logo

сиёсат

ИФТИХОР. ҶАШНИ РӮЗИ ПАРЧАМИ ДАВЛАТӢ 7 - СОЛА ШУД

Парчами давлатӣ баёнгари ҳаққи мавҷудияти миллати соҳибдавлати тоҷик бо тамоми ғановату асолати таърихиву фарҳангӣ ва ҳуқуқии он аст.
Эмомалӣ РАҲМОН
Иттиҳоди муташаккили одамонро, ки майл ва ормони бунёди давлати миллӣ доранд, лозим аст, нахуст ҳудуди муайян дошта бошанд, ҳокимияти оммавиро таъсис диҳанд ва ниҳоят соҳибихтиёр гарданд. Таҷриба нишон медиҳад, ки соҳиби рамзҳои миллӣ будан дар таҳкими истиқлолият ва пешбурди робитаҳои сиёсӣ, ҳамчунин ҳамоҳангии иқтисодию фарҳангӣ миёни мамлакатҳо нақши муассир дорад. Ҳоло тамоми давлатҳои муосир соҳиби рамзҳои миллии худ мебошанд ва парчами миллӣ яке аз рукнҳои асосии он ба ҳисоб меравад. Дар масири таърих соҳибпарчам будан шояд яке аз аломатҳои асосии соҳибдавлатиро ифода мекард. Зеро тасхир ва ё сарнагун шудани ҳукумате танҳо замоне эълон мегашт, ки парчами он вожгун мегардид. 
Масоили марбут ба танзими ҳуқуқии рамзҳои давлатӣ, мувофиқан Парчами давлатӣ дар давлатҳои муосир ба таври гуногун сурат гирифтааст. Бархе ин масъаларо хеле мубрам шумурда, дар сатҳи Конститутсияи худ номгӯ ва хосиятҳои онро матраҳ сохтаанд. Қисмати дигар зарурати танзими ин масъаларо дар сатҳи конститутсионӣ лозим нашумурда, дар сатҳи қонунҳои ҷорӣ ва ё дастуру низомномаҳо иктифо кардаанд. Ҷумҳурии Тоҷикистон нақш ва аҳамияти рамзҳои давлатӣ, аз ҷумла Парчами давлатиро ба инобат гирифта, мақоми онро дар Конститутсия муайян намудааст, ки ин ҳам аз анъанаи солҳои гузашта дарак медиҳад. Зеро конститутсияҳои солҳои 1937 (фасли 9 - «Нишон, Парчам, Суруди миллӣ ва пойтахти ҶШС Тоҷикистон»), 1978 (боби 11 - «Нишон, Парчам ва пойтахт») дар фасл ва боби алоҳида мавқеи Нишон, Парчам, Суруди миллӣ ва пойтахти Тоҷикистонро муайян намуда буданд. 
Ҳамин тавр, Конститутсияи соли 1994 дар моддаи 3-юми худ дар низоми рамзҳои давлатии Ҷумҳурии Тоҷикистон Парчами давлатиро низ муқаррар намуд. Аз мазмуни моддаи 57 - уми Конститутсия чунин бар меояд, ки ваколати тасдиқи рамзҳои давлатӣ, мувофиқан Парчами давлатӣ ба зиммаи Маҷлиси намояндагони Маҷлиси Олии Ҷумҳурии Тоҷикистон вогузор гардидааст. Таҳкими минбаъдаи мақоми Парчами давлатӣ дар Қонуни Ҷумҳурии Тоҷикистон «Дар бораи рамзҳои давлатии Ҷумҳурии Тоҷикистон», аз 12 майи соли 2007,  сурат гирифт. Дар дебочаи қонун омадааст, ки эҳтироми волои Парчам ифтихори миллии ҳар як шаҳрванди Ҷумҳурии Тоҷикистон мебошад. Қонуни мазкур тарзи барафрохтан ва ҷойгиркунии тасвири Парчами миллиро низ муқаррар кардааст.
Азбаски Парчами давлатӣ яке аз рамзҳои муҳими истиқлолияти миллӣ ва давлатдории муосири мо, таҷассумгари асосҳои таърихӣ ва рамзҳои давлатдории гузаштаи тоҷикон, инчунин ифодакунандаи мақсаду маром ва орзуву ормонҳои тамоми сокинони мамлакат мебошад, моҳи ноябри соли соли 2009 Сарвари давлат бо истифода аз ҳуқуқи ташаббуси қонунгузории хеш,  доир ба муқаррар намудани Рӯзи Парчами Ҷумҳурии Тоҷикистон лоиҳаи қонуни дахлдорро ба порлумони мамлакат пешниҳод намуданд. Тавассути ворид намудани тағйирот ба Қонуни Ҷумҳурии Тоҷикистон «Дар бораи рӯзҳои ид», аз 19 ноябри соли 2009, таҷлили Рӯзи Парчами давлатӣ имконпазир гардид. 
Моҳи октябри соли равон вакилони Маҷлиси намояндагони Маҷлиси Олӣ ба Қонуни Ҷумҳурии Тоҷикистон «Дар бораи рамзҳои давлатии Ҷумҳурии Тоҷикистон» илова ворид намуданд. Мувофиқи он шаҳрвандони Ҷумҳурии Тоҷикистон ҳуқуқ пайдо карданд, ки бо ифтихору сарбаландӣ аз давлату давлатдорӣ аз ин рамзи асосии давлат дар манзилҳои худ истифода баранд. Ин омил ва, дар маҷмӯъ, таҷлили Рӯзи Парчами миллӣ дар бедории сиёсии шаҳрвандон, арҷгузорӣ ба арзишҳои миллӣ ва худшиносиву ватанпарастӣ таъсири мусбат хоҳад дошт. 
Раҳмон Дилшод САФАР, 
декани факултети ҳуқуқшиносии Донишгоҳи миллии Тоҷикистон, 
номзади илмҳои ҳуқуқшиносӣ


Баёни ақида (0)    Санаи нашр: 24.11.2016    №: 232    Мутолиа карданд: 2012

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр


Дар сомонаҳои дигари Тоҷикистон хонед