logo

ҳуқуқ

МОЛУ МАҲСУЛОТИ ҚОЧОҚӢ АФЗОИШИ ҶАРИМА ВА МУСОДИРАИ ОН ҲУКМИ ҚОНУНӢ ГИРИФТ

Хадамоти гумруки назди Ҳукумати Ҷумҳурии Тоҷикистон ба манзури ҷилавгирӣ аз қочоқи молу маҳсулоти воридотӣ тарҳи қонун «Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон» - ро таҳия ва барои тасдиқ ба порлумони кишвар ирсол намуд.
 
Лоиҳаи қонуни мазкур, ки бо вазоратҳои адлия, рушди иқтисод ва савдо, молия, Агентии назорати давлатии молиявӣ ва мубориза бо коррупсия, Прокуратураи генералӣ мувофиқа шудааст, рӯзи 10 ноябр дар ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон даъвати панҷум аз ҷониби вакилон баррасӣ ва қабул гардид.  
Абдуфаттоҳи Ғоиб, раиси Хадамоти гумруки назди Ҳукумати Ҷумҳурии Тоҷикистон, зимни тавзеҳи лоиҳа  гуфт, ки ҳадаф аз ин иқдом пешгирии қочоқи молу маҳсулот, таҳким бахшидан ба рақобати солим дар бозор, баланд намудани иқтидори истеҳсолоти ватанӣ, пешгирии муфлисшавии истеҳсолкунандагони ватанӣ, мувофиқ намудани ҷазо ба ҳуқуқвайронкуниҳои маъмурӣ дар соҳаи фаъолияти гумрук, инчунин зиёд намудани воридоти маблағҳо ба буҷети давлатӣ аз ҳисоби ҷаримаҳо ба ҳисоб меравад. 
Бар асоси ин тағйирот минбаъд ҷаримаҳо барои воридоти маҳсулоти қочоқӣ аз нисф то 2 баробар афзоиш хоҳад ёфт, ки то кунун ҳаҷми ҷарима аз нисф то 1 карати арзиши молро ташкил медод. Ба бовари Абдуфаттоҳи Ғоиб ин тасмим такрори ҳуқуқвайронкунии маъмурӣ дар соҳаи фаъолияти гумрукиро пешгирӣ намуда, ҳамзамон дар татбиқи ҷазои сазовор мусоидат менамояд. Ҳамчунин, лоиҳаи қонун мусодираи молу воситаҳои нақлиёти махсус муҷаҳҳазшуда, ки ашё ё олоти ҳуқуқвайронкунии маъмурӣ мебошанд, пешбинӣ менамояд.
Танзими қонунии мусодираи молу воситаҳои нақлиёти махсус муҷаҳҳазшуда дар ҳоле ба миён омад, ки ба гуфтаи раиси Хадамоти гумрук, дар аксар маврид қарорҳои судӣ оид ба парвандаҳои ҳуқуқвайронкунии маъмурӣ пеши роҳи қочоқи молу маҳсулотро нагирифта, баръакс дар баъзе мавридҳо ба ҳолатҳои қочоқ тобиши қонунӣ дода мешавад. «Молу маҳсулоти ҳабсшуда баъд аз супурдани пардохтҳои гумрукӣ ба қочоқчиён бозпас гардонда мешаванд. Барои мисол, аз тарафи мақомоти гумруки вилояти Суғд соли ҷорӣ 210 ҳолати қочоқи молу маҳсулот ба маблағи зиёда аз 303 миллион сомонӣ ошкор шудааст. Аз тамоми парвандаҳои баррасинамуда, судҳо танҳо дар 13 ҳолат ба маблағи зиёда аз 29 ҳазор сомонӣ дар баробари таъйини ҷарима молу маҳсулоти ба таври қочоқ воридшударо мусодира намуданду халос. Дар дигар мавридҳо баъди ба расмияти гумрукӣ даровардан молу маҳсулот бо қарорҳои судӣ ба қочоқчиён бозпас гардонда шудааст». 
Зимни шарҳи лоиҳаи қонуни мавриди назар иттилоъ дода шуд, ки танҳо дар давоми як моҳ аз ҷониби гурӯҳи вижаи кории кормандони мақомоти прокуратура ва гумрук 201 ҳолати қочоқи молу воситаҳои нақлиёт ба маблағи умумии зиёда аз 4 миллиону 330 ҳазор сомонӣ ошкор шудааст. Дар ин робита, нисбат ба 175 нафар шахси воқеӣ парвандаҳои ҳуқуқвайронкунии маъмурӣ ва 5 парвандаи ҷиноятӣ бо аломатҳои ҷиноятии дар моддаи 289 - и Кодекси ҷиноятии Ҷумҳурии Тоҷикистон пешбинишуда оғоз гардидааст. 
- Ин амал аз он шаҳодат медиҳад, ки ҳуқуқвайронкуниҳои маъмурӣ дар соҳаи гумрук аз ҷониби шахсони воқеӣ афзоиш ёфта, вазъи бавуҷудомада ба буҷети ҷумҳурӣ зарари калон мерасонад. Маҳз ҳамин гуна ҳолатҳо мақомоти гумрукро водор сохт, ки ба бархе аз моддаҳои Кодекси ҳуқуқвайронкунии маъмурӣ тағйиру иловаҳо таҳия ва пешниҳод намояд, - изҳор дошт Абдуфаттоҳи Ғоиб, раиси Хадамоти гумруки назди Ҳукумати Ҷумҳурии Тоҷикистон.
Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 11.11.2016    №: 224    Мутолиа карданд: 2379

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед