logo

сиёсат

ПЕШВОИ МИЛЛАТ: "АЗ САТҲИ ИМРӮЗАИ ҲАМКОРИҲО ҚАНОАТМАНДЕМ"

Изҳороти матбуотии Эмомалӣ Раҳмон, Президенти Ҷумҳурии Тоҷикистон,  аз рӯи натиҷаҳои мулоқот бо Президенти Ҷумҳурии Чехия Милош Земан, Чехия, 1 декабри соли 2016

Муҳтарам намояндагони воситаҳои ахбори омма,
хонумҳо ва ҷанобон!
Сараввал, мехостам қаноатмандии хешро аз натиҷаҳои мулоқот бо Президенти Чехияи дӯст, Ҷаноби Олӣ Милош Земан ва дигар шахсони расмӣ, ки дар фазои ҳамдигарфаҳмӣ ва ҳусни ният баргузор гардиданд, иброз намоям.
Музокироти мазкурро мо ҳамчун идомаи муколамаи созандаи байни ду кишвар дар сатҳи баланду олӣ медонем ва натиҷаҳои онҳоро самарабахш арзёбӣ менамоем.
Дар ҷараёни суҳбати хоса ва музокироти васеи ҳайатҳо мо маҷмӯи васеи масъалаҳои марбут ба муносибатҳои дуҷонибаро мавриди баррасӣ қарор додем. Мо, инчунин атрофи  масъалаҳои мубрами минтақавию ҷаҳонӣ табодули андеша намудем.
Зимни сафар бастаи нави санадҳои ҳамкориҳои дуҷониба ба имзо расид, ки асоси шартномавию ҳуқуқии ҳамкориҳои моро  васеътар гардонид.
Тоҷикистон дар стратегияи байналмилалии худ ба самти аврупоӣ таваҷҷуҳи хоса дорад. Робитаҳои мо бо кишварҳои аъзои Иттиҳоди Аврупо, бахусус бо Ҷумҳурии Чехия дар асоси анъанаҳои неки дӯстӣ, эътимод ва эҳтироми мутақобила ташаккул  ёфтаанд. Мо Чехияро дар Аврупо ба сифати шарики муҳими худ эътироф кардаем ва аз сатҳи имрӯзаи ҳамкориҳои дуҷонибаи худ бо он изҳори қаноатмандӣ менамоем.
Ҳамзамон, таъкид карданиам, ки барои рушду тавсеаи онҳо дар ҳама соҳаҳои мавриди таваҷҷуҳи тарафайн  имкониятҳои фарох вуҷуд доранд. Соҳаҳои иқтисоду тиҷорат, саноату энергетика, сармоягузорӣ, маориф, илму фарҳанг, тандурустӣ, туризм ва амният аз ҷумлаи самтҳое мебошанд, ки ду кишвар метавонанд дар онҳо доираи робитаҳояшонро тавсеа бахшанд.
Зимнан, мо ҳавасмандии худро ҷиҳати бо иқдомҳои мушаххас ғанӣ гардондани ҳамкориҳои ҷонибҳо дар бахшҳои бунёдӣ ва воқеии иқтисодиёт эълом намудем.
Дар рафти музокирот ба масъалаи рушди ҳамкориҳо дар бахши хусусӣ таваҷҷуҳи хоса зоҳир  карда шуд. Мо даъват ба амал овардем, ки ширкатҳои чехӣ бо истифода аз технологияҳои навин ва сармояи худ дар иқтисодиёти мо фаъолият намоянд ва омодаем, ки ба онҳо шароити мусоид фароҳам  созем.
Ҷониби Тоҷикистон инчунин бар он назар аст, ки рушди робитаҳои гуманитарӣ доираи муносиботи дуҷонибаи кишварҳоямонро дучанд васеъ хоҳад гардонд.
Мо таҳсили донишҷӯёни тоҷикро дар донишгоҳҳои Чехия ва табодули устодону толибилмонро ҳамчун омили таҳкимбахши ин раванд медонем.
Ҷонибҳо манфиатдории худро аз рушди тамосҳои сиёсӣ ва ҳамкориҳо дар доираи созмонҳои байналмилалӣ изҳор намуданд.
Зимнан, мавқеи ҳамсон ё ягонаи ҷонибҳо барои тақвияти мубориза алайҳи чунин падидаҳои харобиовари ҷаҳони муосир, аз қабили терроризми байналмилалӣ, ифротгароӣ, интиқоли ғайриқонунии маводи мухаддир ва дигар ҷинояткории фаромиллӣ таъкид гардид.
Дар рафти музокирот мо атрофи  қазияи Афғонистон мубодилаи афкор намудем. Вобаста ба масъалаи мазкур мо ба натиҷа расидем, ки ҷомеаи ҷаҳонӣ бояд муттаҳидона баҳри истиқрори сулҳу субот дар Афғонистон, аз ҷумла тавассути мусоидат ба эҳёи иҷтимоию иқтисодии он чораҳои муассир андешад.
Дар хотима, мехоҳам бори дигар ба ҳамтои худ, Президенти муҳтарами Чехия барои даъват  ҷиҳати анҷом додани сафари расмӣ, ҳамчунин меҳмоннавозӣ   дар сарзамини Чехия  изҳори сипос намоям.
Ташаккур.


Баёни ақида (0)    Санаи нашр: 2.12.2016    №: 237    Мутолиа карданд: 2065

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед