logo

иқтисод

ТАФАККУРИ ИҚТИСОДӢ САРМОЯГУЗОРИРО РУШД МЕДИҲАД

30 ноябр дар Маркази тадқиқоти стратегии назди Президенти Ҷумҳурии Тоҷикистон бо мақсади ташкили низоми доимоамалкунандаи муҳокимаю машваратҳои самаранок доир ба масъалаҳои мубрами рушди иҷтимоию иқтисодии кишвар дар мавзӯи «Сиёсати сармоягузории Тоҷикистон: вазъ ва дурнамо» Симпозиуми илмию амалии ҷумҳуриявӣ баргузор гашт.

Бино ба иттилои Сайфулло Сафаров, муовини аввали директори Маркази тадқиқоти стратегӣ, ҳадафи асосии ҳамоиш мусоидати такмили фаъолияти мақомоти давлатӣ, соҳибкорӣ ва ҷомеаи шаҳрвандӣ дар таъмини рушди иқтисоди кишвар буда, муҳокима ва мубодилаи афкори созанда дар ин мавзӯъ барои беҳтар шудани фазои сармоягузорӣ мусоидат менамояд.
Дар меҳвари мубоҳисаву афкори иштирокдорони ҳамоиш мавзӯи сиёсати сармоягузории Тоҷикистон ва натиҷаҳои он дар замони соҳибистиқлолӣ қарор дошт. Дар ин маврид нуктаҳои ҷолибро Умед Давлатзод, муовини вазири рушди иқтисод ва савдои кишвар, ироа дошт: «Имрӯз вақти он расидааст, ки тафаккури иқтисодии мардум, бахусус ҷавононро рушд ва инкишоф диҳем. Аз назари қонунӣ барномаву стратегияҳо қабул гардида, чорабиниҳои соҳавӣ дар мавриди сармоягузории мустақим ва хориҷӣ низ мунтазам роҳандозӣ мешаванд, аммо ҳоло масъалаи муҳимтар аз ҳама қишрҳои гуногуни ҷомеаро аз модели истеъмолӣ ба модели истеҳсолӣ ошно сохтан аст». Ҳамзамон, ӯ таъкид дошт, ки ҳангоми ба кор ҷалб кардани мутахассисони ҷавон ба соҳаи сармоягузорӣ ду вижагии муҳим сарфи назар мегардад: «Аксар маврид мутахассисон ба корҳои бонкиву иқтисодӣ аз рӯи малакаву таҷрибаи кор бо технологияи муосир ва донистани забонҳои хориҷӣ ҷалб карда мешаванд, вале, мутаассифона, ду ҷиҳати муҳим, санҷиши тафаккури муосири иқтисодӣ ва малакаи дипломатии онҳо ба инобат гирифта намешавад».
Сармоягузорӣ, пеш аз ҳама, бо бонк ва ташкилоти гуногуни қарздиҳӣ робитаи қавӣ дорад. Перомуни ин мавзӯи муҳим Сироҷиддин Икромӣ, муовини раиси Бонки миллии Тоҷикистон, ибрози андеша намуда, зикр сохт, ки соҳибкории хурду миёна ба қарзҳои дарозмуддат ва имтиёзнок ниёзи шадид дорад, зеро сарчашмаи рушди соҳибкориро дар кишвар сармоягузорӣ ташкил медиҳад. Муаммои асосӣ дар ин соҳа аз кӯтоҳмуддат будани қарзҳо барои соҳибкорон аст. Ин боз ҳам рабт дорад ба низоми бонкӣ ва муҳлати ками амонатгузории мардум дар бонкҳои давлативу ғайридавлатӣ. Ҳоло дар Тоҷикистон 109 ташкилоти қарздиҳӣ амал мекунад, ки муносибатҳои корӣ ва таъсири онҳо ба фазои сармоягузорӣ хеле калон аст.
- Бо баробари зиёд шудани бовару эътимоди мардум ба низоми бонкӣ ва амонатгузориҳои гуногун, то соли ҷорӣ 91,6 дарсади қарзҳои имтиёзнок аз ҳисоби амонатҳои мардум ва низоми бонкӣ дода шудааст. Раванди фаъолияти мардумро бештар ба истифодаи маблағҳои ғайринақдӣ (кортҳои пластикӣ, терминалҳо) мутобиқ гардондан низ аз масъалаҳои муҳими соҳаи иқтисоду бонкдорӣ мебошад, - тазаккур дод Сироҷиддин Икромӣ.
Иштирокчиёни ҳамоиш таъкид намуданд, ки ҷонибдории пешниҳоду иқдомҳои вобаста ба сармоягузорӣ, дастгирии ҳуқуқии ҷалби сармоя ва дарёфти сарчашмаҳою шаклҳои муосири маблағгузории лоиҳаҳои сармоягузорӣ ба самаранокии рафти ислоҳоти иқтисодӣ дар доираи сиёсати сармоягузорӣ ва ҳамгироиҳои он бо афзалиятҳои соҳавию минтақавӣ мусоидат мекунад.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 1.12.2016    №: 236    Мутолиа карданд: 1448

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед