logo

иҷтимоиёт

ИҚТИДОРИ САЙЁҲИИ ТОҶИКИСТОН: ГУМОНҲО ВА ВОҚЕИЯТ

Дар бораи имконоти сайёҳии Тоҷикистон зиёд мегӯянд. Дар ин ҳол бисёриҳо беамалӣ вобаста ба туризмро маломат мекунанд. Гӯё агар бетафовутӣ дар ин соҳа намешуд, маблағи зиёд ба даст меомад. Иқтидор ва мушкилоти воқеии соҳаи сайёҳии Тоҷикистонро хабарнигори рӯзнома аз Ризо Назарзода, муовини раиси Кумитаи ҷавонон, варзиш ва сайёҳӣ, пурсон шуд.
 
- Раванди татбиқи сиёсати давлатии соҳаи сайёҳӣ дар кишвар чӣ гуна ба роҳ монда шудааст?
- Таҳлилҳои мутахассисони соҳа нишон медиҳад, ки солҳои 2018-2019 соҳаи сайёҳии ҷумҳурӣ ба марҳилаи сифатан нав ворид мешавад. 
Таҷрибаи ҷаҳонӣ нишон медиҳад, ки барои ҷалби сайёҳони хориҷӣ ба кишвар, пеш аз ҳама, фазои ҳуқуқии воридот ва будубоши онҳо нақши муҳим мебозанд. Ба ин хотир, Консепсияи рушди туризм дар Ҷумҳурии Тоҷикистон барои солҳои 2009 - 2019, ки ба инкишофи сайёҳӣ ва истифодаи самарабахши захираҳои мавҷуда мусоидат хоҳад кард, қабул гардид. Бо мақсади татбиқи вазифаҳои миёнамуҳлати консепсия, Барномаи давлатии рушди туризм дар Ҷумҳурии Тоҷикистон барои солҳои 2010 - 2014, Барномаи рушди туризм дар Ҷумҳурии Тоҷикистон дар давраи солҳои 2015-2017 тасдиқ гардидаанд.
Дар самти такмили заминаҳои меъёрӣ - ҳуқуқии соҳа низ ба муваффақиятҳо ноил шудем. Яке аз инҳо қабули Қарори Ҳукумати Ҷумҳурии Тоҷикистон, аз 5 сентябри соли 2015, дар бораи таъсиси Шӯрои байниидоравӣ оид ба ҳамоҳангсозӣ дар соҳаи туризм мебошад. Шӯро ҳамкориҳои мақомоти иҷроияи ҳокимияти давлатӣ, созмонҳои ҷамъиятӣ, корхонаҳо ва шахсони алоҳидаи соҳа, меҳмонхонаҳо, савдо, хӯроки умумӣ ва ташкилотҳои ба пешниҳоди мол ва хизматрасонии туристӣ машғулбударо таҳким мебахшад.
- Кишварҳои ҳамсоя, инчунин мамолики аз ҷиҳати сайёҳӣ пешрафта, рекламаи мавзеъҳои туристии худро тавассути шабакаҳои National Geographic ва Euronews ба роҳ мондаанд. Мо чӣ  тавр сайёҳии Тоҷикистонро дар хориҷ тарғиб менамоем?
- Барои ҷалби мунтазами гурӯҳҳои туристони нав ба кишвар муаррифии захираҳои ғании сайёҳӣ дар бозори ҷаҳонии соҳавӣ аҳамияти калон дорад. Аз соли 2008 инҷониб масъулон бо дастгирии Ҳукумати ҷумҳурӣ ва шарикони байналмилалӣ дар намоишгоҳҳои калонтарини ҷаҳонӣ дар шаҳрҳои Берлин (Олмон), Токио (Ҷопон) ва Лондон (Британияи Кабир) иштирок кардаанд. Маводҳои тарғиботию иттилоотӣ оид ба имконоти сайёҳии мамлакат дар бозорҳои байналмилалӣ, бо назардошти майли дӯстдорони саёҳат ба дидани осори таърихию фарҳангӣ, хусусиятҳои табиии кишвар, аз қабили маҳалҳои кӯҳӣ, мавзеъҳои экологӣ ва мамнуъ, омода ва паҳн мегарданд. 
Соли 2015 Созмони ҷаҳонии туристӣ дар гузориши тозаи худ Тоҷикистонро дуюмин кишвари туризмаш дар ҳоли рушд қарордоштаи дунё эътироф намуд. Тибқи иттилои бахши форсии шабакаи бонуфузи Би-Би-Си, моҳи феврали соли 2012 ҳангоми назарсанҷӣ байни хонандагони маҷаллаи байналмилалии «Вондерлост» (Британияи Кабир) Тоҷикистон дар қатори 10 кишвари ҷолибтарин барои боздиди сайёҳон эътироф шуд. 
Коршиносони байналмилалӣ сиёсати пешгирифтаи 140 кишвари ҷаҳонро дар самти “Саёҳат ва туризм” мавриди таҳлил қарор дода, Тоҷикистонро ҳамчун мамлакати туристии ояндадор арзёбӣ намуданд. 
Ба иттилои “Globe Spots” Тоҷикистон баъди Малта дуюмин кишварест, ки барои туристони саргузаштӣ мусоид мебошад. Ҳамзамон, нашри русии маҷаллаи маъруфи “National Geographic”, ки 28 феврали соли 2016 ба табъ расид, шоҳроҳи Бадахшонро байни 10 роҳи зеботарини дунё дар ҷойи дувум гузошт. 
- Мувофиқи баҳогузории коршиносон, дар сурати ба сатҳи муносиб баровардани саноати туризм, Тоҷикистон дар як сол имкони қабули то 1 миллион сайёҳро дорад. Ин то куҷо ба ҳақиқат наздик аст?
- Таҳлили вазъи кунунии туризми кишвар шаҳодат медиҳад, ки марҳила ба марҳила сатҳ ва сифати хизматрасониҳо беҳтар мегарданд. Мувофиқи маълумот, дар ҷумҳурӣ  зиёда аз 100 иншооти туристии дорои ҷанбаҳои санаторию курортӣ бо назардошти меҳмонхонаҳо, амал менамоянд, ки ба меҳмонону сайёҳон хизмат мерасонанд.
Тавре аз таҳлилҳо бармеояд, соли 2015 ба ҷумҳурӣ 413 834 сайёҳ омад. Аз ин ҳисоб ба иқтисодиёти мамлакат 206 917 000 доллари ИМА ворид гашт, ки нисбат ба ҳамин давраи соли гузашта 94 дарсад зиёд мебошад ва ин нишондиҳанда дар даҳ соли охир баландтарин арзёбӣ мегардад. 
- Сатҳи ҳамкориҳои байналмилалии соҳаи туризми Тоҷикистон чӣ гуна аст?
- Яке аз роҳҳо ва усулҳои стратегии рушди минбаъдаи соҳаи туризм дар мамлакат  ин баланд бардоштани иттилоотонии ҷомеаи байналмилалӣ  оид ба имконоти туристии Тоҷикистон ва дар ин самт рушди ҳамкорӣ бо созмонҳои хориҷӣ мебошад.
Дар ин ҷода созишномаи байниҳукуматӣ оид ба ҳамкорӣ дар соҳаи туризм бо Покистон, Қазоқистон, Украина, Афғонистон, Туркманистон, Маҷористон, Баҳрайн, Латвия ва дигар кишварҳо таҳия ва имзо шудаанд. Дар маҷмӯъ теъдоди созишномаҳо ва меморандумҳои ҳамдигарфаҳмӣ аз 20-то зиёданд.
Кумитаи ҷавонон, варзиш ва сайёҳӣ  пайваста кӯшиш менамояд, ки аз тамоми имкониятҳои мусоид истифода бурда, барои рушди туризм чораҳои судмандро андешад. 
Ш. ҚУРБОН, «Ҷумҳурият»


Баёни ақида (0)    Санаи нашр: 21.11.2016    №: 230    Мутолиа карданд: 1646

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед