logo

иҷтимоиёт

ДӮХТИ КУРТА АЗ НАРХИ МАТОЪ БАЛАНД МЕШАВАД, ЧАРО?

Бо вуҷуди он, ки солҳои охир ҳунари дӯзандагӣ дар кишварамон рушд намудааст, арзиши дӯхти либос ҳанӯз ҳам гарон аст. Корафтодагон аз он изҳори ташвиш мекунанд, ки нархи дӯхти либос аз арзиши матоъ боло рафтан дорад.
Воқеан, баъзан дӯзандаҳо кӯшиш мекунанд, ки бештар ба тариқи боло бурдани нархи хизматрасонӣ мизоҷ ва обрӯ пайдо кунанд. Ба мардум низ одат шудааст, ки дӯзандаеро, ки арзиши хизматаш баланд аст, ӯро моҳир ҳисобанд.


Шаҳноза Мавлоназарова, сокини пойтахт мегӯяд: «Ҳамеша барои пайдо кардани дӯзандаи хуб мушкилӣ дорам. Зеро аз нархи матоъ дида нархи дӯхти он зиёд. Барои дӯхти либос ба Мавлуда ном дӯзанда, ки дар маҷмааи савдои «Саодат» кор мекунад, муроҷиат кардам, вале онро баъди чанд моҳ омода кард. Дар ҳоле маблағи дӯхташро пешпардохт намуда будам. Ба роҳбарашон шикоят ҳам кардам, аммо чора надиданд».
Ҳангоми шиносоӣ бо хизматрасонии дӯзандаҳои маркази савдои «Саодат» ба мо маълум шуд, ки дӯхти либос ин ҷо арзиши гуногун дорад. Яке аз тарроҳони ин марказ гуфт, ки ҳар дӯзанда кори анҷомдодаашро вобаста ба ҳунар ва виҷдонаш нарх мегузорад. Агар нафаре аз дӯзандаҳо нархро пойин барад, дигарон изҳори норозигӣ мекунанд.
 Дар ин марказ зиёда аз 30 нафар дӯзанда  ба дӯхти куртаҳои занона машғуланд. Онҳо барои дӯхтани як курта аз 80 то 500 сомонӣ ва баъзан аз ин ҳам зиёд ҳаққи кор талаб мекунанд.
Онҳо аслан мувофиқи хост ва имконияти молии мизоҷ либос омода месозанд. Гулбарг, як дӯзандаи бозори «Корвон», мегӯяд, ки ҳаққи хизматрасониро аз рӯйи газвор, тарзи дӯхти либос муайян месозем. Хоҳиши мизоҷро ба инобат гирифта, либосро бо ҳар гуна сангҳои қимат ва марворид оро медиҳем. Дар натиҷа баъзан арзиши корамон аз нархи матоъ зиёд мешавад. Агар мизоҷ куртаашро барои таъҷилан омода намудан фармоиш диҳад, арзишаш боз ҳам зиёдтар мегардад.
Вобаста ба ин, аз корафтодагон низ пурсон шудем, ки хизматрасонии дӯзандаҳоро чӣ баҳо медиҳанд?
Зарнигор Кабутова, сокини пойтахт гуфт, ки баъзе дӯзандаҳо аз мактаби ин ҳунар нагузаштаанд. Ҳамагӣ як моҳ дар назди дӯзандаи дигар шогирд истода бо ҳамин худро усто мешуморанд. Чунин тарзи кор байни аксари дӯзандаҳо мӯд шудааст.
Нархи дӯхтани либосро кӣ муқаррар мекунад? Ба ин суол дӯзандаҳо чунин посух мегӯянд: «Мизоҷон хоҳиши бо тарзи гуногун ва диди нав дӯхтани либосро талаб мекунанд. Асосан ороиши сангҳои ранга боиси болоравии нарх мегардад. Як миқдори маблағи даромадро барои кирояи дукон медиҳем».
Дар ошёнаҳои 4 ва 5 - уми маркази савдои «Садбарг», барои дӯхтани матое, ки 100 сомонӣ арзиш дорад, ба 20 дӯзанда муроҷиат кардем. Ҳар кадоме барои анҷоми кор 120 сомонӣ талаб кард. Бо баҳонаи он, ки барои дӯхтани либос ороишоти зиёд сарф мешавад. Ба андешаи дӯзандаҳо баъзе мизоҷон хоҳиш мекунанд, бо чӣ нархе, ки бошад, барои онҳо куртаро дарҳол омода созем. Барои мизоҷон муҳим арзиш не, фарқкунанда будани тарзи дӯхти он аст», - мегӯянд дӯзандаҳо
Мастура Зокирзода, сокини пойтахт, гуфт: «Барои дӯхтани куртаҳои арӯсии духтарам ба чанд коргоҳи дӯзандагӣ муроҷиат кардам. Дар ҳама ҷо барои дӯхтани 5 курта зиёда аз 1000 сомонӣ талаб намуданд. Шояд барои баъзеҳо ин маблағ ночиз бошад, аммо барои бисёриҳо кам нест».
Агар нархи дӯхти либос дар коргоҳ ва нуқтаҳои дӯзандагӣ танзим нашавад, пас, ин аҳвол то куҷо хоҳад расид?
Сафаргул АЛИМОВА,  «Ҷумҳурият»


Баёни ақида (0)    Санаи нашр: 7.12.2016    №: 240    Мутолиа карданд: 2447

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед