logo

иқтисод

ИДОРАИ МОЛИЯИ ДАВЛАТ. САМАРАНОКИИ ОН РУШДИ УСТУВОРИ ИҚТИСОДРО ТАҲКИМ МЕБАХШАД

Истифодаи самараноки  молияи давлат барои пешрафти соҳаҳо яке аз самтҳои муҳими сиёсати иқтисодии кишвар мебошад. Ҳукумати ҷумҳурӣ  бо  мақсади роҳандозии  дурусти истифодаи маблағҳои буҷетӣ  заминаҳои асосии илмӣ – техникии соҳавиро фароҳам намудааст. Оид ба ин мавзӯъ   бо  ибтикори Донишкадаи молия ва иқтисод зери унвони «Самаранокии идоракунии молияи давлатӣ ва аҳамияти он дар рушди устувори иқтисодиёти  миллии Тоҷикистон» дар Китобхонаи миллии Тоҷикистон конфронси илмӣ – амалӣ доир гашт.
Дар чорабинии сатҳи баланд  намояндагони вазорату идораҳо, муассисаҳои илмӣ-тадқиқотӣ, ташкилотҳои байналмилалӣ, муҳаққиқони соҳа,  иқтисодшиносони Федератсияи Русия, Қазоқистон ва Фаронса иштирок карда,  иқдомҳои роҳбарияти мамлакатро вобаста ба самти мазкур ояндадор арзёбӣ намуданд. Дар ҷараёни конфронс масоили рушди муносибатҳои молиявӣ дар шароити ҷаҳонишавӣ ва буҳрони ҷаҳонӣ, раванди истифодаи буҷет ва ояндабинии  кишварҳои рушдкунанда  мавриди баррасӣ қарор гирифтанд.
Ба андешаи иқтисодшиносон, ҷиҳати  рушди  ҳамкориҳои молиявӣ ва беҳбудии  низоми хазинадорӣ  механизми ҳавасмандсозии андозбандӣ нақши муҳим дорад. Ҳамчунин, ташкили фондҳои махсуси молиявии байнидавлатӣ ва бисёрҷониба,  беҳбудӣ бахшидан ба  низоми ҳукумати электронӣ,  таъмини шаффофияти раванди истифодаи буҷет ба воситаи  стандартҳои муосири аудит,  назорати молияи маҳаллӣ ва аз рӯйи  иқтидор  ояндабинӣ намудани молияи давлат аз пешниҳодҳои  иштирокдорон буданд.   Татбиқи механизмҳои нави  идоракунии молияи давлатӣ,  рушди устувори иқтисодиёти миллӣ бо истифода аз сиёсати фискалӣ зарур дониста шуд.
Ашӯрбой Солеҳзода, ректори Донишкадаи молия ва иқтисоди Тоҷикистон, изҳор дошт, ки бо ташаббуси Ҳукумати кишвар ва кумаки техникии Иттиҳоди Аврупо  раванди омодасозии мутахассисони соҳа аз ҷониби донишкада беҳтар гардидааст.   Бо мақсади  ташаккули системаи омодасозии кадрҳои болаёқати  ба талаботи замон ҷавобгӯ  ва омӯзиши омӯзгорон дар донишкада  маркази ақлҳо ташкил карда шуд. Инчунин, дар ояндаи наздик дар бахши магистратура  омодасозии мутахассисони ихтисоси идоракунии молияи давлатӣ роҳандозӣ карда  мешавад.
Ба гуфтаи Мачей Мадалински, намояндаи ИА,  барои омодасозии мутахассисони сатҳи баланд   дар ҳамкорӣ бо донишкада татбиқи лоиҳаҳои нав  ба роҳ монда шудааст. 
- Ҳоло  барои омӯзиши  масъалаҳои макроиқтисодӣ, бозори меҳнат,  муҳоҷират ва буҷетикунонии минтақаҳо дар донишкада се гурӯҳи корӣ фаъолияти таҳқиқотӣ мебарад.  Беш аз 40 нафар устоди донишкада дар таҳияи барномаи таълими фосилавӣ оид ба идоракунии молияи давлатӣ иштироки фаъол  дорад, - гуфт номбурда.
Сироҷиддин Икромӣ, муовини раиси Бонки миллии кишвар, барои рушди бахши хусусӣ ва дастгирии соҳибкорӣ дарёфти сармояи арзону дарозмуҳлат,  дар  заминаи он  пешниҳоди қарзҳои имтиёзнокро аз тарафи ташкилотҳои қарзӣ натиҷаовар арзёбӣ намуд
Ба гуфтаи Ҷамшед Нурмаҳмадӣ,  муовини вазири молияи кишвар, новобаста аз таъсири омилҳои беруна ба иқтисодиёт, соли равон бо шарофати сиёсати пешгирифтаи Ҳукумати ҷумҳурӣ  натиҷаҳои муайяни рушди иқтисод ва муътадилии сиёсати макрофискалӣ дар мамлакат ба даст омад. Суръати афзоиши маҷмӯи маҳсулоти дохилӣ дар давоми 10 моҳи соли равон 6,7 дарсадро  ташкил дод. Тавре зикр шуд, ҳанӯз ҳам  омилҳои берунаи иқтисодӣ, ки боиси коҳиш ёфтани ҳаҷми гардиши савдои хориҷӣ, интиқоли пули муҳоҷирон, фаъолияти соҳибкорӣ,  хизматрасонии пулакӣ ба аҳолӣ ва  даромади буҷет мегарданд, ба иқтисоди ҷумҳурӣ таъсир мерасонанд. Ҳукумати мамлакат бо мақсади паст кардани таъсири омилҳои беруна нақшаи чорабиниҳо оид ба пешгирии хавфҳои эҳтимолӣ ба иқтисодиёти миллиро   ба тасвиб расондааст, ки он  таъмини суботи макроиқтисодӣ, таҳкими сиёсати пулию фискалӣ ва  беҳтар намудани фазои соҳибкориро фаро мегирад.
Ташрифулло САЪДУЛЛОЕВ,  «Ҷумҳурият»


Баёни ақида (0)    Санаи нашр: 7.12.2016    №: 240    Мутолиа карданд: 1826

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед