logo

порлумон

СТРАТЕГИЯИ МИЛЛИИ РУШД. ЛОИҲАИ ОН ТО СОЛИ 2030 БА ТАСВИБ РАСИД

Вакилони Маҷлиси намояндагони Маҷлиси Олии Ҷумҳурии Тоҷикистон дар ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон даъвати панҷум,  ки таҳти раёсати Шукурҷон Зуҳуров, Раиси Маҷлиси намояндагон, баргузор гардид, лоиҳаи Стратегияи миллии рушди Ҷумҳурии Тоҷикистон барои давраи то соли 2030 - ро ба тасвиб расонданд.
Неъматулло Ҳикматуллозода, вазири рушди иқтисод ва савдои Ҷумҳурии Тоҷикистон, зимни баррасии он иброз дошт, ки  ҳуҷҷати мазкур аз рӯи се принсипи асосӣ, аз ҷумла пешгирии осебпазирии рушди оянда, баланд бардоштани самаранокии истифодаи захираҳои миллӣ, рушд дар асоси навовариҳо дар ҳама соҳаҳои ҳаёти иҷтимоӣ – иқтисодии кишвар тарҳрезӣ гардидааст, ки дар натиҷаи амалисозии онҳо рушди устувори иқтисодиёти мамлакат то ба давраи дарозмуҳлат таъмин гардида, барои баланд бардоштани сатҳи некуаҳволии мардум мусоидат мекунад. Вазири молия зикр кард, ки дар ҳуҷҷати стратегӣ се марҳилаи панҷсолаи рушд: солҳои 2016 – 2020 гузариш ба модели нави рушди иқтисодиёт, солҳои 2021 – 2025 рушди босуръати иқтисодиёт, ки бо ҷалби сармоягузорӣ асос меёбад ва солҳои 2026 – 2030 ба анҷом расондани индустрикунонии суръатнок тавассути баланд бардоштани иқтидорҳо бо назардошти рушди илм ва инноватсия пешбинӣ шудааст. Марҳилаи якум ба рушди соҳаи индустриалӣ заминаи воқеӣ мегузорад. Тавассути он афзоиши босуръати соҳаҳои саноат, кишоварзӣ ва молия таъмин гардида, барои ташкили ҷойҳои нави корӣ, дараҷаи баланди истеҳсолот, таҳкими иқтидори содиротии кишвар замина фароҳам меорад, ки дар натиҷа вобастагии иқтисодиёти кишвар аз омилҳои беруна коҳиш меёбад. Барои марҳилаи дуюми рушди иқтисодиёт ҷалби сармоягузориҳои мустақими хориҷӣ ва тараққӣ додани бахши воқеии иқтисодиёт ва инфрасохтор хос мебошад. Дар ин марҳилаи стратегӣ амнияти энергетикӣ, ки ҳадафи он пурра қонеъ намудани талаботи иқтисодиёт бо захираҳои энергетикӣ мебошад, амалӣ мегардад. Масъалаи раҳоӣ ёфтани Тоҷикистон аз бунбасти коммуникатсионӣ пурра ҳал мегардад. Дар марҳилаи сеюм бошад, стратегияи рушди саноат ба ҷалби бевоситаи сармоягузорӣ асос ёфта, дигаргуншавии он дар заминаи илму техника ва инноватсия ба роҳ монда мешавад.
Назар ба гуфтаи вазири молия, сатҳи камбизоатӣ ду маротиба коҳиш ёфта, ҳиссаи табақаи миёна аз 22 дарсад ба 50 дарсад расонда мешавад. Иқтидори энергетикии кишвар аз 17 миллиард килловат ба 45 миллиард киловатт хоҳад расид. Зикр гардид, ки эҳтиёҷоти умумии молиявии ҳуҷҷати мазкур беш аз 118 миллиарду 100 миллион доллар, аз ҷумла аз ҳисоби сарчашмаҳои буҷетӣ 47,5 дарсад, бахши хусусӣ 46 дарсад ва шарикони рушд 6 дарсадро ташкил медиҳанд.
Дар маҷмӯъ стратегияи мазкур ҳамчун нақшаи фаъолият барои тамоми мақомоти ҳокимияти давлатӣ, бахши хусусӣ ва ҷомеаи шаҳрвандӣ ба ҳисоб меравад.
Мунаввари САФАР, «Ҷумҳурият»


Баёни ақида (0)    Санаи нашр: 2.12.2016    №: 237    Мутолиа карданд: 8374

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед