logo

сиёсат

ТОҶИКИСТОН ВА ҶАҲОН. ОҒОЗИ МАРҲАЛАИ НАВИ МУНОСИБОТ БО ЧАҲОРДАҲ КИШВАР

Сафирони нави фавқулода ва мухтори 14 кишвар 22 ноябр, баъд аз супурдани эътимоднома ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, фаъолияти дипломатии худро дар кишвари мо оғоз намуданд.
Сафирони тозатаъйин баъд аз анҷоми маросими эътимодномасупорӣ дар ҳузури хабарнигорон оид ба дурнамои фаъолияти дипломатии худ ибрози назар намуда, итминон доданд, ки ҷиҳати дар сатҳи нав баровардани ҳамкориҳои мутақобилан судманди кишварҳояшон бо Тоҷикистон талош хоҳанд кард. Аз ҷумла, Сафири фавқулода ва мухтори Арабистони Саудӣ Абдулазиз ибни Муҳаммад ал-Бодӣ аз сатҳи муносиботи дуҷонибаи Тоҷикистону Арабистони Саудӣ изҳори қаноат карда, ҳавасмандии кишварашро оид ба тавсеаи равобити ҳасанаи ду кишвар баён намуд. 
Хонум Ясмин Гуедар, Сафири фавқулода ва мухтори Ҷумҳурии Фаронса дар Ҷумҳурии Тоҷикистон, гуфт, ки дар зарфи фаъолияти дипломатиаш таҳкими бештари муносиботи сиёсӣ, рушди ҳамкориҳои иқтисодиву тиҷоратиро бо роҳи ҷалби сармоягузории ширкатҳои фаронсавӣ дар авлавияти кор қарор хоҳад дод. Ӯ таъкид кард, ки ҳамкориҳо дар бахши гидроэнергетика ва истифода аз захираҳои обиро тақвият дода, барои боз намудани саҳифаҳои нави равобити фарҳангии ду кишвари ба ҳам дӯст нақше аз худ боқӣ мегузорад. 
- Ҷумҳурии Корея ба ҳайси кишвари дӯст ҳамеша ҷонибдори рушди Тоҷикистон буда, минбаъд низ яке аз шарикони боэътимоди кишвари шумо боқӣ хоҳад монд. Мамлакатҳои мо ҳанӯз соли 1992 муносиботи дипломатии худро барқарор намуданд, ки соли оянда 25 - солагии онро ҷашн мегирем. Ман ба ҳайси сафир кӯшиш менамоям, ки ҳамкориҳои иқтисодии мо дар сатҳи сифатан нав қарор гирифта, табодули таҷрибаву дониш байни мардумонамон пайваста сурат гирад, - изҳор дошт Сафири фавқулода ва мухтори Ҷумҳурии Корея дар Тоҷикистон Квон Ён У. 
Сафири фавқулода ва мухтори Ватикан дар Ҷумҳурии Тоҷикистон Фрэнсис Ассизи Чулликатт аз нақши намоёни Тоҷикистон дар ҳалли масоили глобалӣ, аз ҷумла пешбурди масъалаҳои обӣ дар ҷаҳон тавсиф намуд. Зеро, ба андешаи ӯ, ҳалли масоили обӣ асоси рушди бонизом дар соири кишварҳост. Фрэнсис Ассизи Чулликатт ҷонибдории Ватиканро аз сиёсати пешгирифтаи Ҳукумати Ҷумҳурии Тоҷикистон оид ба муборизаи дастаҷамъӣ алайҳи терроризму ифротгароӣ, ки яке аз масъалаҳои нигаронкунандаи ҷаҳони муосир аст, баён дошт. - Мо сиёсати башардӯстонаи Президенти Ҷумҳурии Тоҷикистонро дар таҳкими муколамаи байни тамаддунҳо қадр мекунем, зеро он, пеш аз ҳама, ба амнияти ҷомеа ва ҳамгироии бештари мардумони сайёра таъсири нек дорад, - таъкид дошт Сафири фавқулода ва мухтори Ватикан дар Ҷумҳурии Тоҷикистон. 
Ҳамчунин, сафирони нави ҷумҳуриҳои Италия Андреа Бертоззи, Туркия Алӣ Рифат Коксал, Австрия Герхард Сайллер, Конфедератсияи Швейтсария Урс Шмид, Шоҳигарии Нидерландия Дирк Ян Кооп, Ҷумҳурии Юнон Андреас Фриганас, Ҷумҳурии Чехия Ярослав Сиро, Ҷумҳурии Молдова Думитру Брагиш, Ҷумҳурии Халқии Бангладеш Маҷибул Раҳман Буиян ва Зеландияи Нав Иэн Александр Хилл дар суҳбат бо хабарнигорон ба дурнамои рушди ҳамкориҳои судманди кишварҳояшон бо Тоҷикистон изҳори хушбинӣ намуда, итминон доданд, ки ҷиҳати тавсеаи равобити гуногунҷанба аз тамоми имкону захираҳои мавҷуда истифода хоҳанд кард.
Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 24.11.2016    №: 232    Мутолиа карданд: 2014

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед