logo

ҳуқуқ

ИЗТИРОБ. БЕЭҲТИЁТИИ РОНАНДАҲО БОИСИ ҲАЛОКАТИ КӮДАКОН МЕШАВАД

Фарзанд барои падару модар азиз аст. Солиму бардам ва эмин аз ҳар гуна хатар ба воя расондани фарзанд муҳимтарин масъала маҳсуб меёбад. Тоҷикистон яке аз аввалин кишварҳои Осиёи Марказист, ки таълиму тарбияи фарзанд ва масъулияти падару модарро бо қонун ба танзим даровард. Дар давоми панҷ соли амалкарди Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” бештари волидон масъулияту уҳдадориҳои худро дар назди фарзанд беҳтар дарк карданд, ки ин боиси коҳиши ҷинояткорӣ дар байни ноболиғон ва дигар ҳодисаҳои нохуш гардид. Аммо бо вуҷуди ин, дар бисёр ҳолатҳо кӯдакону ноболиғон дар кӯчаву гулгаштҳои шаҳр беназорат монда, боиси сар задани садамаҳои нақлиётӣ мегарданд.   
Аз аввали соли ҷорӣ дар роҳҳои нақлиётгарди ҷумҳурӣ 1175 садамаи нақлиётӣ ба қайд гирифта шудааст. Бар асари ин садамаҳо 381 нафар  ба ҳалокат расида, 1226 нафари дигар бо ҷароҳатҳои гуногуни ҷисмонӣ дар беморхонаҳо бистарӣ гардидаанд. Бо иштироки кӯдакону наврасон бошад, 362 ҳодисаи садамавӣ ба қайд гирифта шуд, ки дар натиҷа 81 кӯдак ба ҳалокат расид. Аз ҷумла, дар оғози соли 2016 дар ноҳияи Хуросон ронандаи автомашинаи тамғаи «Опел-Астра» Алиҷон Раҳимов ҳангоми ҳаракат дар роҳи мошингарди Қӯрғонтеппа - Душанбе бехатарии ҳаракат дар роҳро таъмин карда натавониста, пиёдагарди 7-сола Руқия Ғафуроваро пахш мекунад. Дар натиҷа пиёдагард Руқия Ғафурова ҷароҳати вазнини ҷисмонӣ бардошта, дар ҷои ҳодиса ба ҳалокат мерасад.
Моҳи марти соли равон дар ноҳияи Исмоили Сомонии шаҳри Душанбе Ҳусейн Қурбонов ҳангоми ҳаркат дар хиёбони Рӯдакӣ идораи нақлиётро аз даст дода, пиёдагардон Карима Қурбонова, Ширин Қаюмова ва Сафина Наврӯзова, ки ҳар се ҳам 12-сола буданд, пахш кард. Ин садама боиси ҳалокати як нафар ва дар бемористон бистарӣ гаштани ду нафари дигар гардид.
Албатта, аксари ҷабрдидагон бо ҷурму хатоии ронандагон зарар мебинанд, аммо дар баъзе мавридҳо айби худи пиёдагардон ҳам мешавад. Нахустин масъала дар ин маврид беназоратии падару модар аст. Аксар вақт мушоҳида менамоем, ки кӯдакону наврасон дар назди шоҳроҳҳо, гулгашту хиёбон ва кӯчаву бозорҳои шаҳр аз саҳар то шом ва дар фасли гармо то нисфи шаб гаштугузор доранд. Як гурӯҳи онҳо барои “хушгузаронии вақт” берун аз хона бошанд, гурӯҳи дигарашон бо оворагардию талбандагӣ, испанддудкунию бозорнишинӣ, бо бозиҳои компютерӣ ва шустушӯи нақлиёт машғуланд.
Бояд як масъалаи муҳими дигарро қайд намуд, ки, мутаассифона, дар бештари муассисаҳои таҳсилоти миёнаи умумӣ нисбат ба омӯзондани қоидаҳои ҳаракат дар роҳ беэътиноӣ зоҳир намуда,  дар ҷараёни 17 соати тарбиявие, ки дар муассисаҳои таълимӣ барои омӯзиши қоидаҳои ҳаракат дар роҳ ҷудо шудааст, бо омӯзиши матлабу манбаъҳои дигар машғул мешаванд ва ё аксар маврид соати тарбиявӣ дар мактабҳо гузаронда намешавад.
Ҳарчанд аз тарафи Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон ба унвони вазири маориф ва илми Ҷумҳурии Тоҷикистон дар ин мавзӯъ чанд мактуб вобаста ба ҷорӣ намудани фанни алоҳида доир ба омӯзиши қоидаҳои ҳаракат дар роҳ ирсол  шуда бошад ҳам, вале то кунун ин масъала ҳалли худро наёфтааст. Дар давоми нуҳ моҳи соли ҷорӣ дар 6641 муассисаи таълимӣ бо хонандагон суҳбату вохӯриҳо гузаронда шудаст. Пайваста ба ин, кормандони раёсат кӯшиш менамоянд, ки роҷеъ ба ин масъала корро дар муассисаҳои таълимӣ боз ҳам ҷоннок намоянд, то ин ки рух додани садамаҳои нақлиётӣ ва дигар қоидавайронкуниҳо бо иштироки кӯдакону наврасон ва пиёдагардон коҳиш ёбад.
Нодирҷон МУРОДОВ,
аъзои маркази матбуоти Раёсати
БДА ВКД Ҷумҳурии Тоҷикистон


Баёни ақида (0)    Санаи нашр: 7.12.2016    №: 240    Мутолиа карданд: 3206

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед