logo

фарҳанг

САНЪАТИ РАҚС. НАХУСТИН ҲАМОИШИ БАЙНАЛМИЛАЛӢ ДАР ДУШАНБЕ

20 – 21 ноябри соли ҷорӣ дар доираи тадбирҳо вобаста ба Ҷашни 100 – солагии асосгузори санъати хореографияи тоҷик, Артисти халқии СССР, барандаи мукофоти давлатии Ҷумҳурии Тоҷикистон ба номи Абуабдулло Рӯдакӣ - Ғаффор Валаматзода, ки тибқи қарорҳои Ҳукумати Ҷумҳурии Тоҷикистон ва ЮНЕСКО таҷлил карда мешавад, дар толори раёсати Академияи илмҳои ҷумҳурӣ конференсияи байналмилалии илмии «Рақс – падидаи муассир дар тамаддуни мардумони Осиёи Марказӣ» доир гардид. Дар он намояндагони илму фарҳанг ва корпусҳои дипломатии ҷумҳуриҳои Осиёи Марказӣ, Русия ва Озарбойҷон дар Тоҷикистон ширкат варзиданд. 
 
Ҳамоиши мазкур нахустин конференсияи байналмилалии илмӣ доир ба рақс  буда, дар он масъалаи мубрами таърихию назарии санъати хореография чун қисми муҳиму таркибии тамаддуни халқҳои Осиёи Марказӣ дар иртиботу ҳамсонӣ бо кору пайкори устоди ҳунари рақс Ғаффор Валаматзода мавриди баррасӣ қарор гирифт. 
Дар ҳамоиши илмӣ вазири фарҳанги ҷумҳурӣ Шамсиддин Орумбекзода, президенти Академияи илмҳои Ҷумҳурии Тоҷикистон Фарҳод Раҳимӣ, докторони илмҳои таърих - Аскаралӣ Раҷабов, Лариса Додхудоева, Баҳринисо Қобилова, фалсафа - Саъдулло Раҳимов, номзадҳои илмҳои таърих - Абубакр Зубайдӣ, педагогӣ Шариф Комилзода, ҳунаршиносони варзидаи Ӯзбекистон - Қундуз Миркаримова, Тоҷикистон - Назокат Қиличева ва Манзура Ҳасанова, Ҳунарпешаи халқии СССР Ҷӯрабек Муродов доир ба масоили ташаккулу рушди санъати рақси касбии тоҷик дар ҳамоҳангӣ бо санъати хореографии мардуми Осиёи Марказӣ, арзишҳои бадеии он, саҳми Ғ. Валаматзода дар ташаккули рақс сухан ронданд.
Ҳунаршиносон санъати хореографиро аз дидгоҳҳои гуногун мавриди таҳқиқ ба баррасӣ қарор дода, таъкид карданд, ки фаъолияти эҷодию ҳунарии Ғаффор Валаматзода дар фарҳанги садаи ХХ падидаи нодир аст. Аксари ширкатдорони ҳамоиш саҳифаҳои тозаи фаъолияти ҳунармандро дар ҳамсонӣ бо равандҳои умумии фарҳангии қарни гузашта ва бо такя бар асноди нав натиҷагирӣ намуданд. Новобаста аз он, ки баъзе аз маърӯзаҳои илмӣ дар шакли гузориш пешкаш гардиданд, дар онҳо таҳлили масоили марбут ба ҳаёт ва фаъолияти эҷодии Валаматзода, мушкилоти рушди санъати хореографӣ дар қарни гузашта ва вазъи кунунии он дар сатҳи баланди илмӣ қарор гирифтанд. Хидматҳои шоистаи Валаматзода дар ташаккул ва пешрафти дастаҳои мусиқӣ, театри касбӣ, санъатҳои хореография, кинематография, ҳунарҳои коргардонӣ ва саҳнаороӣ муассир буда, ин паҳлуҳои рангини фаъолияти эҷодии устоди рақс дар гузоришоти муҳаққиқони саршинос ба пояи тозатарин мавод ва ҳамаҷониба таҳқиқ шуданд. 
Пажӯҳиши олимон дар як таҳқиқоти дастаҷамъонаи академӣ доир ба масоили таърих ва назарияи рақс, ҳунарҳои намоишӣ ва дар ҳамсонӣ бо дигар анвои эҷодиёти бадеӣ, китоб – муаррифнома ва албоми мусаввараҳою феҳристи зиндагиномаи ҳунарманд ба забонҳои тоҷикӣ, русӣ ва англисӣ нашр гардиданд. 
Бо кӯшиши олимони тоҷик филми «Ғаффор Валаматзода – устоди ҳунар» таҳия ва манзури ихлосмандони ӯ гардид. Қобили зикр аст, ки ба ғайр аз ҳамоиши мазкур дар муассисаҳои илмию фарҳангии ҷумҳурӣ чандин намоишу суҳбатҳо ташкил карда шуданд.      
Дар баробари омӯзиш ва баррасии фаъолияти пурсамари эҷодии Ғ. Валаматзода хуб мешуд омӯзиши мероси бадеии устодони дигари санъати хореографияи тоҷик - Азиза Азимова, Ашӯра Носирова, Лутфӣ Зоҳидова ва дигарон низ ташкил карда шавад. 
М. ТАБАРӢ, «Ҷумҳурият»


Баёни ақида (0)    Санаи нашр: 22.11.2016    №: 231    Мутолиа карданд: 1828

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед