logo

сиёсат

ВЯЧЕСЛАВ ВОЛОДИН: «МО ТАЛОШ МЕНАМОЕМ, КИ ҲУҚУҚҲОИ МУҲОҶИРОНИ ТОҶИК ҲИФЗ ШАВАНД»

Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров дар доираи сафари корӣ ба шаҳри Санкт - Петербург бо Раиси Думаи давлатии Федератсияи Русия Вячеслав Володин дидору гуфтугӯ намуд, ки масоили вобаста ба муҳоҷирати корӣ дар меҳвари суҳбат қарор дошт.  
Тибқи иттилои Муҳамадато Султонов, котиби матбуоти Маҷлиси намояндагони Маҷлиси Олӣ, Шукурҷон Зуҳуров зимни мулоқот таваҷҷуҳи Вячеслав Володинро ба ҳодисаи шаби 19 ноябри соли 2016 дар майдони сохтмонии вобаста ба ҶДММ «Абсолют Агро» - и вилояти Тюмен, ки бар асари он ҳафт нафар шаҳрванди Тоҷикистон ба ҳалокат расида, се нафари дигар дар ҳолати вазнин ба беморхонаи вилоятӣ интиқол дода шудаанд, ҷалб сохт. Бо таваҷҷуҳ ба ин масъала таъкид гашт, ки ҳодиса воқеъбинона таҳқиқ ва гунаҳгорон ба ҷавобгарӣ кашида шаванд. 
Шукурҷон Зуҳуров зикр кард, ки ҳифзи иҷтимоии муҳоҷирони меҳнатӣ, тартиби бақайдгирӣ ва иҷозатнома барои кор бояд дар меҳвари фаъолияти мақомоти дахлдори ҳар ду қишвар қарор дошта бошад. Зеро пас аз ҷорӣ намудани қоидаҳои нави қабули шаҳрвандон ба кор - аз моҳи январи соли ҷорӣ, як қатор мушкилоти марбут ба истиқомати муҳоҷирони тоҷик дар қаламрави Русия ба вуҷуд омадааст. Раиси Маҷлиси намояндагон изҳори умед кард, ки тамоми масъалаҳои марбут ба муҳоҷирати меҳнатӣ ҳалли мусбати худро меёбанд.
Раиси Думаи давлатии Федератсияи Русия Вячеслав Володин дар бораи самтҳои асосии ҳамкориҳои Русия ва Тоҷикистон изҳори назар карда, тазаккур дод, ки рушди муносиботи кишварҳои мо аз мавҷуд будани робитаи наздик ва дӯстии мустаҳками сарони кишварҳоямон сарчашма мегирад. Ва мо – эҷодкунандагони фазои мусоиди қонуниву ҳуқуқӣ барои тақвияти ин ҳамкориҳо бояд талош варзем, то онҳо беш аз пеш густариш ёбанд. Дар идомаи мулоқот Раиси Думаи давлатии Федератсияи Русия, ҳамчунин аз ҳодисаи шаби 19 ноябри соли 2016 рухдода изҳори таассуф намуда, аз Шукурҷон Зуҳуров хоҳиш кард, ки ҳамдардии ӯ ва намояндагони парлумони кишварашро ба хонаводаҳои онҳо расонад. Мавсуф итминон дод, ки оид ба қазияи мазкур бархӯрди қонунӣ сурат гирифта, гунаҳкорони ҳодиса ба ҷавобгарӣ кашида хоҳанд шуд. – Мо аз ҷониби худ талош менамоем, ки ҳуқуқҳои муҳоҷирони меҳнатии тоҷик дар қаламрави Русия ҳифз шаванд, - гуфт Вячеслав Володин.
Д. РӮЗИЕВ, «Ҷумҳурият»


Баёни ақида (0)    Санаи нашр: 25.11.2016    №: 233    Мутолиа карданд: 1926

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон

04.01.2019


Парвози чартерӣ дар масири Душанбе - Шарм-уш-шайх

ҶАҲОН ДАР ЯК САТР

Ҳалокати зани тоҷик ва се фарзандаш дар Магнитогорск

Ваколати нави намояндаи Тоҷикистон дар СҲШ

Аз Сурия баромадани артиши амрикоӣ оғоз ёфт

Зонди чинии "Чанъэ-4" дар Моҳ


Дар сомонаҳои дигари Тоҷикистон хонед