logo

иҷтимоиёт

ТАНБЕҲ БА МАСЪУЛОНЕ, КИ ДАР ҲАЛЛИ МУШКИЛОТИ ШАҲРВАНДОН САҲЛАНГОРӢ НАМУДАНД

Дар  нуҳ  моҳи  соли  равон  ба  Дастгоҳи  иҷроияи  Президенти  Ҷумҳурии Тоҷикистон  аз  номи  сокинони  Вилояти  Мухтори  Кӯҳистони  Бадахшон  220  арзу  шикоят  ворид  гардидааст, ки  нисбат  ба  ҳамин  давраи  соли  гузашта 49  адад  зиёд  мебошад.
Зиёӣ   Мамадаминов, мудири  бахши муроҷиат  ва  қабули  шаҳрвандони  дастгоҳи  раиси  вилоят, дар  ин  бора  иттилоъ  дода, зикр кард, ки муроҷиатҳои  хаттӣ  ба  Дастгоҳи  иҷроияи  Президенти мамлакат  аз номи  сокинони  шаҳри  Хоруғ, ноҳияҳои  Ишкошим, Рӯшон, Дарвоз  ва Шуғнон  рӯ  ба  афзоиш  доранд. Ин,  агар аз  як  тараф  эътимоди зиёди мардумро  ба  Дастгоҳи  иҷроияи  Президенти Ҷумҳурии Тоҷикистон, бахусус Сарвари давлат муҳтарам  Эмомалӣ  Раҳмон  нишон диҳад, аз ҷониби  дигар аз бемасъулиятиву саҳлангории  масъулони   идораву  муассисаҳои  шаҳру навоҳии вилоят, ки  ҳалли  мушкилоти  шаҳрвандон  ба  онҳо  рабт  дорад, дарак  медиҳад. 
Ҳолатҳое низ ҷой  доранд, ки  мақомоти дахлдор муроҷиатҳои  хаттии  шаҳрвандонро  баррасӣ  намоянд ҳам,  ба  онҳо   ҷавоб  намегардонанд  ва  ё  ҷавобро дер ирсол менамоянд. Масалан, сокини ноҳияи Ишкошим  Райҳон  Абдулазимова ба  Дастгоҳи  иҷроияи Президенти мамлакат шикоят  намудааст, ки девори  ҳавлиашонро мақомоти  маҳаллӣ канда  партофтаанд. Ҳангоми баррасии масъала  маълум  мегардад, ки  девори  ҳавлӣ ғайриқонунӣ  сохта  шуда, даъвои  ӯ асоси воқеӣ  надорад. Мутаассифона, ҷавоби  аризаро  мақомоти иҷроияи маҳаллии ҳокимияти давлатии ноҳия баъди  якуним  моҳ   ирсол  намудааст. Дар   ноҳияи  Шуғнон  низ ба  аризаи  сокини  деҳаи  Миденшори  ноҳия Оимнисо Қаландарбекова    бо  дермонӣ  ҷавоб  гардондаанд.  Таҳлилҳо  нишон  медиҳанд, ки  дар  давоми   сол  ба  15  аризаи  ба  Дастгоҳи  иҷроияи  Президент  ирсолгардида, ки  барои  баррасӣ  бо  болохат  ба  мақомоти иҷроияи маҳаллии ҳокимияти давлатии  шаҳру ноҳияҳо  фиристода  шудаанд, ҷавоб  бо  дермонӣ гардонда  шудааст.  
Ба гуфтаи Зиёӣ Мамадаминов,  дар  ин  бора  дар  машварати назди раиси вилоят бо иштироки раисони шаҳру  ноҳияҳои вилоят, сардорони идораву муассисаҳои  вилоятӣ  сухан  рафт. Шодихон  Ҷамшед, раиси  вилоят,  аз  он  изҳори нигаронӣ намуд, ки аз  ҷумлаи ин аризаҳо баъзеашон муроҷиатҳои такрорӣ мебошанд. Яъне, шаҳрванд як  бор ариза навишта, ҷавоби қонеъкунанда нагирифтааст. Пас аз ин маҷбур шудааст, ки  ба Дастгоҳи  иҷроияи Президент муроҷиат намояд. Ин  аз  он  шаҳодат медиҳад, ки баъзе роҳбарони  шаҳру  ноҳияҳо, идораву  муассисаҳое, ки муроҷиати  шаҳрвандон ба фаъолияти  онҳо  дахл дорад, нисбат ба арзу шикояти мардум  беэътиноӣ  зоҳир  намуда, масъалаҳои  бамиёнгузоштаи онҳоро мавриди баррасӣ  қарор намедиҳанд  ва ё ба аризаи хаттиашон  ҷавобҳои  бемантиқу  беасос  ирсол  медоранд. Чунин  ҳолат  боиси  норозигии  шаҳрвандон, кам  гардидани  эътимоду  боварии онҳо   ба  мақомоти  маҳаллӣ   гардида, барои  ҳалли  мушкили  худ ба зинаҳои  болоӣ муроҷиат  мекунанд.  
Мудири  бахши муроҷиат  ва  қабули  шаҳрвандони  дастгоҳи  раиси  вилоят зикр намуд, ки дар машварат раиси  вилоят  ба роҳбарони  идораву  муассисаҳое, ки  нисбат ба арзу шикояти шаҳрвандон беэътиноӣ зоҳир кардаанд,  танбеҳ эълон кард. Ҳамзамон,  ба  кормандони  масъули  дастгоҳи  раиси  вилоят супориш  дод, ки бо  ташкили  як  гурӯҳи  корӣ  масъалаи  муроҷиати  шаҳрвандонро  дар  шаҳру  ноҳияҳои  вилоят, идораву  муассисаҳо бори  дигар санҷида, нисбат ба шахсони  мансабдоре,  ки  ба арзи  шаҳрвандон намерасанд, ба  муроҷиаткунандагон  сари  вақт ҷавоб  намегардонанд ё  ҷавобҳои  рӯякӣ   мефиристанд, чораҳои  мушаххаси  интизомӣ  андешанд. 
Раҳмони ГУЛЗОР, “Ҷумҳурият”


Баёни ақида (0)    Санаи нашр: 25.11.2016    №: 233    Мутолиа карданд: 1599

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед