logo

иқтисод

САМАР. СУХАН ДАР БОРАИ ЗАҲМАТИ ДЕҲҚОНОНИ АШТӢ МЕРАВАД

Заҳмати деҳқонони ноҳияи Ашт имсол самари хуб ба бор овард. Онҳо бо рӯёндани наздики 9 ҳазор тонна пахта ва  зиёда аз 25 ҳазор тонна зардолу дар таъмини амнияти озуқавории мамлакат саҳм гузоштанд. Ҳосили соли равон нишондиҳандаи баландтарин дар даврони соҳибистиқлолии кишвар маҳсуб меёбад. Умуман, дар ноҳия ҳаҷми маҳсулоти соҳаи кишоварзӣ соли равон ба 146 дарсад расид.

Рафторҷон Муҳаммадиев, сардори раёсати кишоварзии ноҳия, гуфт, ки азбаски дар иқлими ноҳияи Ашт боғдорӣ хеле самарабахш аст, кишоварзон ният доранд, дар оянда рушди бемайлони соҳаро таъмин кунанд. Ин шароит фароҳам меорад, ки  аҳолӣ қитъаҳои замини талу теппаҳоро аз худ карда, боғҳои нав бунёд кунанд. Соли равон дар ноҳия  752 гектар боғҳои нави зардолу бунёд ёфта, масоҳати умумии он дар ҳамаи шаклҳои хоҷагидорӣ ба 18 ҳазору 325 гектар расид. Аз он 12 ҳазору 155 гектар ҳосилдеҳ мебошад. Яке аз манбаъҳои асосии даромади сокинони ноҳия боғдорӣ буда, аҳолии деҳоти ноҳия аз ҳамин ҳисоб рӯзгори хешро пеш мебарад.
Имрӯзҳо дар бозор талабот ба мева, аз ҷумла зардолу афзуда, арзиши як килограмм зардолуи хушк  дар кишварҳои Аврупо аз панҷ доллар беш мебошад. Дар шароити низоми бозоргонӣ аз ҳисоби содироти мева гирифтани даромади хуб имкон дорад. Президенти мамлакат низ ҳангоми сафарҳои корӣ ба вилояти Суғд, соҳибкорони маҳаллиро ба боғдорӣ, дар ин замина бунёди коргоҳҳои  коркарди мева даъват менамоянд. Соли ҷорӣ боғдорону тоҷирони  ноҳия тавонистанд, ки зиёда аз  2 ҳазору 600 тонна меваи зардолу содирот намоянд. Чунин нишондод дар давоми солҳои  соҳибистиқлолӣ бори аввал аст.
Пӯлод Ашӯров, соҳибкор аз маркази ноҳия, шаҳраки Шайдон, ки солҳои зиёд ба тиҷорати маҳсулоти соҳа машғул аст, солҳои охир  дар чандин намоишҳои минтақавию байналмилалӣ иштирок карда, барандаи ҷоизаҳо  гаштааст.
- Мавсими имсола барои мо бобарор омад ва танҳо аз ҳисоби зардолуҳои навъи пешпазак фоидаи бисёр гирифтем, - изҳор  дошт ӯ.
Тибқи дастуру супоришҳои Сарвари давлат оид ба бунёди сардхонаҳо ҷиҳати  нигоҳдории меваи тару тоза  ва таъмини муътадили аҳолӣ корҳои мушаххас анҷом дода, дар ноҳияи сардхона  барои нигоҳдории 200 тонна мева маҳсулот ба истифода дода шуд. Иншооти дигар бо иқтидори зиёдтар соли оянда мавриди баҳрабардорӣ қарор хоҳад гирифт.
Зариф Мирдадо Муҳаммадӣ, раиси ноҳияи Ашт, оид ба рушди иқтисодиву иҷтимоии ноҳия гуфт, ки бунёди коргоҳҳои хурду миёнаи истеҳсолии банду баст, афшураи мева, хамираи он дар бахши боғдорӣ, ҳадафҳои мақомоти иҷроияи маҳаллии ҳокимияти давлатии ноҳия мебошанд.
А. ҶОВИД, «Ҷумҳурият»


Баёни ақида (0)    Санаи нашр: 6.12.2016    №: 239    Мутолиа карданд: 1775

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд


Дар сомонаҳои дигари Тоҷикистон хонед