logo

ҳуқуқ

БАРОДАРОНИ ГУМРОҲ. ДУ НАФАР ДАР КОФТУКОВ ВА ДУИ ДИГАР РАВОНАИ ЗИНДОН ШУД

Дар ҷомеа, мутаассифона, ҳанӯз ҳам нафарони гумроҳе пайдо мешаванд, ки ба ҷойи шукргузорӣ аз сулҳу ваҳдати пойдор, Тоҷикистони соҳибистиқлолу шукуфон фирефтаи ваъдаҳои дурӯғини гурӯҳҳои ҷиноятпеша гардида, ба доми фиреби онҳо меафтанд.  Ба ин оилаи Ҳалимовҳо, ки пойбанди хоҷагони дохилию хориҷӣ гардида, ба иттиҳоди ҷиноятии  экстремистӣ (ифротгароӣ) - террористии «Давлати Исломӣ»   пайвастаанд, мисол шуда метавонад.
Суди ноҳияи Исмоили Сомонии шаҳри Душанбе  парвандаи ҷиноятиро нисбат ба Ҳалимов Сайдулло Мирзоевич бо моддаҳои 187 қисми 2, 36 қисми 5 - 4011, 32 қисми 1 - 4011 Кодекси ҷиноятии Ҷумҳурии Тоҷикистон ва Ҳалимов Хушвахт Мирзоевич бо моддаҳои 187 қисми 2, 1792  қисми 3 банди “а”, 32 қисми 3 - 4011 ҳамин кодекс моҳиятан баррасӣ кард. Зимни баррасии парвандаи ҷиноятӣ маълум гашт, ки сокинони деҳаи Шайнаки Чинор, деҳоти Чортеппаи ноҳияи Рӯдакӣ бародарон Ҳалимовҳо  аъзои фаъоли гурӯҳи «Давлати Исломӣ» гардида, даст ба ҷиноят задаанд. Масалан, Муродалӣ Ҳалимов бо тахаллуси «БОСС» тавассути барномаи интернетии «Viber» ва «WhatsApp» моҳи июни соли гузашта ҳангоми дар муҳоҷирати корӣ дар шаҳри Маскави Федератсияи Русия қарор доштанаш, барои иштирок дар иттиҳоди ҷиноятии  экстремистӣ (ифротгароӣ) - террористии «Давлати Исломӣ»  ризоият дода, аъзои ин ташкилот гардидааст.
Номбурда дидаю дониста ғоя ва ақидаҳои ин гурӯҳро ҷонибдорӣ намуда, иҷрои ҳаракатҳоеро, ки бо нақша ва мақсадҳои фаъолияти иттиҳоди ҷиноятии мазкур рабт доранд, дар қаламрави кишвар ба уҳда гирифтааст. Аз ҷумла, бо мақсади дар Тоҷикистон ба амал баровардани мақсадҳои фаъолияти ташкилоти экстремистӣ-террористии «Давлати Исломӣ» моҳи августи соли гузашта аз муҳоҷирати корӣ баргашта, бо супориши аъзои фаъоли ташкилоти ҷиноятии мазкур - бародараш Муродалӣ Ҳалимов ба худ тахаллуси «Абдураҳмон» монда, маблағгузории ҷиноятҳои хусусияти террористидошта ва шахсони мақсади иштирок дар задухӯрдҳои мусаллаҳонаи давлати Сурия доштаро ба зимма гирифтааст. Вай, бо ин мақсад моҳи феврали соли равон тавассути роҳнамоии бародари дигараш Нурулло  Ҳалимов аз аъзои ташкилоти экстремистии “Давлати Исломӣ” Суннатуллои Э., сокини ноҳияи Фирдавсии  шаҳри Душанбе, 1000 доллари ИМА гирифта, онро барои ба Сурия рафтани аъзои ин ташкилоти ҷиноятӣ сарф кардааст.
Нурулло Ҳалимов аввалҳои моҳи марти соли ҷорӣ тавассути барномаи интернетии «Viber» дар бораи ба Туркия расиданаш ба бародараш Сайдулло Ҳалимов хабар дода, супориш додааст, ки ҳамсараш Моҳира Қаландарова ва фарзандони хурдсолаш Лутфулло ва Гулзодаро ба Туркия фиристад.  С. Ҳалимов аз рӯи супориши додараш амал намуда, 5 майи соли равон ҳамсари ӯро бо фарзандонаш аз фурудгоҳи шаҳри Душанбе ба Туркия мефиристад. Ҳамчунин, Хушвахт  Ҳалимов бо даъвати бародараш Муродалӣ Ҳалимов мақсади тавассути вилояти Челябинскии Федератсияи Русия ба Туркия ва аз он ҷо ба Сурия рафта, дар задухӯрдҳои мусаллаҳона иштирок намуданро кардааст. Дар натиҷаи гузарондани чорабиниҳои фаврӣ - ҷустуҷӯӣ ин кирдори ҷинояткоронаи Х. М. Ҳалимов ва шариконаш аз ҷониби кормандони милитсия ошкор ва худи ӯ дастгир гардид. Нисбат ба Суннатуллои Э. бо моддаҳои 36 қисми 5 – 4011, 1792 Кодекси ҷиноятии Ҷумҳурии Тоҷикистон, нисбат ба Н. М. Ҳалимов бо моддаи 4011 ҳамин кодекс ва нисбат ба М. М. Ҳалимов бо моддаҳои 187 қисми 2, 3073 қисми 2 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, онҳо дар кофтукови расмӣ қарор доранд.
Суди ноҳияи Исмоили Сомонии шаҳри Душанбе бо ҳукми худ, аз 27 октябри соли 2016, ба  судшаванда Х. М. Ҳалимов ҷазои ниҳоӣ 17  сол маҳрум сохтан аз озодӣ, бо нигоҳ доштан дар колонияи ислоҳии дорои низомаш сахт таъйин намуд. Ба судшаванда С. М. Ҳалимов бошад, ҷазои ниҳоӣ 15 сол маҳрум сохтан аз озодӣ, бо нигоҳ доштан дар колонияи ислоҳии дорои низомаш сахт таъйин кард.
Ҳадаф аз пешкаши хонанда гардондани ин мурофиаи судӣ дар он аст, ки наврасону ҷавонони кишвар фирефтаи таблиғоту ақидаҳои бебунёди гурӯҳҳои ифротӣ нашаванд, ба қадри Тоҷикистони ободу зебо - хонаи умеди ҳамаи мо бирасанд, ҳаёти худ ва дигаронро зери хатар нагузоранд. Барои ҳифзи дастовардҳои Истиқлолияти давлатӣ, таҳкими сулҳу суботи кишвар, боз ҳам ободу зебо гардондани Ватани маҳбуб ва фароҳам овардани шароити арзандаи  зиндагӣ ба ҳар як сокини мамлакат саъю талоши доимӣ намоянд.
Додоҷон РӮЗИЕВ,  «Ҷумҳурият»


Баёни ақида (0)    Санаи нашр: 5.12.2016    №: 238    Мутолиа карданд: 2739

21.11.2018


Аз таркиш дар Кобул беш аз 50 нафар ҳалок шуд

Ӯзбекистон нахустин намоишгоҳ-ярмаркаи байналмилалии содиротӣ мегузаронад

Могерини: «Иттиҳоди Аврупо «артиши аврупоӣ» ташкил карданӣ нест»

Табобати гепатити С дар Беларус аз арзонтарин дар Аврупост

Ҷаҳон дар як сатр

ДУШАНБЕ. Таҷлили нахустин ҷашни занони соҳибкор

ДЕВАШТИЧ. Тантанаи Рӯзи Президент

Иштироки мунтахаби футболи бонувон дар CAFA

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд


Дар сомонаҳои дигари Тоҷикистон хонед