logo

иқтисод

МУШТЕ АЗ ХИРВОР. ДАР БОРАИ ФАЪОЛИЯТИ КВД "ЛОИҲАКАШ"

Корхонаи воҳиди давлатии «Лоиҳакаш» дар сохтори Кумитаи  меъморӣ ва сохтмони назди Ҳукумати ҷумҳурӣ яке аз муассисаҳои калонтарин ба шумор меравад. 
Фаъолияти асосии корхона аз хизматрасонӣ дар соҳаи  меъморӣ лоиҳакашӣ ва тибқи талаботи Кодекси шаҳрсозии Тоҷикистон ва  омода сохтани санадҳои меъёрии ҳуқуқӣ барои қонеъ сохтани талаботи  субъектҳои  муносибатҳо дар соҳаи меъморӣ ва шаҳрсозию сохтмонӣ  иборат мебошад.  Ҳамчунин, омода намудани таклифу пешниҳодҳо бобати тасҳеҳи Нақшаи генералии воҳидҳои марзиву маъмурӣ, иштирок дар таҳияи  нақшаи ташкили муштамаъ ва ҳудудии воҳидҳои марзиву маъмурӣ ва амсоли инҳо бар зиммаи лоиҳакашҳои он вогузор гардидааст.
Корхона дар тӯли 6 соли фаъолият беш аз 465 лоиҳаи гуногунро таҳия ва коркард намуда, 48 лоиҳаро аз ташхиси давлатӣ гузарондааст. Таҳия кардани Нақшаҳои генералии маркази шаҳракҳои ноҳияҳои Вахшу Данғара, Дӯстию Ёвон ва Ховалинг кори арзишманди лоиҳакашон мебошад. Дар баробари ин, корхона ҳамасола ҳамкории худро бо фармоишгарон мустаҳкам мекунад. Яке аз натиҷаҳои ҳамкорӣ бо пешниҳоди фармоишгар – Дирексияи сохтмони иншооти ҳукуматии Дастгоҳи иҷроияи Президенти ҷумҳурӣ таҳияи лоиҳаи мактабҳо барои 320 хонанда мебошад. Фармоиши дигар таҳияи лоиҳаи «Сохтмони варзишгоҳ барои 5000 ҷойи нишаст» дар шаҳраки Бӯстони ноҳияи Мастчоҳ аст.
Корхона дар самти бо оби ошомиданӣ таъмин намудани сокинони деҳоти ҷумҳурӣ низ саҳмгузор аст. Мутахассисони коргоҳ бо супориши фармоишгар тибқи «Барномаи рушди дастгирии ҷомеа дар минтақаҳои кӯҳӣ» дар минтақаи Рашт 16 лоиҳа таҳия кардаанд.
Имрӯз лоиҳаҳои бо фармоиши Дирексияи сохтмони иншооти ҳукуматии Дастгоҳи иҷроияи Президенти ҷумҳурӣ таҳияшудаи мактаби № 18 – и Ҷамоати деҳоти Лоҳутӣ дар ноҳияи Ховалинг ва варзишгоҳ барои 3000 ҷойи нишаст дар шаҳраки Дӯстии ноҳияи Дӯстӣ дар арафаи анҷомёбист. Лоиҳаҳои Рамзи 20 – солагии «Ваҳдати миллӣ», Парчами миллӣ ва даромадгоҳи варзишгоҳ ва боғи асосӣ дар шаҳри Ваҳдат бо фармоиши мақомоти иҷроияи маҳаллии ҳокимияти давлатии шаҳри Ваҳдат анҷом дода шуда, бунёди онҳо идома доранд.
Кормандони корхона вақти фориғ аз кор машғули эҷод мешаванд. Онҳо лоиҳаҳои офаридаи худро дар намоишгоҳҳо ва озмунҳо ба маърази  ҳаводорони санъати меъморӣ ва мутахассисони соҳа пешниҳод мекунанд. Лоиҳаҳои бинои Порлумони Ҷумҳурии Тоҷикистон,  «Меҳри модар» ва Маҷмааи «Истиқлол» дар боғи Дӯстии халқҳо, варзишгоҳи шаҳрӣ барои 28000 нафар дар кӯчаи Балъамии шаҳри Душанбе, маҷмааи варзишии баскетбол барои 8000 нафар дар шаҳри Душанбе, муште аз хирвори ҳунари соҳибҳунарони Корхонаи воҳиди давлатии «Лоиҳакаш» мебошад.
У. МУРОД, «Ҷумҳурият» 


Баёни ақида (0)    Санаи нашр: 21.11.2016    №: 230    Мутолиа карданд: 1345

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед