logo

қонунҳои ҶТ

ҚОНУНИ ҶУМҲУРИИ ТОҶИКИСТОН ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ ОИЛАИ ҶУМҲУРИИ ТОҶИКИСТОН

Моддаи 1. Ба Кодекси оилаи Ҷумҳурии Тоҷикистон аз 13 ноябри соли 1998 (Ахбори Маҷлиси Олии Ҷумҳурии Тоҷикистон, с. 1998, №22, мод. 303; с. 2006,  №4, мод. 196;  с. 2008, №3, мод. 201; с. 2010, №7, мод. 546; с. 2011, №3, мод. 177, №12, мод. 855; с. 2013, №3, мод. 195;  с. 2015, №11, мод. 960; с. 2016, №3, мод.143) тағйиру иловаҳои зерин ворид карда шаванд: 
1. Ба қисми 5 моддаи 1 пас аз калимаи «динӣ» калимаҳои «, инчунин таҳсил ва молумулк» илова карда шаванд.
2. Аз матни моддаи 3 калимаи (Сарқонуни) хориҷ карда шавад.
3. Дар ном ва матни моддаи 5 калимаҳои «Шабоҳати» ва «шабоҳати» ба калимаҳои «Қиёси» ва «қиёси» иваз карда шаванд.
4. Ба қисми 1 моддаи 8 пас аз калимаи «давлатӣ» калимаҳои «, инчунин дар ҳолатҳои пешбининамудаи қонунгузории Ҷумҳурии Тоҷикистон аз ҷониби мақомоти худидоракунии шаҳрак ва деҳот» илова карда шаванд.
5. Ба номи боби 3 пас аз калимаи «ТАРТИБИ» калимаи «БАСТАНИ» илова карда шавад.
6. Ба номи моддаи 11 пас аз калимаи «Тартиби» калимаи «бастани» илова карда шавад.
7. Дар моддаи 14:
- ба номи модда пас аз калимаи «монеаи» калимаи «бастани» илова карда шавад;
- сархати даҳум дар таҳрири зерин ифода карда шавад:
«- байни шахсоне, ки суд қобилияти амали яке аз онҳоро бо сабаби суиистеъмол намудан аз машруботи спиртӣ, воситаҳои нашъадор, моддаҳои психотропӣ ва прекурсорҳо ё дигар моддаҳои мадҳушкунанда маҳдуд намудааст.».
8. Дар қисми 2 моддаи 15 калимаи «танзими» ба калимаи «банақшагирии» иваз карда шавад.
9. Дар моддаи 17:
- матни модда қисми 1 ҳисобида шавад;
- ба модда қисми 2 бо мазмуни зерин илова карда шавад:
«2. Маҳдудияти дар қисми 1 моддаи мазкур пешбинигардида нисбат ба шавҳар татбиқ намегардад, агар дар мӯҳлати зикршуда зан аз тарбияи фарзанд даст кашида, шавҳар бевосита ба тарбияи фарзанд машғул бошад, ё зан ташаббускори бекор кардани ақди никоҳ бошад.».
10. Моддаи 23 дар таҳрири зерин ифода карда шавад:
«Моддаи 23. Бо тартиби судӣ бекор кардани ақди никоҳ ҳангоми розигии зану шавҳар
1. Агар зану шавҳар барои бекор кардани ақди никоҳ розӣ бошанд, суд ҳуқуқ дорад ақди никоҳро бекор намояд. Дар ин ҳолат ақди никоҳ дар давоми як моҳи баъди ариза додани зану шавҳар бекор карда мешавад.
2. Ба зану шавҳари дорои фарзандони ноболиғ, новобаста ба розигии муштараки онҳо барои бекор кардани ақди никоҳ, суд барои оштӣ додани онҳо тадбирҳо меандешад ва ҳуқуқ дорад, ки баррасии парвандаро мавқуф гузошта, ба зану шавҳар барои оштишавӣ то шаш моҳ мӯҳлат диҳад.».
11. Қисми 4 моддаи 28 дар таҳрири зерин ифода карда шавад:
«4. Ақди никоҳи хилофи талаботи қисми 1 моддаи мазкур баста шуда   аз лаҳзаи баста шуданаш беэътибор аст.».
12. Дар қисми 1 моддаи 29 сархатҳо бо аломати дефис «-» ишора карда шаванд.
13. Дар қисми 2 моддаи 31 калимаи «Шартномаи» ба калимаи «Аҳдномаи» иваз карда шавад.
14. Дар моддаи 32:
- ба қисми 1 пас аз калимаҳои «дар интихоби шуғл,» калимаи «таҳсилот,» илова карда шавад;
- дар қисми 2 калимаҳои «тарбияи фарзанд, маълумотноккунӣ» ба калимаҳои «таълиму тарбияи фарзандон» иваз карда шаванд.
15. Ба қисми 1 моддаи 33  пас аз калимаи «ҳангоми» калимаи «бастани» илова карда шавад.
16. Дар қисми 2 моддаи 34 калимаи «чизҳои» ба калимаи «ашёҳои» иваз карда шавад.
17. Дар моддаи 39:
- дар қисми 1 калимаҳои «аҳдномаи байни онҳо» ба калимаҳои «аҳдномаи никоҳ» иваз карда шаванд;
- ба қисми 2 пас аз калимаҳои «фарзандони ноболиғ» калимаҳои «,инчунин фарзандони болиғи корношоями эҳтиёҷманд» илова карда шаванд.
18. Дар қисми 1 моддаи 44 калимаи «муоҳидаҳо» ба калимаи «аҳдҳо» иваз карда шавад.
19. Дар ном ва матни моддаи 45 калимаҳои «Аҳдномаҳои», «аҳдномаи», «аҳдномаҳои» ва «аҳдномаҳо» мувофиқан ба калимаҳои «Шартномаҳои», «шартномаи»,  «шартномаҳои» ва «шартномаҳо»  иваз карда шаванд.
20. Қисми 3 моддаи 46 дар таҳрири зерин ифода карда шавад:
«3. Агар бо ҳукми суд муқаррар гардад, ки молу мулки умумии зану шавҳар аз ҳисоби маблағи бо роҳи ҷиноят бадастовардаи зан ё шавҳар харида шудааст ё афзун гардидааст, маблағ мувофиқан аз молу мулки умумии зану шавҳар ё як қисми он ситонида мешавад.».
21. Моддаи 47 дар таҳрири зерин ифода карда шавад:
«Моддаи 47.  Кафолати ҳуқуқи кредиторон ҳангоми бастан, тағйир додан ва бекор кардани аҳдномаи никоҳ
1. Ҳамсар ӯҳдадор аст, ки кредитори (кредиторони) худро дар хусуси бастан, тағйир додан ё бекор кардани аҳдномаи никоҳ огоҳ созад. Дар сурати иҷро накардани ин ӯҳдадорӣ, ҳамсар аз рӯи ӯҳдадориҳои худ, новобаста ба мӯҳтавои аҳдномаи никоҳ, масъул мебошад. 
2. Кредитори (кредиторони) ҳамсари қарздор ҳуқуқ дорад бинобар моҳиятан тағйир ёфтани вазъият бо тартиби муқаррарнамудаи Кодекси граждании Ҷумҳурии Тоҷикистон тағйир додани шартҳо ё бекор кардани аҳдномаи никоҳи байни ҳамсарон басташударо талаб намояд.».
22. Дар қисми 3 моддаи 57 ва қисми 2 моддаи 79 калимаи «милиция» ба калимаҳои «корҳои дохилӣ» иваз карда шавад.
23. Дар моддаи 571 қисмҳо бо рақамҳои арабӣ рақамгузорӣ шуда, қисми дуюм дар таҳрири зерин ифода карда шавад:
«2. Муассисаҳои таълимии томактабӣ ва муассисаҳои таълимии таҳсилоти умумӣ, мақомоти давлатӣ, мақомоти худидоракунии шаҳрак ва деҳот, иттиҳодияҳои ҷамъиятӣ ва падару модар бояд барои озодона изҳор намудани фикри кӯдак дар ҷомеа ва оила шароит фароҳам оваранд.». 
24. Ба моддаи 63 қисми 3 бо мазмуни зерин илова карда шавад:
«3. Падару модар дар таълиму тарбияи фарзандони худ дорои дигар ҳуқуқу ӯҳдадорӣ ва масъулияте мебошанд, ки Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва дигар санадҳои меъёрии ҳуқуқии Ҷумҳурии Тоҷикистон муқаррар намудаанд.».
25. Ҷумлаи дуюми қисми 1 моддаи 64 дар таҳрири зерин ифода карда шавад:
«Падару модар намояндагони қонунии фарзандони худ буда, ҳуқуқу манфиатҳои онҳоро дар муносибат бо мақомоти давлатӣ, судӣ, мақомоти худидоракунии шаҳрак ва деҳот, инчунин шахсони воқеӣ ва ҳуқуқӣ, бе ваколатҳои махсус ҳимоя менамоянд.».
26. Дар сархати якуми моддаи 93 калимаҳои «суиистеъмоли нӯшокиҳои спиртӣ, маводи нашъадор» ба калимаҳои «суиистеъмол намудан аз машруботи спиртӣ, воситаҳои нашъадор, моддаҳои психотропӣ ва прекурсорҳо ё дигар моддаҳои мадҳушкунанда» иваз карда шаванд.
27. Дар сархати сеюми қисми 2 моддаи 121 калимаҳои «маълумоти миёна ё олӣ» ба калимаҳои «таҳсилоти миёна ё олии касбӣ» иваз карда шаванд.
28. Дар қисми 2 моддаи 122 калимаҳои «ва Кодекси граждании Ҷумҳурии Тоҷикистон» ба калимаҳои «, Кодекси граждании Ҷумҳурии Тоҷикистон, Қонуни Ҷумҳурии Тоҷикистон «Дар бораи ҳифзи ҳуқуқҳои кӯдак» ва дигар санадҳои меъёрии ҳуқуқии Ҷумҳурии Тоҷикистон» иваз карда шаванд.
29. Дар қисми 1 моддаи 123 калимаи «маълумоти» ба калимаҳои «таълимии таҳсилоти» иваз карда шавад.
30. Ба қисми 1 моддаи 124 пас аз калимаҳои «чунин имконият» калимаҳои «тибқи шартнома барои тарбия ба оилаҳои (мураббии) парастор дода шаванд ё» илова карда шаванд.
31. Дар қисми 1 моддаи 155 калимаи «маълумоти» ба калимаи «таҳсилоти» иваз карда шавад. 
Моддаи 2. Қонуни мазкур пас аз интишори расмӣ мавриди амал қарор дода шавад.
 
Президенти Ҷумҳурии Тоҷикистон                    Эмомалӣ РАҲМОН 
ш. Душанбе, 14 ноябри соли 2016, № 1365

ҚАРОРИ МАҶЛИСИ НАМОЯНДАГОНИ 
МАҶЛИСИ ОЛИИ ҶУМҲУРИИ ТОҶИКИСТОН
Оид ба қабул кардани Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси оилаи Ҷумҳурии Тоҷикистон»
 
Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси оилаи Ҷумҳурии Тоҷикистон» қабул карда шавад.
 
Раиси Маҷлиси намояндагони
Маҷлиси Олии Ҷумҳурии Тоҷикистон                                    Ш. ЗУҲУРОВ
ш. Душанбе, 12 октябри соли 2016, № 558
 
ҚАРОРИ МАҶЛИСИ МИЛЛИИ 
МАҶЛИСИ ОЛИИ ҶУМҲУРИИ ТОҶИКИСТОН
Оид ба Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси оилаи  Ҷумҳурии Тоҷикистон»
 
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси оилаи  Ҷумҳурии Тоҷикистон»-ро баррасӣ намуда, қарор мекунад: 
Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси оилаи Ҷумҳурии Тоҷикистон» ҷонибдорӣ карда шавад.

Раиси Маҷлиси миллии
Маҷлиси Олии Ҷумҳурии Тоҷикистон                                           М. УБАЙДУЛЛОЕВ 
ш. Душанбе, 8 ноябри соли 2016,  № 299


Баёни ақида (0)    Санаи нашр: 17.11.2016    №: 227-228    Мутолиа карданд: 5879

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед