logo

иқтисод

ҲИСОР ШАҲРЕ ДАР МАСИРИ РУШД

Роҳҳои тахту ҳамвор, мумфаршу ҷавобгӯ ба талаботи меъёрҳои роҳсозии муосир, гулгашту хиёбонҳои назаррабо, биноҳои муҳташам, бунёди коргоҳҳои нав, меҳмонсарову марказҳои фароғатӣ, мактабу кӯдакистонҳои хуштарҳу замонавӣ, бозорҳои фаровон аз анвои гуногуни молу маҳсулот шаҳри бостонии Ҳисорро ба чашми бинанда бо симои нав ҷилвагар месозад.
Мусаллам аст, ки таҷлили бошукӯҳи ҷашни 3000 - солагии Ҳисор ва дар заминаи он бунёди даҳҳо иншооти хурду бузург ин шаҳри бостониро тарҳи тоза бахшида, ба рушди соҳоти гуногуни хоҷагии халқ мусоидат намудааст. Ба тозагӣ мавриди истифода қарор гирифтани чанд иншооти таъйиноти гуногун ва ба фаъолият шурӯъ намудани Комбинати металлургии тоҷик дар шаҳри Ҳисор, ки зимни сафари кории Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иттифоқ афтод, маҷрои корҳои бунёдиро вусъат дода, ба рушду тараққиёти минбаъдаи хоҷагии халқи шаҳр боз ҳам такон бахшид.
Ба манзури огоҳӣ пайдо намудан аз ҷараёни корҳои ободониву созандагӣ дар шаҳри Ҳисор, ҳайати журналистон ба намояндагӣ аз расонаҳои давлативу хусусӣ аз ин гӯшаи диёр боздид карданд. Зимни сафар хабарнигорон оид ба фаъолияти муассисаҳои нави таълимӣ, марказҳои тиҷорату савдо, корхонаҳои истеҳсолӣ, хоҷагиҳои зироатпарварию чорводорӣ маълумоти кофӣ ба даст оварданд. Аз ҷумла, шиносоӣ аз фаъолияти муассисаи таҳсилоти томактабии хусусии «Табассум», ки дар расми ифтитоҳи он Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иштирок доштанд, нишон дод, ки боғча бо тарҳу намои зоҳирӣ ва ҳам иқтидори таълимияш камназир аст. Зеро бинои кӯдакистон бо истифода аз усулҳои пешрафтаи меъморӣ бунёд гардида, шароити мавҷудаи таълиму тарбия  дар он қобили таваҷҷуҳ аст.  
Матлуба Пӯлодова, мудири боғча, ба хабарнигорон иттилоъ дод, ки муассисаи таҳсилоти томактабии хусусии «Табассум» метавонад беш 200 нафарро ба таълиму тарбия фаро гирад. Омӯзиш дар кӯдакистон ба се забон - тоҷикӣ, русӣ ва англисӣ ба роҳ монда шуда, дорои 14 синфхона, толорҳои варзишӣ, мусиқиву рассомӣ, ҳуҷраи тиббӣ ва ошхона аст. Қарор аст, баробари ҷалби пурраи кӯдакон ба ин муассиса теъдоди кормандон то ба 40 нафар расад, ки моҳонаи онҳо аз 700 то 1200 сомониро ташкил медиҳад.
– Мо ҳайати кормандони кӯдакистон дар партави ғамхориҳои Сарвари давлат дар самти бештар фаро гирифтани кӯдакон дар зинаи аввали таълиму тарбия ва дар маҷмӯъ рушди соҳаи маориф, талош менамоем, ки бо истифода аз чунин шароит таълимгирандагонро дар рӯҳияи донишу адабпарварӣ ва меҳанпарастӣ тарбия намоем, - гуфт Матлуба Пӯлодова.
Дар маркази шаҳр бинои меҳмонхонаи муҳташами «Усто Набот» ба ҳусни Ҳисори шодмон зебоии нав бахшида, ба рушду тараққиёти рӯзафзуни шаҳрдорӣ ишорат мекунад. Бинои меҳмонхона аз панҷ ошёна иборат буда, дар як вақт барои хизматрасонӣ ба шаст нафар пешбинӣ шудааст. Қобили зикр аст, ки Эмомалӣ Раҳмон, Президенти Ҷумҳурии Тоҷикистон, зимни ифтитоҳ ва шиносоӣ аз шароитҳои хизматрасонии меҳмонхона рӯзи 5 ноябри соли ҷорӣ ба сифати корҳои сохтмонӣ баҳои баланд дода, иқдоми соҳибкор Абдуҳаким Усмоновро дар мавриди бунёди ин иншоот ибратбахш арзёбӣ карда буданд.
