logo

маориф

НИГАРОНӢ АЗ КАМБУДИҲОИ ЗИЁД ДАР СОҲАИ МАОРИФИ ВИЛОЯТИ СУҒД

Яке аз масъалаҳои рӯзномаи ҷаласаи ҳайати васеи мушовараи прокуратураи вилояти Суғд, ки бо иштироки роҳбарияти раёсати маорифи вилоят, мудирони шуъбаҳои маорифи шаҳру навоҳӣ баррасӣ шуд, ин натиҷаи санҷиши ҳолати риоя ва иҷрои қонунгузорӣ оид ба маориф дар иртибот ба сифати таълиму тарбия миёни муассисаҳои таҳсилоти умумии давлатӣ ва ғайридавлатӣ буд.
Зафар Қаюмзода, сардори шуъбаи назорати иҷрои қонунҳо оид ба ноболиғон ва ҷавонони прокуратураи вилояти Суғд таъкид дошт, ки сарфи назар аз муваффақиятҳо, аз қабили беҳтар шудани шароити таълими хонандагону омӯзгорон, мавриди баҳрабардорӣ қарор гирифтани биноҳои нави замонавии ҷавобгӯй ба меъёрҳои ҷаҳонӣ, таҷҳизонидани онҳо бо компютерҳои муосир, сол ба сол афзоиш ёфтани теъдоди хонандагони ба макотиби олии ҷумҳурӣ ва кишварҳои хориҷӣ шомилшуда  дар соҳа ҳамоно камбудиҳои зиёд ба мушоҳида мерасанд. Санҷишҳои прокурорӣ дар муассисаҳои таълимии шаҳру навоҳии вилоят норасоиҳоро аз қабили бар хилофи талаботи иҷозатнома зиёд будани шумораи хонандагон дар синфҳо, ҷавобгӯй набудани масоҳати синфхонаҳо ба миқдори хонандагон, риоя нагаштани меъёрҳои санитарию гигиенӣ, тибқи барномаи таълимӣ самаранок истифода нашудани соатҳои таълимӣ, бе тайёрӣ ҳозир шудани омӯзгорон ба дарс, набудани конспект, мувофиқа карда нашудани нархномаи таълими иловагии пулакӣ ошкор кард, ки боиси нигаронии аҳли ҷомеа мебошад.
Сарфи назар аз тадобири зиёд ҷиҳати беҳтар кардани шароити таҳсили хонандагон, азнавсозию барқароркунӣ дар вилоят 35 муассисаи таълимӣ дар биноҳои садамавӣ қарор дорад.
Прокуророни шаҳру навоҳии вилоят ҷиҳати аз тарафи волидайн, намояндагони қонунии ноболиғон, омӯзгорон, кормандони муассисаи таълимӣ, иҷро накардани уҳдадориҳои парасторӣ, тарбиявӣ, таълимӣ, ҳимояи ҳуқуқ ва манфиатҳои ноболиғон бо моддаи 90 - и Кодекси ҳуқуқвайронкунии маъмурӣ 302 парванда оғоз ва барои баррасӣ ба судҳо ирсол карданд, ки аз ин 280 парванда нисбат ба волидайн ва барои истифодаи телефон дар дарсҳо - 40 нафар, бе либоси мактабӣ омадан - 29 нафар, оворагардӣ  - 28 нафар, муҳайё накардани шароити таълим - 30 нафар, бо ҷавоҳирот ба дарс омадан ва нагирифтани шаҳодатномаи таваллуд  мебошанд. Ҳамзамон прокуратураи вилоят барои монеъ шудан ҷиҳати гирифтани маълумоти ҳатмии умумии асосӣ нисбат ба падару модар 30 парвандаи ҷиноятиро тафтиш мекунад. Аз 139 ноболиғи ҷиноят содиркарда дар даҳ моҳи соли равон 70 нафар ва ё 50,3 дарсадаш хонандагони муассисаҳои таълимӣ мебошанд.
Боиси таассуфу нигаронист, ки дар соҳа ҳолатҳои фаъолияти омӯзгорон бо дипломҳои қалбакӣ низ ошкор шуданд. Ин ҳолат нисбат ба  директорони МТМУ рақами 64 Ш.Шералиева, рақами 78 О.Холматов, гимназияи № 2 - и ноҳияи Бобоҷон Ғафуров, директори МТМУ рақами 22 М.Абдулақимоваи ноҳияи Ашт, Х.Марқаева, муовини директори мактаби президентии шаҳри Бӯстон Р. Ғафурова, омӯзгори МТМУ № 19 шаҳри Хуҷанд ошкор ва чораҳои қонунӣ андешида шуданд.
Дар ҷаласаи ҳайати васеи мушовараи прокуратураи вилоят оид ба камбудиҳои ошкоршуда ва ҷиҳати ислоҳи онҳо гузориши сардори раёсати маорифи вилоят Осим Каримзода ва дигар масъулини соҳа шунида шуд ва баҳри иҷрои қонунгузорӣ дар бораи маориф, сифати таълиму тарбия дар муассисаҳои таълимӣ қарорҳои дахлдор қабул гардиданд.
Ҷовиди АШТӢ,  «Ҷумҳурият»


Баёни ақида (0)    Санаи нашр: 6.12.2016    №: 239    Мутолиа карданд: 6524

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед