logo

иқтисод

БАДАХШОН. ЧАНД ПАҲЛУИ ЯК ПРОБЛЕМА

Вилояти  Мухтори  Кӯҳистони  Бадахшонро  зимистону сардӣ фаро гирифтааст.  Дар  минтақаҳои  баландкӯҳи  Кӯҳтезаку    Тағарқақ  ва Маҳмадзоҳир, ки  имрӯз  қабои сафед  ба бар  кардаанд, гоҳе  тӯфони   барфӣ  ҳаракати  мунтазами  нақлиётро  халалдор  месозад.

- Дар  муассисаҳои   давлатии нигаҳдории   роҳҳои  автомобилгарди   вилоят  ва   Корхонаи  воҳиди  давлатии   фаръии  “ Хизматрасонии  манзилию  коммуналӣ”- и   шаҳри  Хоруғ аз 137 техникаву  механизми  роҳсозӣ танҳо 92  адад  омодаи коранд. Чанд адад нақлиёт ва механизмҳо аз таъмири  ҷорӣ  ва  асосӣ гузашта, даҳҳо  адади  дигар ҷиҳати  кӯҳнаву  фарсуда  шудан дар   ҳолати  корношоямӣ қарор   доранд. Масалан, дар  муассисаи  давлатии  нигаҳдории  роҳҳои  автомобилгарди  ноҳияи  Шуғнон  аз  21  адад техникаву  механизми  роҳсозӣ  15 ададаш кор намекунад. Дар муассисаи  давлатии  нигаҳдории  роҳҳои  автомобилгарди  ноҳияи  Дарвоз  бошад,  нақлиёту  механизмҳои  роҳсозии  корношоям  10  ададро  ташкил  медиҳанд, ки  ин  қариб  50 дарсади  техникаи  муассисаро ташкил  медиҳад.  Мисли  ҳамин,  то  ҳол  панҷоҳ  дарсади  таҷҳизоту  механизмҳои  роҳсозии  МДНРА-и ноҳияи  Роштқалъа низ дар  ҳолати  корношоямӣ  қарор  доранд, - иттилоъ дод Г. Насруллоев,  сардори  Ситоди ҳолатҳои   фавқулода  ва  мудофиаи  граждании  вилоят.
Муассисаҳои  роҳсозӣ дар  минтақаҳои   таъмири  роҳ ба  миқдори  зарурӣ сӯзишворӣ  захира  накардаанд. Кормандони идораҳои роҳсозии минтақаҳои  баландкӯҳ низ то  ҳол  барои  зимистонгузаронӣ   ба қадри зарурӣ ҳезум ва ангишт  надоранд. Таъмини  роҳсозон  бо  либоси гарм  низ  кашол  ёфта  истодааст. Ин дар  ҳолест, ки  идораи  обуҳавосанҷии  кишвар  омадани  зимистони  сардро  пешгӯӣ  карда буд.
Шодихон  Ҷамшед, раиси  вилоят,  дар  машварати  ситоди ҳолатҳои  фавқулода  ва  мудофиаи  граждании  вилоят таъкид  намуд, ки масъулон  ба  зимистони  мисли  чанд соли пеш  камбарф ва нисбатан  гарм  умед  набаста, камбудиву  норасоиҳоро  дар  самти  омода  намудани соҳаҳои иҷтимоию иқтисодӣ  барои  фаъолияти  мунтазам  ва  самарабахш  дар  зимистони имсола  ҳарчи зудтар  бартараф  намоянд. Ҳукумати  кишвар  ба ин  мақсад маблағҳои  заруриро  пурра  равона  намудааст. Омодагии  муассисаҳо  ба  мавсим  ба фаъолияти  роҳбарони  идораву  муассисаҳо, хусусан раисони  шаҳри  Хоруғ  ва  ноҳияҳои вилоят вобаста  аст.
   – Мо  ҳеҷ  ҳуқуқи  маънавӣ  надорем, ки роҳи  байналхалқӣ (Душанбе –Кӯлоб – Дарвоз –Хоруғ – Кулма - Қароқурум)  дар  қаламрави  вилоят  ягон  соат  ҷиҳати  барфрезӣ  ва  ё  фаромадани  тармаву дигар  офатҳои  табиӣ  баста  шавад, - гуфт  раиси  вилоят. - Зеро ба  ин  мақсад  бо  дастури  Пешвои  миллат, Президенти  кишвар  Эмомалӣ  Раҳмон  2  соли  охир  ба   муассисаҳои вилоят  даҳҳо техникаву  механизмҳои нави  роҳсозӣ   ройгон дода  шуда, дар  чанд соли  охир дар  ҳудуди  Ҷамоати  деҳоти  Сағирдашт, водии  Ғунд  ва  водии  баландкӯҳи   Бартанг  идораҳои  мустақили  роҳсозӣ  ташкил  шудаанд. Идораҳои  роҳсозии  вилоят  вазифадор  гардиданд, ки  масъалаи  интиқоли  техникаву  механизмҳоро  ба   қитъаҳои  осебпазири роҳ ва  таъмини  онҳо  бо  маводи  сӯзишвориро ҳарчи  зудтар  ҳал намоянд. 
Раиси  вилоят   сарраёсати  молияи вилоятро  вазифадор  кард, ки  новобаста  аз  мушкилоти  молиявӣ  пардохти  пурраи  маблағҳои  ба  самти   зимистонгузаронӣ  равонашудаи  идораву  муассисаҳои  буҷавиро  пурра  ва  сари  вақт   таъмин  намояд.  Таъкид  гардид, ки масъалаи  омодагии  на  танҳо  муассисаҳои  роҳсозӣ, балки  тамоми  соҳаҳои  иқтисодиёт  ва  иҷтимоиёти  ҳудуди вилоят  ҳамеша   мавриди таваҷҷуҳ,  омӯзиш ва  санҷиши  Ситоди ҳолатҳои  фавқулода  ва  мудофиаи  граждании  вилоят  ва  шаҳру  ноҳияҳо қарор  гирад. Раиси  вилоят  аз  он  изҳори нигаронӣ  кард, ки  дар  ин  самт  Ҳукумати кишвар  ҳамасола  моҳи  апрел  қарори  дахлдор  қабул  кунад ҳам, дар  шаҳру  ноҳияҳои  вилоят  аксаран  танҳо аз  моҳҳои  августу  сентябр сар карда  корро оғоз менамоянд, ки  ин  боиси кашол  ёфтани  иҷрои  нақшаи таъминот  бо  маводи  сӯзишворӣ ва  дигар  ҷиҳатҳои   омода  намудани  соҳаҳои  иқтисодиёт  ва  иҷтимоиёти  вилоят ба  мавсими  тирамоҳу зимистон мегардад.
 Раҳмони ГУЛЗОР, “Ҷумҳурият”


Баёни ақида (0)    Санаи нашр: 7.12.2016    №: 240    Мутолиа карданд: 1746

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед