logo

иҷтимоиёт

БО ИН БЕТАРАФИЕ, КИ ДОРЕМ…

Боғча. Баробари шунидани ин мафҳум ҳиссиёти аҷибе вуҷуди шахсро фаро мегирад, бахусус агар ӯ тарбиятдидаи ин даргоҳ бошад. Даргоҳе, ки бори нахуст кӯдакро аз муҳити хона ба оғӯш мегирад ва дар роҳи мустақилият тарбияташ мекунад. Даргоҳе, ки ба кӯдак муошират ва одоби рафтору гуфторро меомӯзад. Даргоҳи камолоти кӯдак - даргоҳи муқаддас. Маҳз бо назардошти муҳимияташон теъдоди чунин муассисаҳо ҳамасола рӯ ба афзоиш аст ва рушди муассисаҳои томактабӣ аз самтҳои асосии сиёсати иҷтимоии давлату Ҳукумат маҳсуб меёбад.
Мувофиқи маълумотҳои оморӣ дар шаҳри Душанбе айни замон 90 муассисаи таҳсилоти томактабӣ фаъол аст, ки дар онҳо садҳо нафар ояндасозони Ватани маҳбуб таълиму тарбия мегиранд. Шароит дар чунин муассисаҳо нисбат ба даҳ соли пеш муқоисанашаванда аст. Ҳар як чунин муассиса, ки дари худро ба сӯи тарбиятгирандагон боз мекунад, аз дигараш беҳтару хубтар бунёд ёфтаву ҳамчунон шароити муосиру фарқкунанда дорад. Вале ҳанӯз ҳам ҳастанд масъалаҳое, ки нуфузи чунин муассисаҳоро мекоҳонанд. Сухан дар бораи пардохти маблағҳои иловагӣ аз ҷониби волидайн меравад. Ҳарчанд тибқи  Қарори Ҳукумати Ҷумҳурии Тоҷикистон  аз 31 марти соли 2016 таҳти № 150 андозаи якмоҳаи пардохти маблағ аз падару модар барои нигоҳубини кӯдакон дар муассисаҳои давлатии таълимии томактабии шаҳри Душанбе 80 сомонӣ муайян шуда бошад ҳам, пардохтпулиҳои нонавиштае низ ҳастанд, ки вақтҳои охир ба одат табдил шудаву ҳукми қонун гирифтаанд.
Дар баъзе аз боғчаҳои пойтахт кор то ҷое расидааст, ки ба кӯдак аз рӯи «меҳрубониҳо» - и волидайн муносибат мекунанд. Аниқтараш кадом падару модаре, ки зуд-зуд «хабар мегирад», фарзанди ҳамон оила бологузар. Ва баръакс, волидоне, ки гапи мураббиро ду карданд, ба қавле кори кӯдакаш чандон омад намекунад.
Шаҳноза Ҷалолова, сокини  шаҳри Душанбе  мегӯяд: «Кӯдакам дар боғчаи № 124 - и ноҳияи Синои пойтахт тарбия мегирад. Мудири боғча Зулфия Ҷаъфарова ва мураббия Саодат Абдураҳимова мебошанд. Рӯзҳои аввал муносибатам ба мураббия хеле хуб буд, вале он дер  давом накард. Аз зиёд пул талаб намудани мураббия изҳори норозигӣ кардаму муносибатамон якбора сард гашт. Рӯзи муаллимон буд, мураббӣ аз ҳар волидайн 30 сомонӣ талаб кард. То ин вақт босабабу бесабаб то 15 сомонӣ медодам, вале чун вазъи молиявии оилаамон имкон надод, ин маблағро супурда натавонистам, ҳарчанд ба хотири кӯдакам инро мехостам. Ба мураббӣ фаҳмондам, ки пули моҳонаи боғчаро бо заҳмати зиёд месупорам. Ва умед доштам, ки муаллима маро мефаҳмад. Вале чунин нашуд. Дигар ӯ ба кӯдаки ман меҳрубон набуд. Гоҳ бо сухану гоҳе бо сарзаниш аламашро аз ӯ мегирифт. Аз рамузи кӯдакам эҳсос мекардам, ки ба боғча рафтан намехоҳад. Ба гиряҳои рӯздармиёни кӯдаки бечора тоб наоварда, ӯро ба дигар гурӯҳ гузарондам.  Вақти кӯдакам хуш аст, чун пештара ҳар рӯз бо шавқ худаш ба боғча меравад. Пас, аз ин ба хулосае  омадам, ки дар ҳақиқат мураббия ба  кӯдаки ман зулм мекардааст.
Ҳайратовар ин аст, ки аз рафторҳои пасипардагии чунин мураббияҳо ҳама волидайн огоҳанд, вале «даҳони пӯшида сад танга» гуфта, хомӯширо ихтиёр намудаанд. Бо ин бетарафие, ки дорем, оё метавонем, дар пешрафти кишвари тозаистиқлоламон саҳм дошта бошем? Ин саволест, ки ҳам аз масъулон ва ҳам аз волидайн посух мехоҳад.
Сарвиноз ШОДМОНОВА, «Ҷумҳурият»


Баёни ақида (0)    Санаи нашр: 30.11.2016    №: 235    Мутолиа карданд: 1950

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед