logo

ҳуқуқ

ҶАЗОИ ҶИСМОНӢ. ФАРЗАНДОН БОЯД АЗ ИН МУНОСИБАТИ ХАТАРЗО ОЗОД БОШАНД

Тавре аз дидгоҳи илми криминология, (яке аз соҳаҳои мустақили илми ҳуқуқшиносӣ) бармеояд, содир намудани ҷиноят аз ҷониби наврасону ҷавонон аксаран ҳангоми дар тарбияи волидон буданашон заминагузорӣ мешавад. Агар рафторҳои ғайриқонунии онҳо сари вақт пешгирӣ нашаванд, ба оқибатҳои вазнин ва ногувор оварда мерасонанд.

Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» беш аз панҷ сол аст, ки мавриди амал қарор дорад. Дар банди 2, моддаи 5-и он дар хусуси рисолати падару модар омадааст: «Вазифаи падару модар фароҳам овардани шароити моддӣ, молиявӣ, маънавӣ ва равонӣ дар таълиму тарбияи дурусти фарзанд мебошад». Бо такя ба ин муқаррароти банди қонун ва ҳам таҷрибаи оиладории ҷомеаи миллии мо метавон гуфт, ки воқеан нақши оила дар таъмини рушди шоистаи шахсияти фарзандон ва камолоти маънавию ҳамаҷонибаи онҳо басо бузург буда, ҳатто дар оянда низ ивазнашаванда боқӣ хоҳад монд. Бинобар ин, дар роҳи ҷиноят ва ё берун аз он қадам ниҳодани наврасон аксаран маҳз аз шароити тарбияи онҳо дар муҳити оила вобастагӣ дорад. Маҳз аз ҳамин ҷост, ки аснои боздошти ноболиғон бо ҷурми даст доштанашон дар ҷиноят аз сӯи мақомоти дахлдор, муқаддам аз ҳама, вазъи хонаводагии онҳо санҷида мешавад.
Мутаассифона, падару модароне ҳастанд, ки дар тарбияи фарзандон ба иштибоҳи ҷиддиву аксаран ислоҳнопазир роҳ медиҳанд. Барои мисол, ҷазои ҷисмонӣ бо иловаи таҳқирҳои равонӣ фарзандонро ба сустиродагию карахтӣ, беҷуръатию худнобоварӣ ва аз ҳама хатарнокаш тарсуию дурӯғгӯӣ мебарад. Чунин муносибат дар хатокории кӯдакон замина шуда, онҳоро водор месозад, ки барои пинҳон доштани хатои содиркардаашон дурӯғ гӯянд.
Донишмандону коршиносони Ғарб ва ҳам собиқ Иттиҳоди Шӯравӣ бар он назар буданд, ки қисми бештари тарбия ба кас то 5 - 6 - солагиаш дода мешавад ва баъди гузашти ин айём ҳамагӣ таъсири камтар аз даҳ дарсади ин раванд барояш боқӣ хоҳад монд. Аз ин рӯ, ба падару модарон тибқи қонунгузорӣ дар тарбияи фарзандон нисбат ба шахсони дигар ҳуқуқи бештар дода шудааст. Ин маънӣ водор месозад, ки ҳар падару модар зарурати ба кор бурдани дастовардҳои замони муосири улуми педагогиву психологиро дар самти роҳандозии тарбияи фарзандони хеш оқилонаву сабурона истифода намояд.
Бар замми ин, танҳо бо истифода аз неруи сеҳрангези сухан, ки воситаи асосии тарбия ҳам ҳамин аст, падару модарон метавонанд насли худро аз ҷиҳати ахлоқӣ, ҷисмонӣ, зеҳнӣ, меҳнатӣ ва эстетикӣ тарбия намоянд. Фақат дар сурати ана ҳамин панҷ намуди асосии тарбияро ба гунаи комил соҳиб гардидани фарзандон, ки ин, албатта, бидуни ширкати фаъоли мактабу ҷомеа имконнопазир хоҳад буд, бо бовари том метавонем гӯем, ки рушди ҳамаҷонибаи онҳо таъмин шудаву ҷинояту ҷиноятпешагӣ барояшон бегона аст.
Муҳаббат РАҲМАТОВА,
омӯзгори муассисаи таҳсилоти миёнаи умумии № 14,
шаҳри Кӯлоб


Баёни ақида (0)    Санаи нашр: 5.12.2016    №: 238    Мутолиа карданд: 2782

21.11.2018


Аз таркиш дар Кобул беш аз 50 нафар ҳалок шуд

Ӯзбекистон нахустин намоишгоҳ-ярмаркаи байналмилалии содиротӣ мегузаронад

Могерини: «Иттиҳоди Аврупо «артиши аврупоӣ» ташкил карданӣ нест»

Табобати гепатити С дар Беларус аз арзонтарин дар Аврупост

Ҷаҳон дар як сатр

ДУШАНБЕ. Таҷлили нахустин ҷашни занони соҳибкор

ДЕВАШТИЧ. Тантанаи Рӯзи Президент

Иштироки мунтахаби футболи бонувон дар CAFA

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд


Дар сомонаҳои дигари Тоҷикистон хонед