Хабарнигорон зимни ташриф ба ин меҳмонсарои хуштарҳу замонавӣ аз расми меҳмоннавозӣ, шароити қабулу гусели меҳмонон ситоиш ва изҳори бовар намуданд, ки бо чунин шароит имкон дорад дар оянда меҳмонони зиёди пойтахти мамлакат низ ба ин ҷо ҷалб шаванд. Аз ин рӯ, ба роҳбарияти меҳмонхона пешниҳод шуд, ки бо мақсади огоҳии бештари меҳмонони дохиливу хориҷӣ дар бораи Тоҷикистон ва шинохти арзишҳои миллӣ имкони дастрасии онҳо ба воситаҳои иттилоотӣ, аз ҷумла, матбуоти даврии кишвар таъмин карда шавад.
Дар идомаи сафар ба шаҳри Ҳисор намояндагони воситаҳои ахбори омма ба Маркази хизматрасонии «Сироҷиддин», воқеъ дар деҳаи Ҳисори деҳоти Ҳисор омаданд. Ин иншоот аз ҷониби соҳибкор Салоҳиддин Қараев  сохта шуда, аз 4 ошёна иборат аст. Тавре маълум гардид, дар ошёнаи якуми бино кошонаи ҳусн, мағоза ва қаҳвахона, дар ошёнаи дуюм маркази дилхушӣ барои кӯдакон ва дар ошёнаи сеюм толори варзиш фаъолият мекунад.
Бартарии ин иншоот дар он аст, ки он бо диди нав бунёд гардида, сатҳи баланди хизматрасонӣ ба роҳ монда шудааст. Аз ҷониби дигар ин иқдоми соҳибкор дар муҳайё намудани ҷойҳои нави корӣ мусоидат намуда, феълан 26 нафар сокини маҳаллиро фаро гирифта, бо маоши хуб таъмин намудааст. Қарор аст, бо васеъ гардидани доираи фаъолият, аниқтараш тарабхона ва ҳаммоми замонавӣ, шумораи умумии коргарони маркази хизматрасонӣ ба 50 нафар расонда шавад.
Шаҳри Ҳисор яке аз минтақаҳои пурфайз ба шумор меравад, ки дар фаровонии бозорҳои пойтахт бо маҳсулоти кишоварзӣ нақши чашмрас дорад. Роҳбарияти мақомоти иҷроияи маҳаллии ҳокимияти давлатии шаҳр дар доираи дастуру ҳидоятҳои роҳбарияти олии кишвар талош доранд, ки ин ҷойгоҳро ҳифз ва таҳким бахшанд. Дар ин замина пешбинӣ мешавад, ки фаъолияти босамари фермаи чорводории навтаъсиси «Абдурауф Юсупов», ки дар он 240 сар гови дӯшоӣ, 410 сар ғуноҷини зоти сиёҳалои тоҷикӣ парвариш мешаванд, ҷиҳати таъмини сокинони Ҳисор ва шаҳри Душанбе бо маҳсулоти шириву гӯштӣ нақши намоён хоҳад гузошт. Айни ҳол, дар ферма беш аз 50 нафар бо ҷойи кор таъмин гардидааст, ки аз ин теъдод 6 нафар мутахассиси дорои маълумоти олӣ мебошад. Зафар Қаландаров, директори Ҷамъияти дорои масъулияти маҳдуди «Абдурауф Юсупов», дар суҳбат бо мо зикр намуд, ки маоши кормандон зиёда аз 1000 сомониро ташкил намуда, онҳо бо хӯроки гарм таъминанд. Гузашта аз ин, ба манзури такмили ихтисос ва баланд бардоштани малакаи корӣ бо ҷалби мутахассисони хориҷӣ пайваста давраҳои омӯзишӣ доир ба тарзу усули нигоҳубини чорво гузаронда мешаванд.
Дар ферма барои дӯшидани чорво технологияи нави аврупоӣ ворид шуда, шири истеҳсолшуда ба Комбинати шири шаҳри Душанбе фиристода мешавад.  Дар ҳамин ҳол роҳбарияти фермаи мазкур тасмим гирифтаанд, ки дар оянда коркарди ширро дар ҳамин ҷо ба роҳ монанд.
Дар маҷмӯъ мушоҳидаҳо нишон доданд, ки шаҳри Ҳисор чун дигар манотиқи кишвар дар партави сиёсати бунёдгарои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста рушд карда, сокинони озодаи ин куҳандиёр ба зиндагии арзандаву рӯзгори шоистатар мушарраф гардидаанд.  
Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 5.12.2016    №: 238    Мутолиа карданд: 1956

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед