, инчунин пешгирии ҷалб ва гаравидани шаҳрвандони ҷумҳурӣ ба воҳидҳои мусаллаҳ барои иштирок дар задухӯрдҳои мусаллаҳонаи давлатҳои хориҷӣ, таҳти назорат ва таҳлили доимӣ қарор додааст. 
Милитсияи тоҷик дар тӯли таърихи фаъолият, баҳри таъмини ҳифзи тартиботи ҷамъиятӣ, мубориза бо ҷинояткорӣ, безарар гардондани дастаҳои муташаккили ҷиноятӣ ва  гурӯҳҳои террористӣ-экстремистӣ, инчунин бетартибиҳои оммавӣ аз имтиҳони сахти рӯзгор сарбаландона гузашта, ба як сохтори пурқудрату боэътимод ва кафили осоиштагии давлату миллат табдил ёфтааст. Афзудани эътимоду боварии мардум ба кормандони мақомоти корҳои дохилӣ аз он шаҳодат медиҳад, ки шаҳрвандон дар симои кормандони милитсия ҳимоятгари ҳуқуқу озодӣ, моликият ва суботу оромиро дар ҷомеа дида, ҳамкории худро бештару беҳтар менамоянд.
Дастгириву ғамхориҳои пайвастаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати беҳтар намудани шароити хизматрасонӣ ва дастгирии моддиву маънавии ҳайати шахсӣ ҳар як фарди бонангу номус ва содиқ ба ин Ватанро водор месозад, ки дар иҷрои вазифаҳои хизматии хеш боз ҳам ҷиддитару бомасъулият рафтору муносибат намояд.


Баёни ақида (0)    Санаи нашр: 10.11.2016    №: 223    Мутолиа карданд: 2301

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй


Дар сомонаҳои дигари Тоҷикистон хонед