logo

иҷтимоиёт

МАҲСУЛОТИ СИНТЕТИКӢ ВА ПАЁМАДҲОИ НОГУВОРИ ОН

Мутахассисон исбот кардаанд, ки истифодаи маводи ғизоӣ ва ғайриғизоии синтетикӣ ба организми инсон зарар дорад. Ба гуфтаи онҳо  молу маҳсулоти синтетикӣ барангезандаи асосии бемориҳои гуногуни пӯст  мебошад. Мутаассифона, имрӯз сокинони кишвар, махсусан занону духтарон мафтуни зебоӣ, рангу бор ва ҷилои матоъҳои синтетикии ғайристандартӣ гардидаанд, ки ин амал ба саломатии онҳо зарари ҷиддӣ дорад.
Дар нуқтаҳои савдою бозорҳои ҷумҳурӣ матоъҳои синтетикӣ нисбат ба пахтагин бештар ба назар мерасанд. Либосҳои синтетикӣ арзону дастрас ва хушранг буда, мардум бехабар аз зарару ҷиҳатҳои манфии онҳо либосҳоро мехаранд. Савдогарон низ барои ба даст овардани даромад ва манфиати шахсӣ аз оқибатҳои ногувори он андеша намекунанд ва бозори худро гарм нигоҳ медоранд.
Бино ба иттилои Исохон Қаҳоров, табиби Маркази ҷумҳуриявии клиникии бемориҳои пӯст, дар 9 моҳи соли ҷорӣ аз таъсири либосҳои синтетикӣ зиёда аз 1300 нафар бемор  ба қайд гирифта шуда, ҳолати ба касалиҳои пӯст дучоршавии аҳолӣ афзоиш дорад. Бештари маризон  ҷавонони 10 - 25 – солаанд.
- Организми инсон ҳангоми истифодабарии маводи синтетикӣ (аз бозичаи кӯдакона то маводи ғизоиву ғайриғизоӣ, аз ҷумла либосҳои аз матоъҳои синтетикӣ истеҳсолшуда)  зарра - зарра заҳролуд мешавад. Нафароне, ки имрӯз мехоҳанд ба бемориҳои гуногуни боди гармӣ ва пӯст дучор нашаванд, аз либосҳои синтетикӣ бояд худдорӣ намоянд. Зеро шахсоне, ки қаблан гирифтори бемориҳои  шукуфаи рангоранг, асабзоди пӯст, қубо (экзема)  мебошанд, ҳангоми ба бар кардани матоъҳои синтетикӣ хуруҷёбӣ ва авҷгирии онҳо бештар мегардад.     
Мушкилӣ он аст, ки аз таъсири либосҳои химиявии синтетикӣ ва гармии нури офтоб имунитет ва қобилияти муборизабарии пӯсти бадан паст мегардад. Ин ба он оварда мерасонад, ки табобат душвор гашта, муолиҷаи ин беморон тӯлонӣ гардад, - мегӯяд И. Қаҳоров.
Бинобар ин, мутахассисони соҳаи тиб тавсия медиҳанд, ки истеъмолгарон дар вақти интихоб ва харидорӣ асосан аз матоъҳои табиӣ, яъне пахтагин, пашмин истифода намоянд. Зеро матоъҳои табиӣ якчанд хусусиятҳои хуби гигиение доранд, ки ба саломатии одам на танҳо безарар, балки манфиатбахш мебошанд.
Ҷои таъкид аст, ки дар баробари фаъол будани ниҳодҳои махсуси назоратӣ ҳамоно ба кишвар молу маҳсулоти пастсифат ворид мешавад. Ҷиҳати пешгирии воридоти маҳсулоти пастсифат, ки аллакай оқибатҳои нохуши он ба мушоҳида расидааст, сохторҳои дахлдор бояд бештар чораҷӯӣ намоянд.
Бозор Остонаев, мутахассиси шуъбаи назорати давлатии молҳои ниёзи мардум дар Агентии Тоҷикстандарт, иброз дошт, ки яке аз самтҳои фаъолияти масъулини агентӣ пешгирӣ намудани воридоти маҳсулоти пастсифат мебошад. Мувофиқи талаботи ҳуҷҷатҳои меъёрӣ - техникӣ «Матоъҳои куртаворӣ, куртаю костюмворӣ аз нахи кимиёвӣ» бояд шартҳои умумии техникӣ риоя гардад. Ашёи хом ва ҳамаи маводе, ки барои истеҳсоли матоъҳои синтетикӣ истифода бурда мешаванд, ҳатман аз ташхиси Хадамоти санитарию эпидемиологӣ гузарад.
Матлубаи АБДУҚАҲҲОР,  «Ҷумҳурият»


Баёни ақида (0)    Санаи нашр: 8.12.2016    №: 241    Мутолиа карданд: 2539

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед