logo

иҷтимоиёт

ТАНЗИМ. САНАДҲОИ НАВ БАРОИ БОЗОРИ ИСТЕЪМОЛӢ

- Дар ҷумҳурӣ давоми нуҳ моҳи соли ҷорӣ 3 ҳазору 319 ҳолати вайрон кардани қоидаҳои савдо, фиреби истеъмолкунандагон ва фурӯши маҳсулоти муҳлати истеъмолиашон гузашта ба қайд гирифта шудааст. Шахсони қонуншикан дар ҳаҷми 863 ҳазор сомонӣ ҷарима баста шуданд, - иттилоъ дод, - Назрулло Шарифзода, сардори раёсати нозироти савдои Агентии Тоҷикстандарт, зимни ҷаласа дар мавзӯи «Мусоидат ба савдо дар Ҷумҳурии Тоҷикистон».
Барои ба як низоми муайян даровардани ҳолати мазкур мақомоти дахлдор тасмим гирифтанд, ки тавассути қабули дархосту пешниҳодҳои мутахассисон  санадҳои меъёрию ҳуқуқӣ таҳия намоянд. Ин масъала, аллакай дар вилояти Суғду Хатлон мавриди муҳокима қарор гирифт. Масъулони Вазорати рушди иқтисод ва савдои ҷумҳурӣ мақомоти иҷроияи маҳаллии ҳокимияти давлатӣ дар шаҳри Душанбе ва дигар мақомотҳои дахлдор дар чорабинӣ вазъи кунунии бозори истеъмолиро дар пойтахти кишвар чунин арзёбӣ карданд:
- Барои субъекти хоҷагидор, ки ба хидмати истеъмолкунанда машғул мешавад, пеш аз ҳама зарур аст, тайёрии касбии махсус дошта бошад, қоидаҳои муқаррарнамудаи савдо ва хизматрасониро риоя кунад, аз қабили қоидаҳои нигоҳдории молу маҳсулот, қоидаҳои тамғагузории воситаҳои ченак ва вазн, иҷрои дурусти намоиш ва борпечонии мол, қоидаҳои санитарӣ – гигиенӣ, додани иттилои дақиқ ва саривақтӣ оид ба хусусиятҳои асосии мол, санаи истеҳсол, нарх, ном ва макони истеҳсоли мол, пешниҳоди сертификати тасдиқи мол ва сифат, дафтарчаи тиббӣ ва амсоли онҳо. Мутаассифона, дар аксар маврид ин қоидаҳо аз ҷониби фурӯшанда ба эътибор гирифта намешавад, ин амал бар хилофи талаботи банди 4 – уми Қонуни Ҷумҳурии Тоҷикистон "Дар бораи савдо ва хизматрасонии майишӣ" мебошад. Яке аз проблемаи асосии самти хизматрасонии муассисаҳои хӯроки умум  (махсусан нуқтаҳои фурӯши хӯрок дар муассисаҳои таълимӣ ва байниидоравӣ, объектҳои сайёри савдои хурди чакана) ва савдои кӯчагӣ мебошад, ки бидуни риояи қоидаҳои санитарӣ, аз муоинаи тиббӣ гузаштани фурӯшанда ва номутобиқатии маҳсулот ба стандарт амал мекунад, боиси ташвиш аст. Аз ҷониби Хадамоти давлатии санитарию эпидемиологӣ дар нуҳ моҳи соли равон 937 ҳолати қонуншиканӣ ба қайд гирифта шудааст, ки мутаносибан ба 60,9 фоиз баробар аст. Ба иттилои манбаъ, бенизомӣ ба он оварда расонд, ки дар пойтахт муддате бемории меъдаю рӯда авҷ гирад.
Феълан масъулон зарур меҳисобанд, ки барои танзими ин ҳолат дар санадҳои нав ба инобат гирифтани хусусиятҳои миллӣ дар нуқтаҳои хӯроки умум,  махсус дарҷ гардад. Коршиносон аз байн бурдани савдои кӯчагиро роҳи ҳал намеҳисобанд ва баръакс ба як тартиби муайян даровардани онро зарур медонанд. Зеро риоя накардани бандҳои қонун аз ҷониби бархе мақомот вазъи бозори истеъмолиро дар пойтахт нохуб сохтааст. Махсусан, аз маъмурияти бозорҳо даъват ба амал оварда мешавад, ки ҳангоми гузарондани санҷиши ҳаррӯзаи нуқтаҳои савдо ва ошкор кардани ҳолатҳои ғайриқонунӣ тадбирҳои фаврӣ андешида, худи ҳамон рӯз ба мақомоти дахлдори назоратӣ ва санҷишӣ хабар диҳанд. Бо таҳия ва татбиқи санадҳои нави меъёрию ҳуқуқӣ умед аст, ки вазъи савдо ва хизматрасонӣ на танҳо дар пойтахт, балки дар тамоми манотиқи кишвар боз ҳам беҳтар хоҳад шуд.
Оҳистамоҳи ВАФОБЕК, «Ҷумҳурият»


Баёни ақида (0)    Санаи нашр: 1.12.2016    №: 236    Мутолиа карданд: 2283

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед