logo

сиёсат

«АРБОБ» ВА ХИЗМАТИ ЯК РӮЗНОМА

16 ноябри соли 1992 шаҳри Хуҷанд, бахусус атрофи Қасри «Арбоб» манзарае дошт бо ҳавои тирамоҳӣ, тираву намнок ва сард. Одамон дар кӯчаҳо муҳофизони тартиботу сарбозони мусаллаҳро дида, ба гирдоби ваҳму воҳима, тарсу ҳарос ғӯтавар мешуданд. Бузургсолон дасти дуо бардошта мегуфтанд, ки Ватани моро аз шикасту порашавӣ Худованд дар паноҳи исматаш нигоҳ дорад. 
 
Дар бораи оғозу анҷом ва баҳсҳои дохили Қасри «Арбоб» бо самти Иҷлосияи пурумед ман чизе намегӯям. Фақат гуфтаниам, ки дар қатори тамоми мардуми шарифи Тоҷикистон журналистони рӯзномаи вилоятии «Ҳақиқати Ленинобод» (ҳоло «Ҳақиқати Суғд») дар инъикоси воқеъбинонаи рӯзҳои баргузории иҷлосия бо масъулияти касбӣ, тафаккури солим хизмати бемисл карданд. 
Дар солҳои 1989 - 1994 дар вазифаи сармуҳаррири рӯзномаи вилоятии «Ҳақиқати Ленинобод» адои хизмат менамудам. Хуб дар ёд дорам, ки дар рӯзҳои баргузории Иҷлосияи ХVI Шӯрои Олии Ҷумҳурии Тоҷикистон ҳайати таҳририя бо маслиҳату машварат дар маҷлиси корӣ аз ҳисоби журналистон ва бо фармони сармуҳаррир «Мухбирони парлумонӣ» таъсис дод. Ба ин ҳайат журналистони рӯзнома Ҳадиятилло Тӯйчизода, Ғафур Нарзулло, Мазбути Воҳид, Исроили Рабизод, Шарифи Муҳаммадҷон, Ҳасани Порсо, Ғайрат Ҳаким, Ҳасан Шариф шомил буданд. Рӯзномаи мо он вақт ҳафтае се маротиба нашр мешуд. Мухбирони парлумонии мо дар ҳар шумора аз Қасри «Арбоб»  маводи оҷилӣ омода менамуданд ва навиштаҳои онҳо ҳамон замон дар саҳифаҳои якуму дуюми рӯзнома ҷой мегирифтанд. 
Рӯзнома тасмим гирифта буд, ки дар болои шиносномааш чунин гуфтор дар он рӯзҳо сабт ёфта бошад: «Сессияи ХVI Шӯрои Олии Ҷумҳурии Тоҷикистон: рӯзи аввал»… ва ҳамин тавр рӯзи дуюм, рӯзи сеюм… ва ниҳоят то рӯзи анҷоми сессия идома ёфт. Ин нишоне буд аз Иҷлосияи тақдирсози шонздаҳуми Шӯрои Олии Ҷумҳурии Тоҷикистон ва пайғому умеде буд барои мардумон.
Дар саҳифаи аввали шумораи 19 ноябри соли 1992 - и рӯзнома маводе чоп гардид, ки «Арбоб бо ҷаҳон гап мезанад» ном дошт. Зикр мешуд: «Бо мақсади инъикоси рафти Иҷлосияи Шӯрои Олии Ҷумҳурии Тоҷикистон, ки дар Қасри маданияти Арбоб, колхози ба номи Ӯрунхоҷаеви ноҳияи Хуҷанд сурат мегирад, аз бисёр оҷонсӣ, рӯзномаҳо, садою симо журналистон омадаанд». Мақолаи мухбири рӯзнома Ғафур Нарзулло «Раҳобахши Тоҷикистон кист?» ва ё баргузидагони мардумӣ роҳи наҷот меҷӯянд», дар шумораи 20 ноябри соли 1992 дарҷ шуда буд, албатта, бо сурати вакилони мардумӣ.
Ва дар шумораи 28 ноябри соли 1992 бо ҳарфҳои калон чунин навишта гардида буд: «Иҷлосияи таърихӣ дар шаҳри Хуҷанд вазифаи асосиашро иҷро кард. Бигзор, дар Тоҷикистони мустақил сулҳу ризоияти миллӣ пойдор бимонад!».
Саҳифаҳои рӯзномаро  варақгардон мекунам. Дар болои шиносномаи рӯзнома, аз 5 декабри соли 1992, чунин навишта шуда буд: «Сессияи Шӯрои Олии Ҷумҳурии Тоҷикистон анҷом ёфт». 
Дар лаҳзаҳои хотирмону таърихӣ - рӯзи оши оштӣ ҳам, ки аз анҷомёбии муваффақонаи Иҷлосияи ХVI Шӯрои Олии Ҷумҳурии Тоҷикистон ва дастёб гардидан ба сулҳу салоҳ мужда  расонд, хабарнигорони рӯзномаи мо хизмати шоистаи эҷодӣ ва касбӣ карданд. 
Солҳо гузаштанд. Ҳоло қарорҳои Иҷлосия, амалҳои бунёдкорӣ ва созандагие, ки бо роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оғоз карда шудаанд, муттасил ба иҷро расида, баҳри зиндагии хушу гуворои мардуми кишвар ҳама чиз фароҳам оварда шудааст. Кунун ёди айёми муноқишаҳои бемаънии шаҳрвандӣ, силоҳбадастиву роҳгумии мардум чун хоби парешон аз миён рафтааст. 
Файзулло АТОХОҶАЕВ, 
собиқадори матбуот 


Баёни ақида (0)    Санаи нашр: 16.11.2016    №: 226    Мутолиа карданд: 1374

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед