logo

иҷтимоиёт

КВОТА. ДОХИЛ ШУДАН ҲАНӮЗ МАҚСАДИ НИҲОӢ НЕСТ!

Ҳоло ба мардуми ноҳияи Тоҷикобод як беморхонаи марказӣ, 3  минта-қавӣ, 6 маркази саломатӣ, 20  бунгоҳи тиббӣ, 7  маркази махсусгардондашуда хизмати тиббӣ мерасонанд. Ба ҷуз ин, Маркази ташаккули тарзи ҳаёти солим дар байни ҷамоатҳои  деҳоти ноҳия, аз ҷумла муассисаҳои таълимию табобатӣ, пайваста корҳои профилактикиро роҳандозӣ месозад. 
Баҳри пешгирӣ намудани бемориҳои гуногун, баланд бардоштани фарҳанги тиббии мардум корҳои фаҳмондадиҳӣ мегузаронад. Натиҷаи чунин талошҳо буд, ки сатҳи таваллуд намудани занон дар хона коҳиш ёфт. Дар 9 моҳи соли равон аз 934 нафар модарон 600 нафари он дар беморхона тифл ба дунё оварданд.
Маркази бемориҳои сил аз аввали соли ҷорӣ 27 - нафар беморро ба қайд гирифтааст, ки аз ин шумора 14 нафарашон мард, боқӣ  занон мебошанд. Марказ беморонро бо доруворӣ таъмин намуда, ба онҳо кумаки молиявӣ низ мерасонад. 
Тибқи иттилои сартабиби беморхонаи марказии ноҳия Қадим Тӯйчиев соли равон баҳри беҳтар намудани хизматрасонии тиббӣ шуъбаи таваллудхона  пурра  таъмир гардид. Шуъбаи бемориҳои дарунӣ низ аз ҳисоби соҳибкорон  ва буҷети маҳаллӣ таъмир шуд. Бинои беморхонаи маркази саломатии ноҳия бошад, аз ҳисоби маблағҳои фонди Оғохон таъмир шуд. Дар деҳаи Файзбори ноҳия бахшида ба 25 - умин солгарди Истиқлолияти давлатии Ҷумҳурии Тоҷикистон бинои бунгоҳи тиббии замонавӣ сохта, бо таҷҳизоти нави замонавӣ муҷаҳҳаз гардид. 
Таъмини муассисаҳои тиббии ноҳия бо кадрҳои баландихтисос омили асосии пешрафт дар самти хизматрасонии тиббӣ ба шумор меравад. Аммо дар ин самт муассисаҳои тиббии ноҳия мушкил доранд. Албатта, ин мушкилро беморхонаҳо аз ҳисоби донишҷӯёне, ки тибқи квотаи президентӣ донишгоҳу донишкадаҳои тиббиро хатм кардаанд то андозае рафъ сохтанд. Вале нарасидани мутахассисон дар соҳаи тандурустӣ ҳамоно эҳсос мегардад. Ҳоло муассисаҳои тандурустии  ноҳия ба духтурони оилавӣ, рӯҳшинос, нарколог, силшинос, кӯдакона, сироятӣ,  эҳёгар ниёз доранд. Дар  минтақаҳои дурдаст педиатрҳо, ҳамшираҳои шафқат,  момодояҳо намерасанд. 
Яке аз сабабҳои  норасоии кадрҳо баъди хатми донишгоҳу донишкадаҳо ба ноҳия барнагаштани донишҷӯёне мебошад, ки  тибқи квотаи президентӣ таҳсил мекунанд. 
Ба хотири бартараф намудани ин мушкилӣ, чанде пеш раиси ноҳия  бо донишҷӯёне, ки дар донишгоҳу донишкадаҳои тиббӣ тибқи квота таҳсил менамоянд, вохӯрӣ намуда, таъкид сохт, ки мақсади тибқи квота таҳсил намудани онҳо рафъ намудани норасоии кадрҳо дар соҳаҳои гуногун аст. Аз ин рӯ, баъди хатми донишгоҳ ба ноҳия баргаштани онҳо ҳатмист.
Дилшод АМИРОВ, «Ҷумҳурият» 


Баёни ақида (0)    Санаи нашр: 24.11.2016    №: 232    Мутолиа карданд: 1504

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед