logo

иҷтимоиёт

ВАФО

Ӯро солҳост, ки ҳар субҳ, байни истгоҳҳои “Гулистон” – у Сирк мебинам. Аввал танҳо медидам, баъд бо ҳамкорон, сипас бо завҷааш, баъдтар бо духтараш. Кошонааш ба ҷойи кораш -  нашриёти “Шарқи озод” наздик аст, аз ин рӯ, пиёда меояду меравад, новобаста ба гармои тобистону сардиҳои зимистон. 
 
Вай шахси табиатан ором, хушфеъл, камсухан, агар аз дур ба чеҳрааш назар афканед, гумон медоред, ки пайваста дар ҳалли кадом як муаммои сарпечида дар андеша аст. Ман ӯро гоҳо дар ин роҳи серодам ҳамроҳӣ мекунам ва медонам, ки дар дилаш чӣ гап аст: пайваста ғами кору кормандонашро мехӯрад, дар сари хушсифат нашр шудани китобу рӯзномаҳо, маҷаллаву дигар асноди чопӣ, дарёфти қисмҳои эҳтиётӣ барои дастгоҳҳо меандешад. Вақте ки бинои бисёрошёнаи нашриёт дар соҳили дарёи Душанбе фаъол гашт, Вафобек Гулбердиев аз кормандони нахустини он шуд. Зиёда аз 35 сол аст, ки рӯзномаву маҷаллаву китобу дафтар нашр менамояд. Вай баъди хатми мактаби миёнаи деҳаи Деҳбастаи ноҳияи Шуғнон ба Алмаато рафт, то ки мутахассиси соҳаи табъу нашр шавад. Чаро ин ихтисосро пеш гирифт, худаш ҳам он солҳо намедонист. Таваккал кард, соҳа барояш наву аҷиб тофт: охир рӯзнома баровардан ва ҳар субҳ онро дар дасти ҳазорон муштариён дидан магар хушбахтӣ нест? “Шарқи озод” дар замони шӯравӣ аз калонтарин муассисаҳои табъу нашр ба ҳисоб мерафт. Кормандони зиёде дошт. Ҳар шаб то 500 ҳазор нусха рӯзно-маҳои “Тоҷикистони советӣ” (ҳоло “Ҷумҳурият”), “Коммунист Таджикистана” (“Народ-ная газета”), “Совет Тожикистони” (“Халқ овозӣ”), “Ҷавонони Тоҷикистон” ва ғайраҳоро ба нашр мерасонд. Вақте ки кишвари абарқудрати шӯравӣ барҳам хӯрду чопи рӯзномаву маҷаллаҳо низ кам шуд, бисёр кормандони нашриёт тарки кор кар-данд. Вале Вафобек, ки ба касбаш бовафо буд, нарафт. Бо чанд нафар фидоии касб ба ҷои рӯзнома дафтар мебаровард ва роҳбарон бо маблағи он музди кормандонро мепардохтанд. Ҳавои зимистон дар матбаа нисбат ба берун хунуктар мешавад, зеро деворҳои бетонии таҳхонаҳо нам кашида, аз худ сардии зиёд хориҷ месозанд ва ҳар кас наметавонист дар ин гуна шароит тоб орад. Аммо Вафобеку ҳамкоронаш солҳои 1991 - 1995 тавонистанд ҳафтае як – ду маротиба ва гоҳо се бор рӯзномаҳои “Ҷумҳурият”, “Садои мардум”, “Народная газета” ва ғайраро ба муштариён пешниҳод созанд. Коғаз намерасид, ранг низ, дастгоҳҳо фарсуда шуда буданду зуд – зуд аз кор мемонданд, Вафобек бо аъзои бригадааш то субҳ даст ба таъмир мезад ва вақте ки дастгоҳ ба ҳаракат меомад, дар чеҳрааш табассум гул мепартофт. Дар нашриёт сехи аз ҳама асосӣ сехи чопи рӯзномаҳост. Вафобек солҳои 1992 - 2014 роҳбарии онро ба зимма дошт. Ман борҳо шоҳиди он будам, ки дар солҳои душвор чанд амалиётро худ анҷом медод: плёнкаҳоро монтаж мекард, акси онро ба пластина мегузаронд, пла-стинаро ба дастгоҳи чоп мебаст ва ғайра. Ҳоло  сардори чопи офсет аст. Китобу маҷаллаҳои ранга мебарорад. Имрӯз дар шаҳри Душанбе бештар аз 20 рӯзнома ба дасти хонанда мерасад, ки аксар дар “Шарқи озод” нашр мешаванд ва дар чопи бо-сифати онҳо саҳми Вафобеку ҳамкоронаш Қаҳҳор Санаев, Искандар Ёров, Ношак Наврӯзов, Мирзо Ҳасанов ва дигарон назаррасанд. Бигзор ҳар субҳи зиндагиаш му-дом чун китобу маҷаллаву рӯзномаҳои баровардааш рангобарангу пурмазмун бошад.  
Қурбон МАДАЛИЕВ, “Ҷумҳурият”


Баёни ақида (0)    Санаи нашр: 17.11.2016    №: 227-228    Мутолиа карданд: 1549

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед