logo

иҷтимоиёт

СИРОЯТИ МУЗМИН. ОНРО ЧӢ ТАВР МЕТАВОН РАФЪ КАРД?

Сирояти музмини мавзеӣ (тонзиллит, гайморит, холесистит, кариеси дандон), яке аз мушкилоти асосии тибби варзишии муосир ба ҳисоб меравад. Он ҳангоми хуруҷ ба кори системаи дилу рагҳо таъсири манфӣ расонда, ба пастшавии натиҷаҳои варзишӣ сабаб мегардад.
Мавзеъҳои илтиҳобии музмин сари чанд вақт такроран авҷ гирифта, муқовимати организмро заиф низ мегардонанд. Ғайр аз ин, таъсири манфиашон ба узвҳои алоҳида на танҳо ҳангоми давраи хуруҷ, балки бидуни он ҳам ба назар мерасад. Мавзеъҳои сироятии музмин, дар ҳамаи узвҳое, ки шароити мусоиди инкишоф доранд (масалан даҳон, бинӣ, гӯш) метавонанд пайдо гарданд. Онҳо илтиҳоби ҷавҳои пешонӣ (отит, синусит), ғадуди бодомшакл (тонзилит), заҳрадон (холесистит), кариес (пӯсиши дандон) буда, дар варзишгарон зиёд дида мешаванд. Ин иллатҳо, дар навбати худ, ба пайдоиши бемориҳои дилу рагҳо, аз ҷумла ихтилоҷи беихтиёри рагҳои дил (тонзлокардиалӣ), вайроншавии ғизогирии мушакҳои дил (тағйироти дистрофикии миокард), вайроншавии кори дил мусоидат менамоянд.
Бояд таъкид кард, ки фоизи мавзеъҳои сироятии музмин дар байни варзишгарон, назар ба дигар қишри аҳолӣ бештар сабт гардидааст. Он аслан, чун илтиҳоби музмини ғадуди бодомшакл – дар байни калонсолон (5 – 6 дарсад) ва дар байни кӯдакон (10 – 12 дарсад) зоҳир мегардад. Сабаби ин, пеш аз ҳама, сарбории барзиёди ҷисмонии варзишгарон мебошад. Нишондодҳо собит менамоянд, ки мавзеъҳои сироятии музмин на дар ҳолатҳои оромӣ ва муқаррарӣ, балки ҳангоми сарбориҳои шиддатноки варзишӣ ба дигар узвҳо таъсири манфӣ мерасонанд. Зеро, ҳангоми сарбории барзиёди ҷисмонӣ гардиши хун шиддат гирифта, бо сироят омезиш меёбад ва ин, дар навбати худ, боиси иллатёбии узвҳои бошиддат коркунанда – дил, буғмҳо ва гурдаҳо мегардад. Дар чунин ҳолатҳо агар тамринҳоро кам насозем, муқовимати иммунобиологии варзишгар паст мешавад.
Яке аз омилҳои пайдоиши мавзеъҳои сироятии музмин дар байни варзишгарон ин нафасгирӣ бо даҳон ҳангоми тамринҳо мебошад. Ин ҷиҳат сабаби пайдоиши шамолхӯрӣ, камшавии муқовимати пардаи луобии ковокии даҳон, кариеси дандонҳо ва тонзиллити музмин шуда метавонад.
Тасдиқи ин гуфтаҳо миқдори зиёди варзишгарони бо тонзиллит ба қайд гирифташуда, хусусан, дар намудҳои варзиши зимистона, мебошад. Аз ин рӯ, пас аз анҷоми тамринҳо варзишгарон бояд ҳатман бо маҳлулҳои гадзидоӣ даҳонашонро обгардон намоянд. Инчунин, машқҳои бесамар ва вайронсозии реҷаи тамрин низ ба организм таъсири бад доранд.
Ҳамин тавр, се навъи таъсири манфии мавзеъҳои сироятии музмин ҳангоми сарбориҳои варзишӣ ба назар мерасанд: пастшавии қобилияти ҷисмонӣ ва натиҷаҳои варзишӣ; пайдоиш ва инкишофи бемориҳои гуногун, бахусус дар системаи дилу рагҳо; имконпазирии фавти ногаҳонӣ дар натиҷаи «сактаи уфунатӣ».
Бо назардошти ин, мавҷудияти мавзеъҳои сироятии музмин вазъи манфии саломатӣ арзёбӣ шуда, ҷиҳати шуғлварзӣ ба варзиш маҳдудият пеш меорад. Аз ин лиҳоз, қаблан, бояд мавзеъҳои сироятӣ тавассути муоинаҳои тиббии саривақтӣ ташхис карда шуда, иллатҳои ошкоршуда сари вақт табобат ва бартараф карда шаванд.
Нуриддин ИМОМОВ,
мудири шуъбаи Марказии шаҳрии
муоина ва назорати тиббии варзишгарон,
Нуралӣ ҚУРБОНОВ, табиби маркази мазкур


Баёни ақида (0)    Санаи нашр: 30.11.2016    №: 235    Мутолиа карданд: 2103

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед